ရှမ်းပြည်နယ်၊ မိုင်းကိုင်မြို့နယ်၊ ရပ်ကွက်(၄)၊ ဗိုလ်ချုပ်လမ်းတွင် နေအိမ်မီးလောင်မှု 

ရှမ်းပြည်နယ်၊ မိုင်းကိုင်မြို့နယ်၊ ရပ်ကွက်(၄)၊ ဗိုလ်ချုပ်လမ်းတွင် နေအိမ်မီးလောင်မှု 

     ၂၀၂၄ ခုနှစ်၊ ဒီဇင်ဘာ ၂၀ ရက် နံနက် ၀၀ နာရီ ၁၆ မိနစ်ခန့်က ရှမ်းပြည်နယ်၊ မိုင်းကိုင်မြို့နယ်၊ ရပ်ကွက်(၄)၊ ဗိုလ်ချုပ်လမ်းရှိ  ပိုင်ရှင် ဦးရွှေထူး၏ ၃၀ x ၂၀ ပေ အုတ်ညှပ်၊ သွပ်မိုး၊ ပျဉ်ကာ၊ ပျဉ်ခင်း နှစ်ထပ်နေအိမ် အောက်ထပ်ရှိ ဖျာပေါ်တွင် ခြင်ဆေးခွေထွန်းထားရာမှ ခြင်ဆေးခွေလဲကျပြီး ဖျာမှတစ်ဆင့် မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မိုင်းကိုင်မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးငြှိမ်းသတ်ယာဉ် သုံးစီးဖြင့် သွားရောက်ငြှိမ်းသတ်ခဲ့ရာ နံနက် ၀၀ နာရီ ၅၅ မိနစ်တွင် မီးငြိမ်းခဲ့ပါသည်။
     အဆိုပါမီးလောင်မှုကြောင့် ၃၀ x ၂၀ ပေ အုတ်ညှပ်၊ သွပ်မိုး၊ ပျဉ်ကာ၊ ပျဉ်ခင်းနှစ်ထပ်နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးရွှေထူးအား မိုင်းကိုင်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။