သင်္ကြန်ရုံးပိတ်ရက်များအတွင်း ပြည်ပအလုပ်အကိုင်အလုပ်သမားသက်သေခံကတ် (OWIC) ထုတ်ပေးမည့်အခြေအနေအား အသိပေးကြေညာခြင်း

အလုပ်သမားဝန်ကြီးဌာနအနေဖြင့် ပြည်ပအလုပ်အကိုင်အလုပ်သမားသက်သေခံကတ် (OWIC) ပြုလုပ်ခွင့် လျှောက်ထားမှုများကိုစိစစ်၍ အထောက်အထားပြည့်စုံသူများကို ရုံးဖွင့်ရက်များတွင် OWIC ပြုလုပ်ခွင့် ပေးလျက်ရှိပါသည်။

ပြည်ပနိုင်ငံများသို့ သွားရောက်လုပ်ကိုင်မည့်သူများ လုပ်ငန်းခွင်သို့ အချိန်မီဝင်ရောက်နိုင်ရေးအတွက် သတ်မှတ်ချက်နှင့်ကိုက်ညီသူများကို ပြည်ပအလုပ်အကိုင် အလုပ်သမားသက်သေခံကတ် ထုတ်ပေးရေးဌာန (မြောက်ဒဂုံ)တွင် သင်္ကြန်ရုံးပိတ်ရက်များဖြစ်သော ၂၀၂၂ ခုနှစ်၊ ဧပြီလ ၉၊ ၁၀၊ ၁၁၊ ၁၂ ရက်နေ့များတွင်ပါ OWIC ထုတ်ပေးရေးလုပ်ငန်းစဉ်များ ဆက်လက်ဆောင်ရွက်ပေးမည်ဖြစ်ပါသည်။

အလုပ်သမားဝန်ကြီးဌာန