ဒုတိယအကြိမ်ရေကြီးနစ်မြုပ်သောကျေးရွာများမှ အိမ်ထောင်စုများအား ယူနီဆက်မှပေးပို့သည့် ကယ်ဆယ်ရေး ပစ္စည်းများ ပေးအပ်

ဒုတိယအကြိမ်ရေကြီးနစ်မြုပ်သောကျေးရွာများမှ အိမ်ထောင်စုများအား ယူနီဆက်မှပေးပို့သည့် ကယ်ဆယ်ရေး ပစ္စည်းများ ပေးအပ်

Ministry of Information/ တနင်္သာရီတိုင်းဒေသကြီး / September 11, 2019
image_latest


တနင်္သာရီ စက်တင်ဘာ ၁၁

 

တနင်္သာရီတိုင်းဒေသကြီး မြိတ်ခရိုင် တနင်္သာရီမြို့နယ်အတွင်း ဩဂုတ် လ (၂၇)ရက်မှစ၍ မြစ်ရေ ပြန်ကြီးသဖြင့် ရေကြီးနစ်မြုပ်ခဲ့သော ကျေးရွာ များရှိ ရေကြီးနစ်မြုပ်အိမ်ထောင်စုဝင်များအား ယမန် နေ့နံနက် (၁ဝ) နာရီမှစ၍ ကျေးလက်ဒေသဖွံဖြိုးတိုးတက်ရေးဦးစီးဌာန မြိတ်ခရိုင်ဦးစီးမှူး ဦးအောင်ကျော်ဦး ဦးဆောင်ပြီး မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ဦးစီးမှူး ဦးညီညီဝင်းနှင့်ဝန်ထမ်းများ လိုက်ပါလျက် ယူနီဆက်မှပေးပို့သည့် ကယ်ဆယ်ရေးပစ္စည်းများကို ကျေးရွာများသို့ သွားရောက် ထောက်ပံ့ပေးခဲ့ကြောင်း သိရှိရသည်။

 

ယင်းသို့ထောက်ပံ့ပေးအပ်ရာတွင် တမုတ်ချုန်းကျေးရွာအုပ်စုမှ ကျောက်မီးကျောင်းကျေးရွာ၊ မြန်မာ အင်းတော်ကျေးရွာ နှင့်သစ်တပင်ကျေးရွာ၊ ကျောက်တလုံးကျေးရွာ အုပ်စု-မြေမအုံကျေးရွာ၊ ဆင်ခြေဖုန်း ကျေးရွာအုပ်စုမှ ဘန်းသဲကျေးရွာ၊ ညောင်ပင်ကွင်းကျေးရွာအုပ်စု- ပျို့အိုင်ကျေးရွာတို့ရှိ ရေကြီး နစ်မြုပ် အိမ်ထောင်စု(၂၁ဝ)စု တို့အား Hygiene Kits (ကျန်းမာရေးသုံး ပစ္စည်းထုပ်)(၂၁ဝ)ထုပ် ၊ 20L Buckets (၂ဝလီတာဆံ့ ရေပုံး) (၇၁)ပုံး နှင့် ရေသန့်ဆေးမှုန့်(၂၉၃ဝ)ထုပ်တို့ကို အဆိုပါကျေးရွာများသို့ သွားရောက်ပြီး ရေဘေးသင့် ပြည်သူများထံ လက်ဝယ်အရောက် သွားရောက်၍ ထောက်ပံ့ပေးအပ်ခဲ့ကြကြောင်း သိရှိရသည်။

 

နန်းသာရီ-ထိန်ဝင်း(ပြန်ဆက်)

အထူးသတင်း
  • “Ceremony of Government Digitalization on Microsoft Platform and Seminar on Microsoft Cloud Solution” အခမ်းအနားကျင်းပ
  •           
  • ၁၂လ ရာသီပွဲတော်များနှင့် ပန်းများအထိမ်းအမှတ်၊ တော်သလင်း လအတွက် လှေပြိုင်ပွဲနှင့် ယင်းမာပန်း ၂၀ဝိ/-ကျပ်တန် အထူးထုတ်စာပို့တံဆိပ်ခေါင်းရောင်းချပေးမည်
  •           
  • ရာသီတုပ်ကွေးရောဂါ (Seasonal Influenza)ဖြစ်ပွားမှုနှင့်ပတ်သက်၍ ရောဂါစောင့်ကြပ်ကြည့်ရှုခြင်း၊ ကြိုတင်ကာ ကွယ်ခြင်းနှင့် တုံ့ပြန်ဆောင် ရွက်ခြင်းလုပ်ငန်းများ အားဖြည့်ဆောင်ရွက်လျက်ရှိကြောင်း ထုတ်ပြန် ချက် (၁/၂၀၁၉)
  •