ရှမ်းပြည်နယ်၊ ကျိုင်းတုံမြို့နယ်၊ ဝပ်ဆောင်းကျေးရွာအုပ်စု၊ နောင်တောင်းကျေးရွာ၌ နေအိမ် မီးလောင်မှု
ရှမ်းပြည်နယ်၊ ကျိုင်းတုံမြို့နယ်၊ ဝပ်ဆောင်းကျေးရွာအုပ်စု၊ နောင်တောင်းကျေးရွာ၌ နေအိမ် မီးလောင်မှု
Ministry of Home Affairs/ နေပြည်တော် / July 23, 2025
၂၀၂၅ ခုနှစ်၊ ဇူလိုင် ၂၂ ရက် နံနက် ၂ နာရီ ၁၀ မိနစ်ခန့်က ရှမ်းပြည်နယ်၊ ကျိုင်းတုံမြို့နယ်၊ ဝပ်ဆောင်းကျေးရွာအုပ်စု၊ နောင်တောင်းကျေးရွာရှိ ပိုင်ရှင် ဒေါ်နန်းကောင်၏ ၄၀ x ၃၀ ပေ၊ အုတ်ညှပ်၊ အုတ်ကြွပ်မိုး တစ်ထပ် နေအိမ်၌ အင်ဗာတာဖြင့် ဘက်ထရီအိုး အားသွင်းရာမှ အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကျိုင်းတုံခရိုင်မီးသတ်စခန်းနှင့် ကျိုင်းတုံမြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် မီးငြှိမ်းသတ်ခဲ့ရာ နံနက် ၂ နာရီ ၅၀ မိနစ်တွင် မီးငြိမ်းခဲ့ပါသည်။
အဆိုပါမီးလောင်မှုကြောင့် နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဒေါ်နန်းကောင် အား ကျိုင်းတုံမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
