ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်၊ အမှတ်(၉)ရပ်ကွက်၌ နေအိမ် မီးလောင်မှု

ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်၊ အမှတ်(၉)ရပ်ကွက်၌ နေအိမ် မီးလောင်မှု

    ၂၀၂၆ ခုနှစ်၊ ဧပြီ ၁၁ ရက် မွန်းလွဲ ၁၂ နာရီ ၄၀ မိနစ်ခန့်က ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်၊ အမှတ်(၉)ရပ်ကွက်၌ ပိုင်ရှင် ဦးအောင်မင်းစိန်(၇၀)နှစ်၏ ၂၀ x ၃၀ ပေ၊ သွပ်မိုး၊ သွပ်ကာ၊ ပျဉ်ခင်း တစ်ထပ် နေအိမ်တွင် မီးဖိုမီးကြွင်းမီးကျန်မှတစ်ဆင့် မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် မော်လမြိုင်ကျွန်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် လေးစီးဖြင့် မီးငြှိမ်းသတ်ခဲ့ရာ မွန်းလွဲ ၁၂ နာရီ ၅၀ မိနစ်တွင် မီးငြိမ်းခဲ့ပါသည်။

    အဆိုပါ မီးလောင်မှုကြောင့် ၂၀ x ၃၀ ပေ၊ သွပ်မိုး၊ သွပ်ကာ၊ ပျဉ်ခင်း တစ်ထပ် နေအိမ် တစ်လုံး၊ ၁၀ x ၂၀ ပေ၊ သွပ်မိုး၊ သွပ်ကာ၊ ပျဉ်ခင်း တစ်ထပ် နေအိမ် နှစ်လုံး၊ စုစုပေါင်း နေအိမ် သုံးလုံး မီးလောင် ဆုံးရှုံးခဲ့ကြောင်းနှင့် ဦးအောင်မင်းစိန် အား မော်လမြိုင်ကျွန်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။