ရှမ်းပြည်နယ်၊ တန့်ယန်းမြို့နယ်နှင့် စစ်ကိုင်းတိုင်းဒေသကြီး၊ စစ်ကိုင်းမြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

ရှမ်းပြည်နယ်၊ တန့်ယန်းမြို့နယ်နှင့် စစ်ကိုင်းတိုင်းဒေသကြီး၊ စစ်ကိုင်းမြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

   ၂၀၂၅ ခုနှစ်၊ စက်တင်ဘာ ၂၄ ရက်က ရှမ်းပြည်နယ်၊ တန့်ယန်းမြို့နယ်နှင့် စစ်ကိုင်းတိုင်းဒေသကြီး၊ စစ်ကိုင်းမြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ စက်တင်ဘာ ၂၄ ရက် မွန်းလွဲ ၁ နာရီ ၁၅ မိနစ်တွင် ရှမ်းပြည်နယ်၊ တန့်ယန်းမြို့နယ်၊ တန့်ယန်းခရိုင်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့က တန့်ယန်းမြို့နယ်၊ အမှတ်(၃)ရပ်ကွက် ဗိုလ်ချုပ်လမ်းပေါ်၌ မော်တော်ယာဉ်စစ်ဆေးခြင်းများ ဆောင်ရွက်နေစဉ် အမှတ်(၉)ရပ်ကွက်နေ အာစမ်းဖာ(၅၁)နှစ် မောင်းနှင်လာသည့် SHN-12/2Q-XXXX FORD RANGER မော်တော်ယာဉ်၊ အမှတ်(၂)ရပ်ကွက်နေ မျိုးထက်ကို(၂၅)နှစ် မောင်းနှင်လာသည့် SHN-10/6J-XXXX TOYOTA MARK II မော်တော်ယာဉ်၊ အမှတ်(၆)ရပ်ကွက်နေသူများဖြစ်ကြသည့် စိုင်းအောင်လူ(၂၁)နှစ် မောင်းနှင်လာသည့် SHN-36/5K-XXXX TOYOTA HILUX မော်တော်ယာဉ်နှင့် တမ်မနိုင်းမန်(၄၃)နှစ် မောင်းနှင်လာသည့် SHN-27/7L-XXXX HONDA FIT မော်တော်ယာဉ်၊ တန့်ယန်းမြို့နယ်၊ နောင်ခမ်းကျေးရွာနေ စိုင်းမောင်ဖိုး(၄၃)နှစ် မောင်းနှင်လာသည့် YGN-12/6P-XXXX HIJET မော်တော်ယာဉ်၊ ရှမ်းပြည်နယ်၊ မိုင်းကိုင်မြို့နယ်၊ အမှတ်(၃)ရပ်ကွက်နေ စိုင်းအောင်ဖ(၂၆)နှစ် မောင်းနှင်လာသည့် SHN-38/6K-XXXX TOYOTA LEXUS မော်တော်ယာဉ်နှင့် ရှမ်းပြည်နယ်၊ မိုင်းယန်းမြို့နယ်၊ ပုံလုံ ကျေးရွာနေ အိုက်ဆမ်လိတ်(၃၀)နှစ် မောင်းနှင်လာသည့် MDY-17/4M-XXXX TOYOTA REVO မော်တော်ယာဉ်တို့အား ရပ်တန့်စစ်ဆေးခဲ့ရာ မော်တော်ယာဉ်များနှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်များဖြစ်ကြောင်း စစ်ဆေးတွေ့ရှိရသဖြင့် အာစမ်းဖာပါ ခုနစ်ဦးအား တန့်ယန်းမြို့မရဲစခန်း၌လည်းကောင်း။

    ထို့အတူ စက်တင်ဘာ ၂၅ ရက် မွန်းလွဲ ၂ နာရီ ၃၀ မိနစ်တွင် စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ အမှတ်(၁၀၆)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က ရတနာပုံတံတားပူးပေါင်းစစ်ဆေးရေးဂိတ်၌ မော်တော်ယာဉ်စစ်ဆေးခြင်းများ ဆောင်ရွက်နေစဉ် မန္တလေးတိုင်းဒေသကြီး၊ မိတ္ထီလာမြို့နယ်၊ ပေါက်ချောင်းရပ်ကွက်နေ ဝေဖြိုးအောင်(၃၆)နှစ် မောင်းနှင်လာသည့် MDY-7/RLG-XXXX NISSAN X-TRAIL မော်တော်ယာဉ်အား ရပ်တန့်စစ်ဆေးခဲ့ရာ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ဝေဖြိုးအောင် အား စစ်ကိုင်းမြို့မရဲစခန်း၌လည်းကောင်း ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီးအမှုဖွင့်အရေးယူထားကြောင်း သတင်းရရှိပါသည်။