ပန်းတနော်မြို့နယ်အတွင်းရှိ ကျေးလက်လမ်း၊ တံတားလုပ်ငန်းများ ကွင်းဆင်းစစ်ဆေး

ပန်းတနော်မြို့နယ်အတွင်းရှိ ကျေးလက်လမ်း၊ တံတားလုပ်ငန်းများ ကွင်းဆင်းစစ်ဆေး

ပန်းတနော် မတ် ၅

       ဧရာဝတီတိုင်းဒေသကြီး ပန်းတနော်မြို့နယ်အတွင်းရှိ ၂၀၂၅-၂၀၂၆ ဘဏ္ဍာနှစ်အတွင်း ပန်းတနော်မြို့နယ် ကျေးလက်လမ်းဖွံ့ဖြိုးရေးဦးစီးဌာနမှ အကောင်အထည်ဖော်ဆောင်ရွက်သည့် ကျေးလက်လမ်းတံတား လုပ်ငန်းများကို မတ် ၃ ရက်က ဧရာဝတီတိုင်းဒေသကြီး လမ်းပန်းဆက်သွယ်ရေးဝန်ကြီးက ကွင်းဆင်းကြည့်ရှု စစ်ဆေးသည်။

           ထိုသို့ ကွင်းဆင်းကြည့်ရှုစစ်ဆေးရာတွင် ပန်းတနော်မြို့နယ်အတွင်းရှိ ကျေးလက်လမ်း၊တံတားများအား အကောင်အထည်ဖော် ဆောင်ရွက်ရာတွင် လုပ်ငန်း များအား ဆောလျင်စွာနှင့် အရည်အသွေး ပြည့်မီအောင် ဆောင်ရွက်သွားရန် လမ်းညွှန်မှာကြားသည်။

       ဆက်လက်၍ ၂၀၂၅-၂၀၂၆ ဘဏ္ဍာနှစ်အတွင်း ပန်းတနော်မြို့နယ်ကျေးလက်လမ်းဖွံ့ဖြိုးရေးဦးစီးဌာန ပြည်ထောင်စု ငွေလုံးငွေရင်း ရန်ပုံငွေဖြင့် Triple Hlaing ကုမ္ပဏီက အကောင်အထည်ဖော်ဆောင်ရွက်သည့် သိမ်ကုန်း-ချောင်းကလေးကျေးရွာချင်းဆက်လမ်း ကွန်ကရစ်လမ်းခင်းဆောင်ရွက်ထားရှိမှု အခြေအနေအား သွားရောက် ကွင်းဆင်းကြည့်ရှုစစ်ဆေးခဲ့ကြောင်း သိရသည်။

မြို့နယ်(ပြန်/ဆက်)