ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်း ၂၀၂၅ ခုနှစ်၊ ပြည်နယ်နှင့် တိုင်းဒေသကြီးဂျုဒိုပြိုင်ပွဲသို့ ဝင်ရောက်ယှဉ်ပြိုင်ခဲ့ပြီး အောင်ပွဲရရှိခဲ့သော ဧရာဝတီတိုင်းဒေသကြီးဂျုဒိုအသင်းအား ဂုဏ်ပြုချီးမြှင့်ပွဲကျင်းပ
ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်း ၂၀၂၅ ခုနှစ်၊ ပြည်နယ်နှင့် တိုင်းဒေသကြီးဂျုဒိုပြိုင်ပွဲသို့ ဝင်ရောက်ယှဉ်ပြိုင်ခဲ့ပြီး အောင်ပွဲရရှိခဲ့သော ဧရာဝတီတိုင်းဒေသကြီးဂျုဒိုအသင်းအား ဂုဏ်ပြုချီးမြှင့်ပွဲကျင်းပ
Ayeyarwaddy Region Government/ ပုသိမ် / June 25, 2025
ပုသိမ် ဇွန် ၂၃
၂၀၂၅ ခုနှစ်၊ ပြည်နယ်နှင့်တိုင်းဒေသကြီး ဂျုဒိုပြိုင်ပွဲသို့ ဝင်ရောက်ယှဉ်ပြိုင်ခဲ့ပြီး အောင်ပွဲ ရရှိခဲ့သည့် ဧရာဝတီတိုင်းဒေသကြီးဂျုဒိုအသင်းအား ဂုဏ်ပြုချီးမြှင့်ခြင်းအခမ်းအနားကို ယနေ့ နေ့လယ်ပိုင်းက ပုသိမ်မြို့၊ ဧရာရွှေဝါခန်းမတွင် ကျင်းပပြုလုပ်ရာ ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်းနှင့်ဇနီး၊ တိုင်းဒေသကြီးအစိုးရအဖွဲ့ဝန်ကြီးများနှင့်၎င်းတို့၏ဇနီးများ၊ ဌာနဆိုင်ရာများ၊ အောင်ပွဲရအားကစားသမားများ တက်ရောက်ခဲ့ကြသည်။
ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ၂၀၂၅ ခုနှစ်၊ ပြည်နယ်နှင့်တိုင်းဒေသကြီး ဂျုဒိုပြိုင်ပွဲတွင် ပါဝင်ယှဉ်ပြိုင်ခဲ့ပြီး ဆုတံဆိပ်များရရှိခဲ့သည့် အားကစားသမားများ၏ ပါဝင် ယှဉ်ပြိုင်ခဲ့မှု vedio clip အား ကြည့်ရှုအားပေးခဲ့ပြီး တိုင်းဒေသကြီးဝန်ကြီးချုပ်က “ယနေ့ အခမ်း အနားသည် ပြည်နယ်နှင့်တိုင်းဒေသကြီးဂျုဒိုပြိုင်ပွဲသို့ ဝင်ရောက်ယှဉ်ပြိုင်ခဲ့ပြီး အောင်ပွဲများရရှိ ခဲ့သည့် ဧရာဝတီတိုင်းဒေသကြီးဂျုဒိုအသင်းအား ဂုဏ်ပြုချီးမြှင့်ခြင်းဖြစ်ပါကြောင်း၊ တိုင်းဒေသကြီးကိုယ်စားပြုဂျုဒိုအနေဖြင့် ယခင်နှစ်များတွင်လည်း ဆုတံဆိပ်များ ရရှိအောင်ကြိုးစားယှဉ်ပြိုင်ကြပြီး တိုင်းဒေသကြီး၏ ဂုဏ်ကို မြှင့်တင်နိုင်ခဲ့ကြောင်း၊ ယခုနှစ်တွင်လည်း ဆုတံဆိပ်များရရှိအောင် ဆောင်ရွက်ပေးကြသော ဧရာဝတီတိုင်းဒေသကြီးဂျုဒိုအသင်းမှ အုပ်ချုပ်သူများ၊ နည်းပြများ၊ အားကစားသမားများအားလုံးကို မှတ်တမ်းတင်ဂုဏ်ပြုပါကြောင်း၊ အားကစား မောင်မယ်များအနေဖြင့် အားကစားစိတ်ဓါတ်အပြည့်ဖြင့် ယှဉ်ပြိုင်အနိုင်ယူခဲ့ကြသည့်အတွက် ချီးကျူးဂုဏ်ပြုပါကြောင်းနှင့် တိုင်းဒေသကြီးဂုဏ်ဆောင်၊ နိုင်ငံ့ဂုဏ်ဆောင် အားကစားသမားများဖြစ်အောင် ဆက်လက်ကြိုးစားသွားကြစေလိုကြောင်း” ဂုဏ်ပြုအမှာစကား ပြောကြားခဲ့ပြီး တိုင်းဒေသကြီးဝန်ကြီးချုပ်ဦးတင်မောင်ဝင်းမှ ရွှေတံဆိပ်ဆုရရှိသူ (၃)ဦးအား ဂုဏ်ပြုဆုငွေ ကျပ်(၃၀)သိန်းနှင့် ဂုဏ်ပြုမှတ်တမ်းလွှာကိုလည်းကောင်း၊ ငွေတံဆိပ်ဆုရရှိသူ(၁)ဦးအား ဂုဏ်ပြု ဆုငွေကျပ်(၅)သိန်းနှင့် ဂုဏ်ပြုမှတ်တမ်းလွှာကိုလည်းကောင်း၊ တိုင်းဒေသကြီးဝန်ကြီးချုပ်၏ ဇနီးက ကြေးတံဆိပ်(၉)ခုအတွက် ငွေကျပ်(၂၇)သိန်း၊ ဂုဏ်ပြုမှတ်တမ်းလွှာနှင့် အုပ်ချုပ်သူ၊ နည်းပြ(၆)ဦးအား ငွေကျပ်(၁၂)သိန်းကိုလည်းကောင်း ပေးအပ်ချီးမြှင့်ခဲ့ပါသည်။ ထို့နောက် ဧရာဝတီတိုင်းဒေသကြီးဂျုဒိုအသင်းအုပ်ချုပ်သူမှ ကျေးဇူးတင်စကားပြောကြားခဲ့ပြီး ၂၀၂၅ ခုနှစ်၊ ပြည်နယ်နှင့်တိုင်းဒေသကြီးဂျုဒိုပြိုင်ပွဲသို့ ဝင်ရောက်ယှဉ်ပြိုင်ခဲ့ပြီး အောင်ပွဲများရရှိခဲ့သည့် ဧရာဝတီတိုင်းဒေသကြီးဂျုဒိုအသင်းအား ဂုဏ်ပြုစားသောက်ဖွယ်ရာများဖြင့် တည့်ခင်းဧည့်ခံ ခဲ့ပါသည်။ ၂၀၂၅ ခုနှစ်၊ ပြည်နယ်နှင့်တိုင်းဒေသကြီး ဂျုဒိုပြိုင်ပွဲတွင် ဧရာဝတီတိုင်းဒေသကြီး ဂျုဒိုအသင်းမှ ဝင်ရောက်ယှဉ်ပြိုင်ခဲ့ရာ ရွှေတံဆိပ်(၃)ခု၊ ငွေတံဆိပ်(၁)ခု၊ ကြေးတံဆိပ်(၉)ခုဖြင့် အဆင့်(၂) ရရှိခဲ့ခြင်းဖြစ်သည်။
အများပြည်သူသို့ အသိပေးကြေညာချက်
Posted on Jun 25, 2025၁။ အဂတိလိုက်စားမှုတိုက်ဖျက်ရေးကော်မရှင်သည် အစိုးရရုံး/ဌာနများတွင် ဝန်ဆောင်မှုရယူကြသည့် ပြည်သူများ၏ တယ်လီဖုန်းနံပါတ်များသို့ Short Code နံပါတ် "1111” အသုံးပြု၍ SMS မှတစ်ဆင့် ဝန်ဆောင်မှုနှင့်စပ်လျဉ်းသည့်မေးခွန်းများမေးမြန်းခြင်းဖြင့် တုံ့ပြန်မှုများရယူနိုင်ရန် အများပြည်သူထံမှ တုံ့ပြန်မှုရယူခြင်းအစီအစဉ် (Public Feedback Programme - PFP) " ကို သက်ဆိုင်ရာဌာနများနှင့် ပူးပေါင်းဆောင်ရွက်လျက်ရှိပါသည်။
နေပြည်တော်ဖွံ့ဖြိုးရေးဘဏ်မှ အများသိစေရန် ကြေညာခြင်း
Posted on Jun 25, 2025နေပြည်တော်ဖွံ့ဖြိုးရေးဘဏ်မှ အများသိစေရန် ကြေညာခြင်း
ဆိုက်ဘာလုံခြုံရေးအသိပညာပေး ဗီဒီယိုပြိုင်ပွဲ-၂၀၂၅ (တက္ကသိုလ်အဆင့်) ကို Online မှတစ်ဆင့် ကျင်းပသွားမည်
Posted on Jun 25, 2025ဆိုက်ဘာလုံခြုံရေးအသိပညာပေး ဗီဒီယိုပြိုင်ပွဲ-၂၀၂၅ (တက္ကသိုလ်အဆင့်) ကို Online မှတစ်ဆင့် ကျင်းပသွားမည်