မန္တလေးတိုင်းဒေသကြီး၊ တံတားဦးမြို့နယ်၊ ရန်ကုန်-မန္တလေးအမြန်လမ်းမကြီး၌ မော်တော်ယာဉ် ဘီးပေါက်ပြီး ယာဉ်တိမ်းမှောက်မှုဖြစ်ပွား၍ အမျိုးသမီး နှစ်ဦး သေဆုံးကာ အမျိုးသား နှစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိ

မန္တလေးတိုင်းဒေသကြီး၊ တံတားဦးမြို့နယ်၊ ရန်ကုန်-မန္တလေးအမြန်လမ်းမကြီး၌ မော်တော်ယာဉ် ဘီးပေါက်ပြီး ယာဉ်တိမ်းမှောက်မှုဖြစ်ပွား၍ အမျိုးသမီး နှစ်ဦး သေဆုံးကာ အမျိုးသား နှစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မေ ၂၅ ရက်က မန္တလေးတိုင်းဒေသကြီး၊ တံတားဦးမြို့နယ်၌ ရန်ကုန်-မန္တလေး အမြန်လမ်းမကြီး၌ မော်တော်ယာဉ်ဘီးပေါက်ပြီး ယာဉ်တိမ်းမှောက်မှုဖြစ်ပွား၍ အမျိုးသမီး နှစ်ဦး သေဆုံးကာ အမျိုးသား နှစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မေ ၂၅ ရက် နံနက် ၉ နာရီ ၄၅ မိနစ်တွင် မန္တလေးတိုင်းဒေသကြီး၊ တံတားဦးမြို့နယ်၊ ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၃၃၃ မိုင် ၆ ဖာလုံနှင့် ၇ ဖာလုံကြား၌ ယာဉ်တိမ်းမှောက်မှုဖြစ်ပွားကြောင်း သတင်းအရ စကားအင်းအမြန်လမ်းမကြီးရဲစခန်းမှ တပ်ဖွဲ့များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ ရန်ကုန်မြို့မှ မန္တလေးမြို့ဘက်သို့ ရန်ကုန်တိုင်းဒေသကြီး၊ ပန်းဘဲတန်းမြို့နယ်နေ ဟူစိန်အာမတ်(၅၅)နှစ် မောင်းနှင်ပြီး ဇနီးဖြစ်သူ ဒေါ်သူဇာဝင်း(၄၀)နှစ်၊ သားဖြစ်သူ မောင်မျိုးမင်းသူ(၃)နှစ်၊ သမီးဖြစ်သူ မဇူးဇူးဝင်း(၉)နှစ်နှင့် ယောက္ခမဖြစ်သူ ဒေါ်ဇူးလေးခါ(၆၄)နှစ်တို့ လိုက်ပါလာသည့် YGN-39/2N-XXXX KLUGER အမျိုးအစား မော်တော်ယာဉ်သည် အခင်းဖြစ်နေရာအရောက်၌ ဝဲဘက်ရှေ့ဘီးပေါက်၍ အရှိန်မထိန်းနိုင်ဘဲ တိမ်းမှောက်ခဲ့သဖြင့် ဒေါ်ဇူးလေးခါနှင့် ဒေါ်သူဇာဝင်းတို့ နှစ်ဦးမှာ ထိခိုက်ဒဏ်ရာများရရှိကာ သေဆုံးခဲ့ပြီး ဟူစိန်အာမတ်၊ မောင်မျိုးမင်းသူနှင့် မဇူးဇူးဝင်းတို့တွင် ထိခိုက်ဒဏ်ရာများ အသီးသီး ရရှိခဲ့သောကြောင့် ဟူစိန်အာမတ် အား စကားအင်းအမြန်လမ်းမကြီးရဲစခန်း ယာဉ်(ပ)၃/၂၀၂၆၊  ရာဇသတ်ကြီးပုဒ်မ ၃၀၄-က/၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။