ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊ အမှတ်(၈၈)ရပ်ကွက်၌ ဖုန်းအပိုပစ္စည်းဆိုင် မီးလောင်မှု

ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊ အမှတ်(၈၈)ရပ်ကွက်၌ ဖုန်းအပိုပစ္စည်းဆိုင် မီးလောင်မှု

     ၂၀၂၆ ခုနှစ်၊ ဧပြီ ၂၆ ရက် နံနက် ၁ နာရီ ၂၀ မိနစ်ခန့်က ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊ အမှတ်(၈၈)ရပ်ကွက်၌ ပိုင်ရှင် မအားဖျင့်(၂၈)နှစ်၏ ၁၅ x ၂၀ ပေ၊ သွပ်မိုး၊ အုတ်ကာ၊ ကွန်ကရစ်ခင်း တစ်ထပ် “Chile” ဖုန်းအပိုပစ္စည်းဆိုင်တွင် အင်ဗာတာဖြင့် ဘက်ထရီအားသွင်းထားခဲ့ရာမှ ဘက်ထရီအိုး အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ဒဂုံမြို့သစ်(ဆိပ်ကမ်း)မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် မီးငြှိမ်းသတ်ခဲ့ရာ နံနက် ၁ နာရီ ၃၂ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် 1300 W အင်ဗာတာ တစ်လုံး၊ 12.8V (200 Ah) ဘက်ထရီအိုး တစ်လုံး၊ ဖုန်းစတစ်ကာဖြတ်စက် တစ်ခု မီးလောင်ဆုံးရှုံးခဲ့ကြောင်းနှင့် မအားဖျင့် အား ဒဂုံမြို့သစ်(ဆိပ်ကမ်း)မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။