မြို့နယ်အချို့၌ မြန်မာအီလက်ထရောနစ် မဲပေးစက်ဖြင့် စမ်းသပ်ဆန္ဒမဲပေး

မြို့နယ်အချို့၌ မြန်မာအီလက်ထရောနစ် မဲပေးစက်ဖြင့် စမ်းသပ်ဆန္ဒမဲပေး

လားရှိုးမြို့နယ်

ရှမ်းပြည်နယ် (မြောက်ပိုင်း)လားရှိုးမြို့နယ်တွင် မြန်မာအီလက်ထရောနစ်မဲပေးစက် (MEVM)အသုံးပြုနည်းဆိုင်ရာ အသိပညာပေးဟောပြောပွဲနှင့် လက်တွေ့စမ်းသပ်ဆန္ဒမဲပေးခြင်းကို ဩဂုတ် ၂၇ ရက်နံနက်ပိုင်းက လားရှိုးမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ကျင်းပရာ ခရိုင်အဆင့် ဌာနဆိုင်ရာဝန်ထမ်းများနှင့် တာဝန်ရှိသူများ တက်ရောက်ကြသည်။

အခမ်းအနားတွင် ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌက အမှာစကားပြောကြားပြီး လားရှိုးခရိုင်ရွေးကောက်ပွဲကော်မရှင်အဖွဲ့ခွဲဥက္ကဋ္ဌက ရွေးကောက်ပွဲကျင်းပရေး ဆိုင်ရာများကို ရှင်းလင်းပြောကြားကာ လားရှိုးခရိုင်ရွေးကောက်ပွဲကော်မရှင်အဖွဲ့ခွဲ အတွင်းရေးမှူးက မြန်မာအီလက်ထရောနစ် မဲပေးစက်အသုံးပြု၍ စမ်းသပ်ဆန္ဒမဲပေးခြင်း လုပ်ငန်းများနှင့်စပ်လျဉ်း၍ အသိပညာပေး ရှင်းလင်းပြောကြားသည်။

ထို့နောက် တက်ရောက်လာသူများက မြန်မာအီလက်ထရောနစ် မဲပေးစက်ဖြင့် တစ်ဦးချင်း လက်တွေ့စမ်းသပ်မဲပေးခဲ့ကြကြောင်း သိရသည်။

 သတင်းစဉ်