ပြည်ထောင်စုစာရင်းစစ်ချုပ်ရုံးနှင့် ဘဏ္ဍာရေးနှင့်အခွန်ဝန်ကြီးဌာနပူးပေါင်း၍ တံဆိပ်ခေါင်းခွန်ဆိုင်ရာအသိပညာပေးရှင်းလင်းဆွေးနွေးပွဲကျင်းပခြင်း

ပြည်ထောင်စုစာရင်းစစ်ချုပ်ရုံးနှင့် ဘဏ္ဍာရေးနှင့်အခွန်ဝန်ကြီးဌာနပူးပေါင်း၍ တံဆိပ်ခေါင်းခွန်ဆိုင်ရာအသိပညာပေးရှင်းလင်းဆွေးနွေးပွဲကျင်းပခြင်း

ပြည်ထောင်စုစာရင်းစစ်ချုပ်ရုံး၏ အသိပညာမျှဝေရေးအစီအစဉ် (Knowledge Sharing Program- KSP)အရ ကျင်းပသည့် ဆွေးနွေးပွဲအမှတ်စဉ် (၅၅)ကို ဘဏ္ဍာရေးနှင့်အခွန်ဝန်ကြီးဌာန နှင့်ပူးပေါင်း၍ “တံဆိပ်ခေါင်းခွန်တင်ပြချက်” ခေါင်းစဉ်ဖြင့် ၂၀၂၅ ခုနှစ်၊ သြဂုတ်လ ၂၁ ရက်နေ့၊ မွန်းလွဲ ၂ နာရီတွင် ပြည်ထောင်စုစာရင်းစစ်ချုပ်ရုံး၊ နဝရတ်ခန်းမ၌ Hybrid စနစ်ဖြင့် ကျင်းပခဲ့ သည်။

ဆွေးနွေးပွဲတွင် ဒုတိယစာရင်းစစ်ချုပ် ဒေါ်နိုင်သက်ဦးက မိမိတို့ရုံးအနေဖြင့် Knowledge Sharing Program ကို စဥ်ဆက်မပြတ်ကျင်းပပေးလျက်ရှိရာ ယခုဆိုလျှင် (၅၅) ကြိမ်မြောက် ရှိပြီ ဖြစ်ပါကြောင်း၊ ဝန်ထမ်းများအားနယ်ပယ်ပေါင်းစုံမှအသိပညာ၊ ဗဟုသုတများရရှိစေရန် ရည်ရွယ်ပြီး စစ်ဆေးရေးနှင့် ဝန်ထမ်းရေးရာဆိုင်ရာများ၊ အသိပညာပြန့်ပွားရေးနှင့်ဥပဒေ၊ စည်းမျဉ်းစည်းကမ်း၊ ညွှန်ကြားချက်များ၊ ဌာနများ၏လုပ်ငန်းဆောင်ရွက်မှုဆိုင်ရာများ၊ ကျန်းမာရေးဆိုင်ရာများ၊ နိုင်ငံ တကာ စစ်ဆေးရေးအတွေ့အကြုံများ၊ စာရင်းစံများဖြစ်သည့် စာရင်းကိုင်၊ စာရင်းစစ်စံများ စသည့် ကဏ္ဍပေါင်းစုံကို ဤရုံးမှ သက်ဆိုင်ရာဝန်ထမ်းးများ၊ အခြားဌာန၊ အဖွဲ့အစည်းများမှ ဘာသာရပ် ဆိုင်ရာကျွမ်းကျင်သူများ၊ ပြင်ပပညာရှင်များမှ ဆွေးနွေးပေးသည့် အစီအစဥ်ကောင်းတစ်ခု ဖြစ်ပါ ကြောင်း၊ စစ်ဆေးရေးလုပ်ငန်းတွင်လည်း တစ်ဖက်တစ်လမ်းမှ အထောက်အကူပြုသည့် အစီအမံ ကောင်းဖြစ်သည့်အတွက် ပုံမှန်ကျင်းပလျက်ရှိခြင်းဖြစ်ပါကြောင်း၊ ဝန်ထမ်းများအနေဖြင့် Sharing Program များမှ အသိပညာဗဟုသုတများစွာ ရရှိကြပြီး လုပ်ငန်းခွင်နှင့် လူမှုဘဝနယ်ပယ်တွင် ထိရောက်စွာ ပြန်လည်အသုံးချနိုင်မည်ဟု ယုံကြည်ပါကြောင်း၊ ယနေ့တွင် နိုင်ငံ၏ ဝင်ငွေတစ်ရပ် ဖြစ်သော ပြည်တွင်းထွက်ကုန်နှင့် ပြည်သူပြည်သားများ သုံးစွဲမှုအပေါ် ကောက်ခံခဲ့သော အခွန် အကောက်များအနက် ဘဏ္ဍာရေးနှင့်အခွန်ဝန်ကြီးဌာန၊ ပြည်တွင်းအခွန်များဉီးစီးဌာနမှ ကောက်ခံ လျက်ရှိသည့် တံဆိပ်ခေါင်းခွန်နှင့်စပ်လျဥ်းသည့် ပြဌာန်းချက်များ၊ ပြုပြင်ပြောင်းလဲ ဖြည့်စွက်ချက် များ၊ တံဆိပ်ခေါင်းခွန်နှင့် ပတ်သက်သည့်အမျိုးအစားများ၊ ကောက်ခံမှုပုံသဏ္ဍာန်၊ အဓိကသိရှိသင့် သည့် ဥပဒေပါ သတ်မှတ်ချက်များ၊ ဘဏ္ဍာရန်ပုံငွေလွဲပြောင်းပေးသွင်းမှုနှင့် ဌာန၏လုပ်ပိုင်ခွင့် စသည်များကို “တံဆိပ်ခေါင်းခွန်တင်ပြချက်” ခေါင်းစဉ်ဖြင့် ဆွေးနွေးပေးသွားမည်ဟု သိရှိရပါ ကြောင်း၊ တံဆိပ်ခေါင်းခွန်သည် နိုင်ငံတော်အတွက် အဓိကကျသည့် အခွန်ဝင်ငွေတစ်ရပ်ဖြစ်ရုံ သာမက တရားဝင်စာချုပ်စာတမ်းများကို သက်သေခံပေးသော အရေးကြီးသည့် အခွန်အမျိုး အစားတစ်ခု ဖြစ်ပါကြောင်း၊ တံဆိပ်ခေါင်းခွန်ဥပဒေသတ်မှတ်ပြဌာန်းချက်များကို မှန်မှန်ကန်ကန် သိရှိ၍ စနစ်တကျလိုက်နာမည်ဆိုပါက နိုင်ငံတော်အခွန်ဝင်ငွေတိုးတက်စေခြင်း၊ စီးပွားရေးလုပ်ငန်း များတွင် ယုံကြည်စိတ်ချစွာ ဆောင်ရွက်နိုင်စေခြင်းစသည့် အကျိုးကျေးဇူးများရရှိစေမည် ဖြစ်ပါ ကြောင်း၊ စာချုပ်စာတမ်းတစ်စောင်အတွက် တံဆိပ်ခေါင်းခွန်ပေးဆောင်ထားခြင်းသည် အနာဂတ် တွင် အငြင်းပွားမှုမရှိသော ဥပဒေထောက်ခံချက်ရနိုင်စေသည့် အာမခံချက် တစ်ရပ်ဖြစ်ပါကြောင်း၊ ဆွေးနွေးပွဲတက်ရောက်သည့် ဝန်ထမ်းများအနေဖြင့် မြန်မာနိုင်ငံတံဆိပ်ခေါင်းအက်ဥပဒေ၊ သတ်မှတ်ပြဌာန်းချက်များကို နားလည်သဘောပေါက်ခြင်းဖြင့် နိုင်ငံ‌တော်၏ အခွန်ဝင်ငွေပြည့်ဝ မှန်ကန်စွာရရှိစေရေးအတွက် “ပြည်သူ့ဘဏ္ဍာစီမံခန့်ခွဲမှုတိုးတက်ကောင်းမွန်စေရေးထိန်းကျောင်း ပေး” ဆိုသည့် မိမိတို့ရုံးဆောင်ပုဒ်နှင့်အညီ စစ်ဆေးရေးရှုထောင့်မှ ကောင်းမွန်မှန်ကန်သော အကြံ ပြုချက်များကို တစ်ဖက်တစ်လမ်းမှ ကူညီအကြံပြုပေးမှုတွင် အ‌ထောက်အကူဖြစ်စေမည် ဖြစ်ပါ ကြောင်း၊ ယခုဆွေးနွေးပွဲကို တက်ရောက်လာကြသော ရုံးချုပ်နှင့် ဒေသစာရင်းစစ်ရုံးဝန်ထမ်းများ အနေဖြင့် ဆွေးနွေးတင်ပြချက်များကို ဂရုတစိုက်နားထောင်မှတ်သား၍ သိရှိလိုသည်များကို ဆွေးနွေးမေးမြန်းပေးကြရန် တိုက်တွန်းပြောကြားခဲ့သည်။

ထို့နောက် ဘဏ္ဍာရေးနှင့်အခွန်ဝန်ကြီးဌာန၊ ပြည်တွင်းအခွန်များဦးစီးဌာနမှ ညွှန်ကြားရေးမှူး ဦးနေလင်းစိုးက တံဆိပ်ခေါင်းခွန်နှင့်စပ်လျဉ်းပြီး ပြည်တွင်းအခွန်များဦးစီးဌာနက ကောက်ခံ လျက်ရှိသည့်အခွန်အမျိုးအစားများ၊ တံဆိပ်ခေါင်းခွန်နှင့်စပ်လျဉ်း၍ သိသင့်သည့်ပုဒ်မများ၊ အဓိပ္ပာယ်ဖွင့်ဆိုချက်များ၊ စာချုပ်စာတမ်းများနှင့်စပ်လျဉ်းသည့် တံဆိပ်ခေါင်းခွန်ဆိုင်ရာများကို ပြည့်ပြည့်စုံစုံရှင်းလင်းဆွေးနွေးခဲ့ပြီး တက်‌ရောက်လာသူများမှ သိရှိလိုသည်များ မေးမြန်းဆွေးနွေး ခဲ့ကြသည်။ ယင်းနောက် စစ်ဆေးရေးဉီးစီးဌာနမှ ဒုတိယညွှန်ကြားရေးမှူးချုပ် ဒေါ်ခင်ထွေးရီမှ ကျေးဇူးတင်စကားပြောကြားပြီး ဆွေးနွေးပွဲကို ရုပ်သိမ်းခဲ့သည်။