ရှမ်းပြည်နယ်၊ တောင်ကြီးမြို့နယ်၊ ပြည်တော်သာရပ်ကွက်၌ နေအိမ် မီးလောင်မှု
ရှမ်းပြည်နယ်၊ တောင်ကြီးမြို့နယ်၊ ပြည်တော်သာရပ်ကွက်၌ နေအိမ် မီးလောင်မှု
Ministry of Home Affairs/ နေပြည်တော် / March 28, 2026
၂၀၂၆ ခုနှစ်၊ မတ် ၂၇ ရက် နံနက် ၁၀ နာရီ ၃၀ မိနစ်ခန့်က ရှမ်းပြည်နယ်၊ တောင်ကြီးမြို့နယ်၊ ပြည်တော်သာရပ်ကွက်၌ ပိုင်ရှင် ဒေါ်မဗွေ(၆၀)နှစ် ပိုင်ဆိုင်သော ၄၀ x ၃၀ ပေ၊ သွပ်မိုး၊ အုတ်ကာ၊ ပျဉ်ခင်း နှစ်ထပ်နေအိမ်တွင် အိမ်ငှားဖြစ်သူ ဦးအောင်မြတ်စိုး(၅၃)နှစ်သည် မီးဖိုခန်းတွင် ဂတ်(စ်)အိုးဖြင့် ချက်ပြုတ်ရာမှ ဂတ်(စ်)ယိုစိမ့်မှုဖြစ်ပွားပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ရှမ်းပြည်နယ်မီးသတ်ဦးစီးမှူးရုံးနှင့် တောင်ကြီးခရိုင်၊ မြို့နယ်မီးသတ်စခန်းတို့မှ မီးသတ်တပ်ဖွဲ့ဝင် များသည် မီးသတ်ယာဉ် ကိုးစီးဖြင့် မီးငြှိမ်းသတ်ခဲ့ရာ နံနက် ၁၁ နာရီတွင် မီးငြိမ်းခဲ့ပါသည်။
အဆိုပါ မီးလောင်မှုကြောင့် အိမ်ငှားဖြစ်သူ ဦးအောင်မြတ်စိုး မီးဟပ်ဒဏ်ရာ(မစိုးရိမ်ရ)အား စဝ်စံထွန်းဆေးရုံသို့ ပို့ဆောင်ပေးခဲ့ကြောင်း၊ ၄၀ x ၃၀ ပေ၊ သွပ်မိုး၊ အုတ်ကာ၊ ပျဉ်ခင်း နှစ်ထပ် နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် ဦးအောင်မြတ်စိုး အား တောင်ကြီးမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
