ထားဝယ်မြို့နယ် ကဒင်ဝကျေးရွာအဝင်လမ်း ကတ္တရာထပ်ပိုးလွှာခင်းလုပ်ငန်းပြီးစီးမှု ကြည့်ရှုစစ်ဆေး

ထားဝယ်မြို့နယ် ကဒင်ဝကျေးရွာအဝင်လမ်း ကတ္တရာထပ်ပိုးလွှာခင်းလုပ်ငန်းပြီးစီးမှု ကြည့်ရှုစစ်ဆေး

ထားဝယ် ဖေဖော်ဝါရီ ၁၈

       ထားဝယ်ခရိုင်လက်ထောက်ညွှန်ကြားရေးမှူး(မြို့ပြ)၏ ကြီးကြပ်မှုဖြင့် လုပ်ငန်းတာဝန်ခံအင်ဂျင်နီယာ၊ စီမံကိန်းစစ်ဆေးရေးနှင့် အရည်အသွေးထိန်းသိမ်းရေးဌာနခွဲမှ တာဝန်ရှိသူများက ထားဝယ်မြို့နယ် ကဒင်ဝ ကျေးရွာအဝင်လမ်း ကတ္တရာထပ်ပိုးလွှာခင်းခြင်း လုပ်ငန်းဆောင်ရွက် ပြီးစီးမှုအခြေအနေကို ဖေဖော်ဝါရီ ၁၇ ရက်က ကြည့်ရှုစစ်ဆေးသည်။

       ၂၀၂၅-၂၀၂၆ ဘဏ္ဍာနှစ် ပြည်ထောင်စု(ငွေလုံးငွေရင်း)ရန်ပုံငွေဖြင့် အကောင်အထည်ဖော်ဆောင်ရွက်သည့် ကဒင်ဝကျေးရွာအဝင်လမ်း (၁/၀)မိုင် ကတ္တရာ ထပ်ပိုးလွှာခင်းခြင်းလုပ်ငန်းကို မြို့နယ်ကျေးလက်လမ်းဖွံ့ဖြိုးရေးဦးစီးဌာနက ဆောင်ရွက်ကြောင်း သိရသည်။

ငွေဇင်ယော်(ထားဝယ်)