ဧရာဝတီတိုင်းဒေသကြီး၊ ကျုံပျော်မြို့နယ်၌ ဒီဇယ်ဆီများ တရားမဝင် သယ်ဆောင်လာသူ အမျိုးသား သုံးဦးအား ဖမ်းဆီးအရေးယူ

ဧရာဝတီတိုင်းဒေသကြီး၊ ကျုံပျော်မြို့နယ်၌ ဒီဇယ်ဆီများ တရားမဝင် သယ်ဆောင်လာသူ အမျိုးသား သုံးဦးအား ဖမ်းဆီးအရေးယူ

      ၂၀၂၆ ခုနှစ်၊ မတ် ၃၁ ရက်က ဧရာဝတီတိုင်းဒေသကြီး၊ ကျုံပျော်မြို့နယ်၌ ဒီဇယ်ဆီများ တရားမဝင် သယ်ဆောင်လာသူ အမျိုးသား သုံးဦးအား ဖမ်းဆီးအရေးယူထားကြောင်း သိရသည်။
     ဖြစ်စဉ်မှာ မတ် ၃၀ ရက် ည ၁၁ နာရီ ၅၀ မိနစ်တွင် ဧရာဝတီတိုင်းဒေသကြီး၊ ကျုံပျော်မြို့မရဲစခန်းမှ တပ်ဖွဲ့ဝင်များက ကျုံပျော်မြို့နယ်၊ အောင်ဆန်းရပ်ကွက်၊ အင်းရဲလမ်းဆုံ၌ ယာဉ်စစ်ဆေးခြင်းများ ဆောင်ရွက်နေစဉ် သပြေကွင်းကျေးရွာမှ အင်းရဲလမ်းဆုံဘက်သို့ ဓနုဖြူ မြို့နယ်၊ ကျုံဘောကုန်းကျေးရွာနေ ဦးပြည့်ဖြိုးအောင်(၃၄)နှစ် မောင်းနှင်ပြီး ခနောင်ရိုက်ကျေးရွာနေသူများဖြစ်သည့် ဦးဆန်းမင်းအောင်(၃၄)နှစ်နှင့် ဦးမြတ်ကိုကိုမင်း(၃၄)နှစ်တို့ လိုက်ပါလာသော YGN-8/ 5K-XXXX Probox မော်တော်ယာဉ်အား ရပ်တန့်စစ်ဆေးခဲ့ရာ ယာဉ်နောက်ခန်းအတွင်း၌ တရားမဝင် သယ်ဆောင်လာသော ပရီမီယံဒီဇယ်ဆီ ကော်ပုံး ၈ ပုံး၊ စုစုပေါင်း ၅၂ ဂါလန်ခန့်အား တွေ့ရှိသိမ်းဆည်းရမိခဲ့သဖြင့် ပြည့်ဖြိုးအောင်ပါ သုံးဦးအား ကျုံပျော်မြို့မရဲစခန်း (ပ)၁၈/၂၀၂၆၊ ရေနံနှင့်ရေနံထွက် ပစ္စည်းများဆိုင်ရာဥပဒေပုဒ်မ ၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။