မန္တလေးတိုင်းဒေသကြီး၊ ချမ်းအေးသာစံမြို့နယ်၊ မောရဂီဝါရပ်ကွက်၌ နေအိမ်မီးလောင်မှု

မန္တလေးတိုင်းဒေသကြီး၊ ချမ်းအေးသာစံမြို့နယ်၊ မောရဂီဝါရပ်ကွက်၌ နေအိမ်မီးလောင်မှု

     ၂၀၂၅ ခုနှစ်၊ ဒီဇင်ဘာ ၂၃ ရက် နံနက် ၇ နာရီ ၁၀ မိနစ်ခန့်က မန္တလေးတိုင်းဒေသကြီး၊ ချမ်းအေးသာစံမြို့နယ်၊ မောရဂီဝါရပ်ကွက်၊ ၃၅ လမ်း၊ ၇၃ x ၇၄ လမ်းကြားတွင် ပိုင်ရှင် ဦးအောင်ကျော်စိုး၏ ၃၀ x ၆၀ ပေ၊ သွပ်မိုး၊ အုတ်ညှပ်၊ ပျဉ်ခင်း နှစ်ထပ်နေအိမ်၏ အောက်ထပ်တွင် ၁၄ x ၁၄ ပေ “G.O.R Rehearsal” အသံသွင်းစတူဒီယိုအခန်း၌ တပ်ဆင်ထားသော လျှပ်စစ်မီးပလတ်ခုံ အပူလွန်ကဲပြီး အနီးရှိ အသံလုံဖော့များသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ချမ်းအေးသာစံမြို့နယ် မီးသတ်စခန်း၊ မဟာအောင်မြေမြို့နယ်မီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် ၁၀ စီးဖြင့် မီးငြှိမ်းသတ်ရေးလုပ်ငန်းများ ဆောင်ရွက်ခဲ့ရာ နံနက် ၇ နာရီ ၂၈ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ၁၄ x ၁၄ ပေ အသံသွင်းစတူဒီယိုအခန်းအတွင်းရှိ Dram တစ်စုံ၊ Sound Box တစ်စုံ၊ ဂစ်တာ တစ်စုံနှင့် Air-Con Indoor တစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးအောင်ကျော်စိုး(၄၀)နှစ်အား ချမ်းအေးသာစံမြို့နယ်၊ အမှတ်(၈)မြို့မရဲစခန်းမှ အမှုဖွင့် အရေးယူထားကြောင်း သတင်းရရှိပါသည်။