ပဲခူးတိုင်းဒေသကြီး၊ ပန်းတောင်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသား သုံးဦးနှင့် အမျိုးသမီး ၁၁ ဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ ပန်းတောင်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသား သုံးဦးနှင့် အမျိုးသမီး ၁၁ ဦး ထိခိုက်ဒဏ်ရာရရှိ

      ၂၀၂၆ ခုနှစ်၊ ဧပြီ ၅ ရက်က ပဲခူးတိုင်းဒေသကြီး၊ ပန်းတောင်းမြို့နယ်၌ သုံးဘီးယာဉ်မှ အရှိန်မထိန်းနိုင်ဘဲ ချောင်းကူးတံတားလက်ရန်း ကွန်ကရစ်တန်းအား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံးကာ အမျိုးသား သုံးဦးနှင့် အမျိုးသမီး ၁၁ ဦး ထိခိုက်ဒဏ်ရာ ရရှိခဲ့ကြောင်း သိရသည်။
     ဖြစ်စဉ်မှာ ဧပြီ ၅ ရက် နံနက် ၉ နာရီ ၄၀ မိနစ်တွင် ပဲခူးတိုင်းဒေသကြီး၊ ပန်းတောင်းမြို့နယ်၊ တဲကြီးကုန်းကျေးရွာအနီး ထုံးဘို-အကောက်တောင်ဘုရားသွားကားလမ်း ချောင်းကူးတံတားထိပ်၌ ယာဉ်တိုက်မှုဖြစ်ပွားကြောင်း သတင်းအရ ထုံးဘိုနယ်မြေရဲစခန်းမှ တပ်ဖွဲ့ဝင်များပါဝင်သော ပူးပေါင်း အဖွဲ့က သက်သေများနှင့်အတူ သွားရောက်စစ်ဆေးခဲ့ရာ ထုံးဘိုမြို့မှ အကောက်တောင်ဘုရားဘက်သို့ ဧရာဝတီတိုင်းဒေသကြီး၊ ကြံခင်းမြို့နယ်၊ ကံရွာကျေးရွာနေ လှဇော်ဦး(၄၆)နှစ် မောင်းနှင်ပြီး တစ်ရွာတည်း နေသူများဖြစ်သည့် ရန်မျိုးအောင်(၃၅)နှစ်ပါ အမျိုးသား သုံးဦး၊ အမျိုးသမီး ၁၁ ဦး လိုက်ပါလာသည့် 3U-XXXX DAYANG သုံးဘီးယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ ချောင်းကူး တံတားလက်ရန်း ကွန်ကရစ်တန်းအား ဝင်ရောက်တိုက်မိခဲ့သဖြင့် ရန်မျိုးအောင်တွင် ထိခိုက် ဒဏ်ရာများရရှိကာ သေဆုံးသွားခဲ့ပြီး လှဇော်ဦးပါ အမျိုးသား သုံးဦးနှင့် နော်ထူးထူး(၃၁)နှစ်ပါ အမျိုးသမီး ၁၁ ဦးတို့တွင် ထိခိုက်ဒဏ်ရာများ အသီးသီးရရှိခဲ့သောကြောင့် လှဇော်ဦး အား ထုံးဘို နယ်မြေရဲစခန်း ယာဉ်(ပ) ၁/၂၀၂၆၊ ရာဇသတ်ကြီးပုဒ်မ ၃၀၄-က/ ၃၃၈/ ၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။