၄-၅-၂၀၂၄ ရက်နေ့တွင် ဒုတိယစာရင်းစစ်ချုပ် ဒေါ်နိုင်သက်ဦး နေပြည်တော်ရှိ ပြည်ထောင်စုစာရင်းစစ်ချုပ်ရုံးမှ အရာထမ်း၊ အမှုထမ်းများနေထိုင်သည့် အိမ်ရာများနှင့် အဆောင်များ သန့်ရှင်း၊သပ်ရပ်၊ သာယာလှပမှုအခြေအနေများ ကြည့်ရှုစစ်ဆေးခြင်း

၄-၅-၂၀၂၄ ရက်နေ့တွင် ဒုတိယစာရင်းစစ်ချုပ် ဒေါ်နိုင်သက်ဦး နေပြည်တော်ရှိ ပြည်ထောင်စုစာရင်းစစ်ချုပ်ရုံးမှ အရာထမ်း၊ အမှုထမ်းများနေထိုင်သည့် အိမ်ရာများနှင့် အဆောင်များ သန့်ရှင်း၊သပ်ရပ်၊ သာယာလှပမှုအခြေအနေများ ကြည့်ရှုစစ်ဆေးခြင်း

ပြည်ထောင်စုစာရင်းစစ်ချုပ်ရုံး၊ ဒုတိယစာရင်းစစ်ချုပ် ဒေါ်နိုင်သက်ဦးသည် စီမံရေးရာ ဦးစီးဌာန ညွှန်ကြားရေးမှူးချုပ်၊ တာဝန်ရှိသူများနှင့်အတူ ၂၀၂၄ ခုနှစ် ဧပြီ ၂၇ ရက်နေ့နှင့် မေ ၄ ရက်နေ့ နံနက်ပိုင်းတို့တွင် နေပြည်တော်ရှိ ပြည်ထောင်စုစာရင်းစစ်ချုပ်ရုံးမှ အရာထမ်း၊ အမှုထမ်းများနေထိုင်သည့် ဝန်ထမ်းအိမ်ရာများနှင့် အဆောင်များ ပတ်ဝန်းကျင်သန့်ရှင်း၊ သပ်ရပ်၊ သာယာလှပရေး ဆောင်ရွက်ထားမှုတို့ကို ကြည့်ရှုစစ်ဆေးခဲ့သည်။

ဧပြီ ၂၇ ရက်နေ့တွင် ဇမ္ဗူသီရိမြို့နယ်၊ ဉာဏသိဒ္ဓိရပ်ကွက်ရှိ တိုက်အမှတ် (၃၂၀၅၊ ၃၃၁၁၀၊ ၄၃၀၄) ၊ ဓနသိဒ္ဓိရပ်ကွက်ရှိ တိုက်အမှတ် (၁၃၃၃၊ ၁၃၃၄၊ ၁၃၅၁၊ ၁၃၅၂) အိမ်ရာ များကိုလည်းကောင်း၊ မေ ၄ ရက်နေ့တွင် ဘောဂသိဒ္ဓိရပ်ကွက်ရှိ သပြေ ၁ အဆောင် ၁၃၊ သဇင် ၂ အဆောင် ၁၊ ၂၊ ၅၊ ၆ နှင့် သဇင် ၅ အဆောင် ၁ နှင့် တိုက်အမှတ် ( ၇၆၃၊ ၇၆၄၊ ၈၁၀၊ ၈၁၁၊ ၈၁၄) အိမ်ရာများကိုလည်းကောင်း အဆောင်နှင့် အိမ်ရာဝန်းကျင်သန့်ရှင်း သာယာလှပရေးအတွက် သစ်ပင်များအလင်းဖွင့်ထားမှု၊ သီးပင်စားပင်များ စိုက်ပျိုးထားရှိမှု၊ ချုံနွယ်များခုတ် ထွင်ရှင်း လင်းထားမှု၊ မီးဘေးအန္တရာယ်လုံခြုံရေးနှင့် ကြိုတင်ကာကွယ်ရေး စီမံထားရှိမှုတို့ကို ကြည့်ရှုစစ်ဆေး ခဲ့သည်။

ထိုသို့ ကြည့်ရှုစစ်ဆေးစဉ် ဒုတိယစာရင်းစစ်ချုပ်က ဝန်ထမ်းအိမ်ရာစည်းကမ်းများအတိုင်း လိုက်နာဆောင်ရွက်စေရေး၊ အဆောင်နှင့် အိမ်ရာများကို သန့်ရှင်း၊ သပ်ရပ်၊ သာယာ လှပစေရန် ဆောင်ရွက်ကြစေရေး၊ လျှပ်စစ်မီးကို စနစ်တကျ သုံးစွဲစေရေးနှင့် ရေအရင်းအမြစ် ချွေတာသုံးစွဲစေရေး အဆောင်မှူးများနှင့် ဝန်ထမ်းများပူးပေါင်းဆောင်ရွက်သွားကြရန် လိုအပ် ကြောင်း လမ်းညွှန်မှာကြားခဲ့သည်။