ပဲခူးတိုင်းဒေသကြီး၊ ရေတာရှည်မြို့နယ်နှင့် ဧရာဝတီတိုင်းဒေသကြီး၊ ပုသိမ်မြို့နယ်တို့၌ စက်သုံးဆီများ တရားမဝင် သယ်ဆောင်လာသူများအား ဖမ်းဆီးအရေးယူ

ပဲခူးတိုင်းဒေသကြီး၊ ရေတာရှည်မြို့နယ်နှင့် ဧရာဝတီတိုင်းဒေသကြီး၊ ပုသိမ်မြို့နယ်တို့၌ စက်သုံးဆီများ တရားမဝင် သယ်ဆောင်လာသူများအား ဖမ်းဆီးအရေးယူ

     ၂၀၂၆ ခုနှစ်၊ ဧပြီ ၂၁ ရက်က ပဲခူးတိုင်းဒေသကြီး၊ ရေတာရှည်မြို့နယ်နှင့် ဧရာဝတီတိုင်းဒေသကြီး၊ ပုသိမ်မြို့နယ်တို့၌ စက်သုံးဆီများ တရားမဝင် သယ်ဆောင်လာသူ များအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဧပြီ ၂၁ ရက် နံနက် ၉ နာရီတွင် ပဲခူးတိုင်းဒေသကြီး၊ ရေတာရှည်မြို့နယ်၊ ဆွာမြို့၊ သိုင်းဝကျေးရွာရဲကင်း၌ ဆွာနယ်မြေရဲစခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် ဥယျာဉ်မှူးကျေးရွာမှ သိုင်းဝရဲကင်းဘက်သို့ ဥယျာဉ်မှူးကျေးရွာနေ ဒေါ်စန္ဒာဝင်း(၅၃)နှစ် မောင်းနှင်လာသော ဆိုင်ကယ်အား ရပ် တန့်စစ်ဆေးခဲ့ရာ အဆိုပါဆိုင်ကယ်ပေါ်တွင် ၅ ဂါလန်ဆံ့ အဝါရောင် ကော်ပုံး နှစ်ပုံးအတွင်း ဓာတ်ဆီ ၅ ဂါလန်အား တရားမဝင် သယ်ဆောင်လာသည်ကို တွေ့ရှိဖမ်း ဆီးရမိခဲ့သဖြင့် စန္ဒာဝင်း အား ဆွာနယ်မြေရဲစခန်း(ပ)၁၃/၂၀၂၆၊ ရေနံနှင့်ရေနံထွက်ပစ္စည်းများဆိုင်ရာဥပဒေပုဒ်မ ၃၇ ဖြင့် လည်းကောင်း။

     အလားတူ ညနေ ၄ နာရီတွင် ဧရာဝတီတိုင်းဒေသကြီး၊ ပုသိမ်မြို့နယ်၊ ကွက်ပြင်ကြီးကျေးရွာနေ ဦးနန်းဒါး၏ နေအိမ်ခြံဝင်းအတွင်း၌ မိုးကာအုပ်ထားသည့် မော် တော်ယာဉ် တစ်စီးအား မသင်္ကာဖွယ် ရပ်တန့်ထားကြောင်း သတင်းအရ ပုသိမ်ခရိုင်ရဲတပ်ဖွဲ့မှ တပ်ဖွဲ့ဝင်များက သွားရောက်စစ်ဆေးခဲ့ရာ AYY-5/4Q-XXXX SOJEN PICKUP ယာဉ်ပေါ်တွင် ပီပါများဖြင့် ထည့်ထားသည့် ပရီမီယမ် ဒီဇယ် ၅၀ ဂါလန်၊ ဒီဇယ် ၅၀ ဂါလန်နှင့် ဓာတ်ဆီ ၈၀ ဂါလန်တို့အား တွေ့ရှိရပြီး ပိုင်ရှင်မှာ ပုသိမ်မြို့ နယ်၊ အမှတ်(၁၀)ရပ်ကွက်နေ သိန်းစံ(၅၄)နှစ်ဖြစ်ကြောင်း စစ်ဆေးသိရှိရသဖြင့် သိန်းစံ အား သင်္ဘောကျင်းနယ်မြေရဲစခန်း (ပ)၃၇/၂၀၂၆၊ ရေနံနှင့်ရေနံထွက်ပစ္စည်းဆိုင်ရာဥပဒေပုဒ်မ ၃၇ ဖြင့် လည်းကောင်း အသီးသီး အမှုဖွင့်အရေးယူထားကြောင်း သတင်းရရှိပါသည်။