ဒုတိယဝန်ကြီး ဦးအေးထွန်း ဘုန်းတော်ကြီးသင်ပညာရေးကျောင်းများသို့ သွားရောက်ကြည့်ရှုအားပေး
ဒုတိယဝန်ကြီး ဦးအေးထွန်း ဘုန်းတော်ကြီးသင်ပညာရေးကျောင်းများသို့ သွားရောက်ကြည့်ရှုအားပေး
Ministry of Information/ Naypyitaw / June 25, 2025
ရန်ကုန် ဇွန် ၂၄
သာသနာရေးနှင့်ယဉ်ကျေးမှုဝန်ကြီးဌာန ဒုတိယဝန်ကြီး ဦးအေးထွန်းသည် ပဲခူးတိုင်းဒေသကြီး လူမှုရေးရာဝန်ကြီး ဦးမျိုးအောင်၊ တာဝန်ရှိသူများနှင့်အတူ ယနေ့နံနက်ပိုင်းတွင် ပဲခူးတိုင်းဒေသကြီး (အရှေ့ပိုင်း)ဘုန်းတော်ကြီးကျောင်း ပညာသင်ကြားမှုကြီးကြပ်ရေးအဖွဲ့ဥက္ကဋ္ဌပဲခူးမြို့နယ် မင်္ဂလာရာမဘုန်းတော်ကြီးသင် ပညာရေးအလယ်တန်းကျောင်းသို့သွားရောက်၍ ကျောင်းအုပ်ဆရာတော် ဘဒ္ဒန္တနန္တဝံသ (အဂ္ဂမဟာ သဒ္ဓမ္မဇောတိကဓဇ၊ ဓမ္မကထိက ဗဟုဇနဟိတဓရ)အား ဖူးမြော်ကြည်ညိုပြီး သာသနာရေးဆိုင်ရာများ လျှောက်ထားကာ ဒုတိယဝန်ကြီးက လှူဖွယ်ဝတ္ထုများ ဆက်ကပ်လှူဒါန်းခဲ့ပြီး ကျောင်းစာသင်ခန်းများအလိုက် ပညာသင်ကြားနေမှုများကို ကြည့်ရှုအားပေးသည်။
ဖူးမြော်ကြည်ညို
ဆက်လက်၍ မွန်းလွဲပိုင်းတွင် ရန်ကုန်တိုင်းဒေသကြီး တောင်ဥက္ကလာပမြို့နယ် ဘုန်းတော်ကြီးကျောင်း ပညာသင်ကြားမှုကြီးကြပ်ရေးအဖွဲ့ အတွင်းရေးမှူး မြင်သာမြို့ဦး ဘုန်းတော်ကြီးသင် ပညာရေးအလယ်တန်းကျောင်းသို့သွားရောက်၍ ကျောင်းအုပ်ဆရာတော် ဘဒ္ဒန္တတေဇနိယအား ဖူးမြော်ကြည်ညိုပြီး သာသနာရေးဆိုင်ရာများလျှောက်ထားသည်။
၂၀၂၄-၂၀၂၅ ပညာသင်နှစ်၌ မူလတန်းကျောင်း ၅ဝ၇ ကျောင်းတွင် ကျောင်းသား ကျောင်းသူ ၂၄၇၂၃၆ ဦး၊ မူလတန်းလွန်ကျောင်း ၄၈၄ ကျောင်းတွင် ကျောင်းသား ကျောင်းသူ ၃၈၀၇၂ ဦး၊ အလယ် တန်းကျောင်း ၁၉ ကျောင်းတွင် ကျောင်းသားကျောင်းသူ ၁၆၉၁၅ ဦး၊ တွဲဖက်အထက်တန်းကျောင်းနှစ်ကျောင်းတွင် ကျောင်းသား ကျောင်းသူ ၃၄၈၅ ဦးတို့ ပညာသင်ကြားလျက်ရှိကြောင်း၊ ဘုန်းတော်ကြီးသင် ပညာရေးကျောင်းများ ရေရှည်တည်တံ့နိုင် ရေးအတွက်လည်း ဘုန်းတော်ကြီးသင်ပညာရေးကျောင်းများတွင် ပညာသင်ကြားပေးလျက်ရှိသော ဆရာ ဆရာမများအား နိုင်ငံတော်အစိုးရက လိုအပ်သလို ထောက်ပံ့ပေးနေမှုများရှိပါကြောင်း၊ ဘုန်းတော်ကြီးသင်ပညာရေးကျောင်းများအနေဖြင့် ကျောင်းသားစာရင်းများမှန်ကန်ရေးနှင့် ကျောင်းပြောင်းလက်မှတ်(TC) ရရှိရေးအတွက် ပညာရေးဝန်ကြီးဌာန အခြေခံပညာ ဦးစီးဌာနက သတ်မှတ်ထားသော လုပ်ထုံးလုပ်နည်းများနှင့်အညီ လိုက်နာဆောင်ရွက်သွားရန် လိုအပ်မည်ဖြစ်ပါကြောင်း၊ ဘုန်းတော်ကြီးသင်ပညာရေးကျောင်း၏ မူလရည်ရွယ်ချက်ဖြစ်သော ကလေးသူငယ်များအား ယဉ်ကျေးသိမ်မွေ့စွာ ပညာသင်ကြားရေးနှင့် စာရိတ္တ မဏ္ဍိုင် တည့်မတ်မှန်ကန်စေရန်အတွက် ဆောင်ရွက်ပေးလျက်ရှိသည်ကို ဝမ်းမြောက်မိပါကြောင်း၊ နွေရာသီကျောင်းပိတ်ရက်များတွင် ဗုဒ္ဓဘာသာယဉ်ကျေးမှု သင်ခန်းစာများကို သင်ကြားပေးသည့်အတွက် ဝမ်းမြောက်ဝမ်းသာဖြစ်ရပါကြောင်း၊ ဘုန်းတော်ကြီးသင် ပညာရေးကျောင်းများ၏ အခန်းကဏ္ဍသည် နိုင်ငံတော်၏ ပညာရေးစနစ်ဖွံ့ဖြိုးတိုးတက်ရန်အတွက် အရေးကြီးသည့် အခန်းကဏ္ဍတွင် ပါဝင်နေသည့်အတွက် သာသနာရေးနှင့်ယဉ်ကျေးမှုဝန်ကြီးဌာနက ပညာရေးဝန်ကြီးဌာနနှင့် ပေါင်းစပ်ညှိနှိုင်း၍ ဘုန်းတော်ကြီးသင်ပညာရေးကျောင်းများ ဖွံ့ဖြိုးတိုးတက်ရေးကိုလည်း ဆောင်ရွက်ပေးလျက်ရှိပါကြောင်း လျှောက်ထားခဲ့ကြောင်း သိရသည်။
သတင်းစဉ်
အများပြည်သူသို့ အသိပေးကြေညာချက်
Posted on Jun 25, 2025၁။ အဂတိလိုက်စားမှုတိုက်ဖျက်ရေးကော်မရှင်သည် အစိုးရရုံး/ဌာနများတွင် ဝန်ဆောင်မှုရယူကြသည့် ပြည်သူများ၏ တယ်လီဖုန်းနံပါတ်များသို့ Short Code နံပါတ် "1111” အသုံးပြု၍ SMS မှတစ်ဆင့် ဝန်ဆောင်မှုနှင့်စပ်လျဉ်းသည့်မေးခွန်းများမေးမြန်းခြင်းဖြင့် တုံ့ပြန်မှုများရယူနိုင်ရန် အများပြည်သူထံမှ တုံ့ပြန်မှုရယူခြင်းအစီအစဉ် (Public Feedback Programme - PFP) " ကို သက်ဆိုင်ရာဌာနများနှင့် ပူးပေါင်းဆောင်ရွက်လျက်ရှိပါသည်။
နေပြည်တော်ဖွံ့ဖြိုးရေးဘဏ်မှ အများသိစေရန် ကြေညာခြင်း
Posted on Jun 25, 2025နေပြည်တော်ဖွံ့ဖြိုးရေးဘဏ်မှ အများသိစေရန် ကြေညာခြင်း
ဆိုက်ဘာလုံခြုံရေးအသိပညာပေး ဗီဒီယိုပြိုင်ပွဲ-၂၀၂၅ (တက္ကသိုလ်အဆင့်) ကို Online မှတစ်ဆင့် ကျင်းပသွားမည်
Posted on Jun 25, 2025ဆိုက်ဘာလုံခြုံရေးအသိပညာပေး ဗီဒီယိုပြိုင်ပွဲ-၂၀၂၅ (တက္ကသိုလ်အဆင့်) ကို Online မှတစ်ဆင့် ကျင်းပသွားမည်