ရန်ကုန်တိုင်းဒေသကြီး၊ မှော်ဘီမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ရန်ကုန်တိုင်းဒေသကြီး၊ မှော်ဘီမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ မေ ၆ ရက်က ရန်ကုန်တိုင်းဒေသကြီး၊ မှော်ဘီမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။
     ဖြစ်စဉ်မှာ မေ ၆ ရက် နံနက် ၈ နာရီ ၄၅ မိနစ်တွင် ရန်ကုန်တိုင်းဒေသကြီး၊ မှော်ဘီမြို့နယ်၊ အမှတ်(၄)လမ်းမကြီး မိုင်တိုင်အမှတ် ၉ မိုင် ၅ ဖာလုံနှင့် ၆ ဖာလုံအကြား၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆၄)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အမှတ်(၄) လမ်းမကြီးအတိုင်း အနောက်မှအရှေ့သို့ ရွှေပြည်သာမြို့နယ်၊ အမှတ်(၁၄)ရပ်ကွက်နေ လွင်မျိုးသူ (၄၂)နှစ် မောင်းနှင်လာသည့် YGN-44/9E-XXXX TOYOTA RAV-4 မော်တော်ယာဉ်သည် အခင်းဖြစ် နေရာအရောက်၌ ယာဉ်ကြောမရှင်းဘဲ လမ်းဝဲဘက်သို့ ချိုးကွေ့စဉ် လားရာတူနောက်မှ မှော်ဘီမြို့နယ်၊ ညောင်ရွာကျေးရွာနေ ချမ်းမြေ့(၁၈)နှစ် မောင်းနှင်လာသည့် YGN/77-XXXX CANDA 125 ဆိုင်ကယ်မှ ဝင်ရောက်တိုက်မိခဲ့သဖြင့် ချမ်းမြေ့တွင် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် လွင်မျိုးသူ အား မှော်ဘီမြို့မရဲစခန်း ယာဉ်(ပ)၁၄/၂၀၂၆၊ ရာဇသတ်ကြီးပုဒ်မ ၃၀၄-က/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။