မကွေးတိုင်းဒေသကြီး၊ ပခုက္ကူမြို့နယ်၊ ချောက်ကန်ကျေးရွာအနီး၊ ပခုက္ကူ-မြိုင်ကားလမ်းဘေးရှိ စက်သုံးဆီဆိုင် မီးလောင်မှု

မကွေးတိုင်းဒေသကြီး၊ ပခုက္ကူမြို့နယ်၊ ချောက်ကန်ကျေးရွာအနီး၊ ပခုက္ကူ-မြိုင်ကားလမ်းဘေးရှိ စက်သုံးဆီဆိုင် မီးလောင်မှု

     ၂၀၂၆ ခုနှစ်၊ မေ ၆ ရက် မွန်းလွဲ ၁ နာရီ ၃၉ မိနစ်ခန့်က မကွေးတိုင်းဒေသကြီး၊ ပခုက္ကူ မြို့နယ်၊ ချောက်ကန်ကျေးရွာအနီး၊ ပခုက္ကူ-မြိုင်ကားလမ်းဘေးရှိ ပိုင်ရှင် ဦးလှစိုး(၇၀)နှစ်၏ “ရွှေကမ္ဘာ” စက်သုံးဆီဆိုင်၌ 92 ဓာတ်ဆီပီပါမှ ပလတ်စတစ်ပုံးအတွင်းသို့ လက်လှည့်ပန့်ဖြင့် ဆီဖလှယ်စဉ် သဘာဝတည်ငြိမ်လျှပ်စစ်ဖြစ်ပေါ်၍ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ပခုက္ကူခရိုင်၊ မြို့နယ်မီးသတ်စခန်းများမှ မီးသတ်ယာဉ် ၁၃ စီးဖြင့် Foam ဆေးရည် ၉၅ ဂါလန်၊ 3 Kg မီးသတ်ဆေးဗူး ၁၀ ဘူး၊ 35 Kg မီးသတ်ဆေးဘူး တစ်ဘူးတို့အား အသုံးပြု၍ မီးငြှိမ်းသတ်ခဲ့ရာ မွန်းလွဲ ၂ နာရီ ၁၀ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် အမျိုးသား နှစ်ဦးနှင့် အမျိုးသမီး နှစ်ဦး မီးဟပ်ဒဏ်ရာ(မစိုးရိမ်ရ)တို့အား ပခုက္ကူပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း၊ 92 ဓာတ်ဆီ ၂၅၀ ဂါလန်၊ ရိုးရိုးဒီဇယ် ၁၀၀ ဂါလန်၊ သုံးဘီးဆိုင်ကယ် တစ်စီး၊  ၃၀ x ၂၀ ပေ၊ သွပ်မိုး၊ အကာမပါ အဆောက်အအုံ တစ်လုံး၊ ၄၀ x ၄၀ ပေ၊ သွပ်မိုး၊ ထရံကာ အဆောက်အအုံ တစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင်၏သားဖြစ်သူ အောင်ကိုကိုဌေး အား ပခုက္ကူမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။