အိမ်တွင်သက်မွေးလုပ်ငန်းပညာသင်ကျောင်း(ရန်ကုန်)အပတ်စဉ်(၈/၂၀၂၃)သင်တန်းဆင်းပွဲအခမ်းအနား ကျင်းပခြင်း

အိမ်တွင်သက်မွေးလုပ်ငန်းပညာသင်ကျောင်း(ရန်ကုန်)အပတ်စဉ်(၈/၂၀၂၃)သင်တန်းဆင်းပွဲအခမ်းအနား ကျင်းပခြင်း

လူမှုဝန်ထမ်းဦးစီးဌာန၊ အိမ်တွင်းမှုသက်မွေးလုပ်ငန်းပညာသင်ကျောင်း(ရန်ကုန်)၏ အပတ်စဉ် (၈/၂၀၂၂) သင်တန်းဆင်းပွဲအခမ်းအနားကို (၃၁.၃.၂၀၂၃)ရက်နေ့ နံနက်(၀၈:၃၀)နာရီအချိန်တွင် ရန်ကုန်မြို့၊ အိမ်တွင်းမှုသက်မွေးလုပ်ငန်းပညာသင်ကျောင်းသင်တန်းခန်းမတွင် ကျင်းပပြုလုပ်ခဲ့ရာ အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ လူမှုရေးရာဝန်ကြီး၊ ကမာရွတ်ခရိုင်အုပ်ချုပ်ရေးမှူး၊ ကမာရွတ်ခရိုင် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ ဥက္ကဌ ဒေါ်နီနီအေး၊ ဗဟန်းမြို့နယ်အုပ်ချုပ်ရေးမှူး၊ ရန်ကုန်တိုင်းဒေသကြီး ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနရုံးနှင့် လူမှုဝန်ထမ်းဦးစီးဌာနရုံးမှ တာဝန်ရှိသူများနှင့် သင်တန်းသား၊ သင်တန်းသူ (၉၆)ဦး အခမ်းအနားသို့ တက်ရောက်ခဲ့ကြပါသည်။ 
ဆက်လက်၍ လူမှုရေးရာဝန်ကြီးမှ သင်တန်းဆင်းအဖွင့်အမှာစကားပြောကြားခြင်း၊ အိမ်တွင်းမှုကျောင်းကျောင်းအုပ်မှ သင်တန်းနှင့်ပတ်သက်၍ ရှင်းလင်းတင်ပြခြင်း၊ စက်ချုပ်ဘာသာရပ် ထူးချွန်ဆုရရှိသူ သင်တန်းသူ မအေးသီတာထွန်းအား အပ်ချုပ်စက်(၁)လုံးချီးမြှင့်ခြင်း၊ တာဝန်ရှိသူများမှ သင်တန်းဆင်းလက်မှတ်များ ပေးအပ်ချီးမြှင့်ခြင်း၊ သင်တန်းဆင်းသင်တန်းသူများကိုယ်စား မအေးသီတာထွန်းမှ ကျေးဇူးတင်စကားပြောကြားခြင်းများကို ဆောင်ရွက်ခဲ့ပြီး နံနက် (၁၀:၀၀) နာရီတွင် သင်တန်းဆင်းပွဲ အခမ်းအနားပြီးမြောက်ခဲ့ပါသည်။