ပြည်ထောင်စုဝန်ကြီး ဦးအုန်းဝင်း ပဲခူး တိုင်းဒေသကြီးအတွင်းရှိ သစ်တောဦးစီးဌာနနှင့် မြန်မာ့သစ်လုပ်ငန်းတို့၏ သစ်တောစိုက်ခင်းများ စစ်ဆေး

ပြည်ထောင်စုဝန်ကြီး ဦးအုန်းဝင်း ပဲခူး တိုင်းဒေသကြီးအတွင်းရှိ သစ်တောဦးစီးဌာနနှင့် မြန်မာ့သစ်လုပ်ငန်းတို့၏ သစ်တောစိုက်ခင်းများ စစ်ဆေး

နေပြည်တော် ဒီဇင်ဘာ ၂၃

သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်းသည် ဒီဇင်ဘာ ၂၂ရက် နံနက်ပိုင်းတွင် ပဲခူးတိုင်းဒေသကြီး၊ ပဲခူးခရိုင်၊ ကျောက်တံခါးမြို့နယ်၊ ရန်ကုန်-မန္တလေးအမြန် လမ်းမကြီး မိုင်တိုင်အမှတ် (၈၇/၆) အနီး၊ အိုင်တုံ ကွန်းကြိုးဝိုင်း၊ အကွက်အမှတ် (၇၇) အတွင်းရှိ ရဲနွယ်သစ်တောပျိုး ဥယျာဉ်အတွင်း စိုက်ပျိုးတည်ထောင်ထားသော ဝါးစိုက်ခင်း (၁ ဒသမ ၅)ဧက နှင့် သီးနှံသစ်တောရောနှောစိုက် ပျိုးထားသည့် စမ်းသပ်စိုက်ခင်း(၁)ဧကတို့အား ကြည့်ရှုစစ်ဆေးသည်။

ထို့နောက် သာယာဝတီ ခရိုင်၊ မင်းလှမြို့နယ်နှင့် ပဲခူးခရိုင်၊ ကျောက်တံခါးမြို့နယ်တို့ ဆက်သွယ်ထားသော မင်းလှ-စိန်ကန့်လန့်-မြို့ချောင်း ပဲခူးရိုးမဖြတ်လမ်း မိုင် တိုင်အမှတ် (၁၆/၄)အနီး၊ မုက္ခာကြိုးဝိုင်း၊ အကွက်အမှတ် (၅၀)အတွင်းရှိ မြန်မာနိုင်ငံ သစ်တောများ ပြန် လည်တည်ထောင်ရေး (၁၀)နှစ်စီမံကိန်းအရ ၂၀၁၇ ခုနှစ် မိုးရာသီ တွင် စိုက်ပျိုးတည်ထောင် ထားသော စီးပွားရေး စီးပွားရေးကျွန်း(၁/၂၀၁၇) ဧက(၁၀၀) စိုက်ခင်းအား လည်းကောင်း၊ ၂၀၁၈ခုနှစ် မိုးရာသီတွင် စိုက်ပျိုး တည်ထောင်ထားသော စီးပွားရေးကျွန်း (၁/၂၀၁၈) ဧက(၁၂၅) စိုက်ခင်းနှင့် စိုက်ခင်းအတွင်း တောင်ယာမီးရှို့ခြင်း မရှိသောနည်းစနစ် (Zero Burning) ဖြင့် စမ်းသပ်စိုက်ပျိုး ထားသော ကျွန်းစိုက်ခင်း (၅)ဧက၊ ကျွန်းနှင့် ပျဉ်းကတိုးသစ်မျိုး ရောနှောစိုက်ပျိုးထားသော ဧက(၃၀)တို့အား လည်းကောင်း ကြည့်ရှုစစ်ဆေးသည်။

မွန်းလွဲပိုင်းတွင် ပြည်ထောင်စုဝန်ကြီးနှင့်အဖွဲ့သည် သာယာဝတီခရိုင်၊ မင်းလှမြို့နယ်၊ မင်းလှ-စိန်ကန့်လန့်-မြို့ချောင်းလမ်း မိုင်တိုင်အမှတ်(၈/၆) မုက္ခာဆည်အနီးတွင် တည်ရှိသော မြန်မာ့သစ်လုပ်ငန်း၊ ဆင်ထိန်းသိမ်းရေး အခြေပြုခရီးသွား စခန်းတစ်ခုဖြစ်သည့် မုက္ခာရေတံခွန် ဆင်စခန်းအားသွားရောက် ကြည့်ရှုစစ်ဆေးသည်။ အဆိုပါ ဆင်စခန်းသည် မင်းလှမြို့နယ်၊ မုက္ခာကြိုးပြင် ကာကွယ်တော အတွင်းကျရောက်ပြီး ဆင်စခန်းဧရိယာနှင့် ဆင်စားကျက်ဧရိယာ စုစုပေါင်း ဧက (၁၄၀) ကျယ်ဝန်းပြီး ဇန်နဝါရီ ၄ ရက်တွင် စတင်ဖွင့်လှစ် ခဲ့ခြင်းဖြစ်သည်။

ထို့နောက် ပြည်ထောင်စုဝန်ကြီးနှင့် အဖွဲ့သည် လက်ပံတန်းမြို့နယ်၊ ကြေးနီချောင်းကြိုးဝိုင်း အကွက်အမှတ် (၉၄)အတွင်း မြန်မာ့သစ်လုပ်ငန်း၊ သာယာဝတီဒေသ၊ ဆင်ထိန်းသိမ်းရေး အခြေပြု ခရီး သွားလုပ်ငန်းမှ ၂၀၁၈ ခုနှစ် မိုးရာသီတွင် စိုက်ပျိုးတည်ထောင်ထားသည့် စီးပွားရေးကျွန်းစိုက်ခင်း (၁/၂၀၁၈) ဧက(၅၀)အား ကြည့်ရှုစစ်ဆေး သည်။

ဒီဇင်ဘာ ၂၃ ရက် နံနက်ပိုင်းတွင် ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်အတွင်းရှိ ကောလိယကြိုး ဝိုင်း၊ အကွက်အမှတ်(၃၁)အတွင်း သစ်တောဦးစီးဌာနမှ မြန်မာနိုင်ငံ သစ်တောများပြန်လည်တည်ထောင်ရေး (၁၀)နှစ် စီမံကိန်းအရ ၂၀၁၈ခုနှစ် မိုးရာသီတွင် စိုက်ပျိုးတည်ထောင်ထားသည့် စီးပွားရေးစိုက်ခင်း (၂/၂၀၁၈) ဧက(၅၀) စိုက်ခင်း အားလည်းကောင်း၊ ကောလိယကြိုးဝိုင်း၊ အကွက်အမှတ် (၃၈/၃၉)အတွင်း ၂၀၁၇ခုနှစ် မိုးရာသီတွင် စိုက်ပျိုး တည်ထောင်ထားသည့် စီးပွားရေးကျွန်းစိုက်ခင်း (၁/၂၀၁၇) ဧက(၁၅၀)အားလည်းကောင်း၊ ကောလိယကြိုး ဝိုင်း၊ အကွက်အမှတ် (၃၈) အတွင်း ဝါးဘိုးဝါးစမ်းသက် စိုက်ခင်းအားလည်းကောင်း၊ ကောလိယကြိုးဝိုင်း၊ အကွက် အမှတ် (၃၈)အတွင်း ၂၀၁၈ ခုနှစ် မိုးရာသီတွင် စိုက်ပျိုး တည်ထောင်ထားသည့် စီးပွားရေးစိုက်ခင်း (၁/၂၀၁၈) ဧက(၁၀၀) စိုက်ခင်းအား လည်းကောင်းကြည့်ရှု စစ်ဆေးသည်။

မွန်းလွဲပိုင်းတွင် ပြည်ထောင်စုဝန်ကြီးနှင့်အဖွဲ့သည် ပဲခူးခရိုင်၊ ကျောက်တံခါးမြို့နယ်၊ ရန်ကုန်-မန္တလေး အမြန်လမ်း၊ မိုင်တိုင်အမှတ် (၁၀၅) အနီး မြန်မာ့သစ်လုပ်ငန်း၊ ဆင်ထိန်းသိမ်းရေး အခြေပြု ခရီးသွားစခန်း တစ်ခုဖြစ်သည့် မှော်ယောကြီးဆင်စခန်းအနီး အိုင်တုံကွန်းကြိုးဝိုင်း၊ အကွက်အမှတ် (၁၃)အတွင်း မြန်မာ့ သစ်လုပ်ငန်း ပဲခူးဒေသ၊ ဆင်ထိန်းသိမ်းရေး အခြေပြု ခရီးသွားလုပ်ငန်းမှ ၂၀၁၈ ခုနှစ် မိုးရာသီတွင် စိုက်ပျိုး တည်ထောင်ထားသည့် စီးပွားရေး ကျွန်းစိုက်ခင်း (၁/၂၀၁၈)ဧက(၅၀)အား ကြည့်ရှုစစ်ဆေးခဲ့ကြောင်း သတင်းရရှိ သည်။

(သတင်းစဉ်)