စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ ငွေကျပ် ၁၈၇ ဒသမ ၅ သိန်းတန်ဖိုးရှိ ဘိန်းစိမ်းများ ဖမ်းဆီးရမိ

စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ ငွေကျပ် ၁၈၇ ဒသမ ၅ သိန်းတန်ဖိုးရှိ ဘိန်းစိမ်းများ ဖမ်းဆီးရမိ

     ၂၀၂၆ ခုနှစ်၊ မတ် ၇ ရက် ညနေ ၄ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ စစ်ကိုင်း တိုင်းဒေသကြီး၊ စစ်ကိုင်းမြို့နယ်၊ တကောင်းရပ်ကွက်၌ မန္တလေး-မြစ်ကြီးနားပြေးဆွဲသည့် NISSAN AD VAN ခရီးသည်တင်မော်တော်ယာဉ်အား ရပ်တန့်စစ်ဆေးရှာဖွေခဲ့ရာ တပ်ကုန်းမြို့နယ်၊ ဆုံတည်ပင်ကျေးရွာ နေသူများဖြစ်ကြသည့် အောင်ဇော်မိုး(၃၂)နှစ်နှင့် နိုင်လင်း(၃၃)နှစ်တို့အား ၎င်းတို့ သယ်ဆောင်လာသည့် ဘိန်းစိမ်း ၁၂ ဒသမ ၅ ကီလို(တစ်ကီလိုလျှင် ငွေကျပ် ၁၅ သိန်းနှုန်းဖြင့် ၎င်းဒေသကာလတန်ဖိုး ငွေကျပ် ၁၈၇ ဒသမ ၅ သိန်း)နှင့်အတူ ဖမ်းဆီးရမိသဖြင့် အောင်ဇော်မိုးနှင့် နိုင်လင်းတို့ နှစ်ဦးအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။