ရှမ်းပြည်နယ်၊ တာချီလိတ်မြို့နယ်၌ စိတ်ပြောင်းဆေးဝါးများ ဖမ်းဆီးရမိ

ရှမ်းပြည်နယ်၊ တာချီလိတ်မြို့နယ်၌ စိတ်ပြောင်းဆေးဝါးများ ဖမ်းဆီးရမိ

     ၂၀၂၆ ခုနှစ်၊ ဖေဖော်ဝါရီ ၁၁ ရက် ညနေ ၅ နာရီ ၃၀ မိနစ်တွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ရှမ်းပြည်နယ်၊ တာချီလိတ်မြို့နယ်၊ ဆန်ဆိုင်း(ခ)ရပ်ကွက်၊ ဝမ်မိုင်(ကွက်သစ်)၊ ပုံလို့လမ်း၌ လမ်းလျှောက်လာသူ အဆိုပါရပ်ကွက်နေ ကျော်စန်းဦး(ခ)ကုလား(၃၁)နှစ်အား စစ်ဆေးရှာဖွေခဲ့ရာ ၎င်းထံမှ အိုက်စ် (မက်သ်အဖက်တမင်း) ၃ ကီလို(တစ်ကီလိုလျှင် ငွေကျပ် သိန်း ၈၀ နှုန်းဖြင့် ၎င်းဒေသကာလတန်ဖိုး ငွေကျပ် သိန်း ၂၄၀) အား ဖမ်းဆီးရမိခဲ့ကြောင်း။
     ကွင်းဆက်ဖော်ထုတ်ချက်အရ ညနေ ၆ နာရီတွင် တာချီလိတ်မြို့နယ်၊ မယ်ခေါင်ရပ်ကွက်၊ အိမ်တွင်းမှုကျောင်းလမ်း၌ ဖမ်းဆီးရမိ အိုက်စ်(မက်သ်အဖက်တမင်း)များအား ရောင်းချပေးသူ တာချီလိတ်မြို့နယ်၊ ရန်အောင်မြင်ရပ်ကွက်နေ ဝင်းကျော်စွာ(ခ)ကိုထွန်း(၄၀)နှစ်အား စိတ်ကြွရူးသွပ် ဆေးပြား ၅၀၀ ပြား(တစ်ပြားလျှင် ငွေကျပ် ၇၀၀ နှုန်းဖြင့် ၎င်းဒေသကာလတန်ဖိုး ငွေကျပ် ၃ ဒသမ ၅ သိန်း) နှင့် အိုက်စ် (မက်သ်အဖက်တမင်း) ၀ ဒသမ ၁ ကီလို (တစ်ကီလိုလျှင် ငွေကျပ် သိန်း ၈၀ နှုန်းဖြင့် ၎င်းဒေသကာလတန်ဖိုး ငွေကျပ် ၈ သိန်း) အား ထပ်မံဖမ်းဆီးရမိသဖြင့် ကျော်စန်းဦး(ခ) ကုလားနှင့် ဝင်းကျော်စွာ(ခ)ကိုထွန်း တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများ ဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။