မော်လမြိုင်ကျွန်းမြို့နယ်ရှိ ကျေးလက်လမ်းဆောင်ရွက်နေမှုလုပ်ငန်းများ ကွင်းဆင်းကြည့်ရှုစစ်ဆေး

မော်လမြိုင်ကျွန်းမြို့နယ်ရှိ ကျေးလက်လမ်းဆောင်ရွက်နေမှုလုပ်ငန်းများ ကွင်းဆင်းကြည့်ရှုစစ်ဆေး

မော်လမြိုင်ကျွန်း ဒီဇင်ဘာ ၆

          ဧရာဝတီတိုင်းဒေသကြီး မော်လမြိုင်ကျွန်းမြို့နယ်၌ ကျေးလက်လမ်းဖွံ့ဖြိုးရေးဦးစီးဌာန၏ ၂၀၂၅ - ၂၀၂၆ ဘဏ္ဍာနှစ် ငွေလုံးငွေရင်းရန်ပုံငွေဖြင့် အကောင် အထည်ဖော် ဆောင်ရွက်လျက်ရှိသည့် ကျေးလက်လမ်း၊ တံတားလုပ်ငန်းကို ဒီဇင်ဘာ ၃ ရက်တွင် တာဝန်ရှိသူများက ကြည့်ရှုစစ်ဆေးသည်။

         ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ ဧရာဝတီတိုင်းဒေသကြီး တာဝန်ခံအင်ဂျင်နီယာချုပ်(မြို့ပြ) ဦးကျော်ကျော်ထွေး၊ လပွတ္တာခရိုင် ကျေးလက်လမ်း ဖွံ့ဖြိုးရေးဦးစီးဌာနမှ လက်ထောက်ညွှန်ကြားရေးမှူး(မြို့ပြ)၊ မော်လမြိုင်ကျွန်းမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ဦးစီးအရာရှိ(မြို့ပြ)နှင့် အရည်အသွေးထိန်းသိမ်းရေးအဖွဲ့တို့က မြေပြင်အခြေအနေများကို ကွင်းဆင်းကြည့်ရှုစစ်ဆေးသည်။

         ကျေးလက်လမ်းဖွံ့ဖြိုးရေးဦးစီးဌာနက မော်လမြိုင်ကျွန်းမြို့နယ်အတွင်း ၂၀၂၅- ၂၀၂၆ ဘဏ္ဍာနှစ် ငွေလုံးငွေရင်း ရန်ပုံငွေဖြင့် ကျေးလက်လမ်း၊ တံတားလုပ်ငန်း ခြောက်ခုကို ဆောင်ရွက်လျက်ရှိကြောင်း သိရသည်။

မြို့နယ်(ပြန်/ဆက်)