ရှမ်းပြည်နယ်၊ မိုင်းကိုင်မြို့၊ ရပ်ကွက်(၄)၊ အရှေ့မြို့ပတ်လမ်းရှိ နေအိမ်မီးလောင်မှု 

ရှမ်းပြည်နယ်၊ မိုင်းကိုင်မြို့၊ ရပ်ကွက်(၄)၊ အရှေ့မြို့ပတ်လမ်းရှိ နေအိမ်မီးလောင်မှု 

     ၂၀၂၄ ခုနှစ်၊ ဒီဇင်ဘာ ၂၁ ရက် မွန်းလွဲ ၁၂ နာရီ ၅ မိနစ်ခန့်က ရှမ်းပြည်နယ်၊ မိုင်းကိုင်မြို့၊ ရပ်ကွက်(၄)၊ အရှေ့မြို့ပတ်လမ်းရှိ  ပိုင်ရှင် ဦးကျော်ဦး၏ ၃၂ x ၂၄ ပေ၊ သွပ်မိုး၊ ပျဉ်ကာ၊ ပျဉ်ခင်းနှစ်ထပ် နေအိမ်အောက်ထပ်ရှိ ရေခဲသေတ္တာ Safe Guard အပူလွန်ကဲရာမှ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် မိုင်းကိုင်မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးငြှိမ်းသတ်ယာဉ် သုံးစီးဖြင့် သွားရောက်ငြှိမ်းသတ်ခဲ့ရာ မွန်းလွဲ ၁၂ နာရီ ၃၅ မိနစ်တွင် မီးငြိမ်းခဲ့ပါသည်။
     အဆိုပါမီးလောင်မှုကြောင့် ၃၂ x ၂၄ ပေ၊ သွပ်မိုး၊ ပျဉ်ကာ၊ ပျဉ်ခင်းနှစ်ထပ် လူနေအိမ်တစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးကျော်ဦးအား မိုင်းကိုင်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။