မြို့နယ်အချို့၌ PDF အမည်ခံ အကြမ်းဖက်သမားများက ရပ်ကွက်များအတွင်းသို့ လက်နက်ကြီးများ၊ Drone အသုံးပြု၍ Drop Bomb များ၊ Fixed Wing Drone များဖြင့် အကြမ်းဖက် ပစ်ခတ် တိုက်ခိုက်မှုများ လုပ်ဆောင်

မြို့နယ်အချို့၌ PDF အမည်ခံ အကြမ်းဖက်သမားများက ရပ်ကွက်များအတွင်းသို့ လက်နက်ကြီးများ၊ Drone အသုံးပြု၍ Drop Bomb များ၊ Fixed Wing Drone များဖြင့် အကြမ်းဖက် ပစ်ခတ် တိုက်ခိုက်မှုများ လုပ်ဆောင်

     အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာ ရရှိစေရန်နှင့် အကြောက်တရားများ လွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်၊ ကျေးရွာများအတွင်းသို့ လက်နက်ကြီးများ၊ Drone အသုံးပြု၍ Drop Bomb များ၊ Fixed Wing Drone များဖြင့် ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။

     ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဒီဇင်ဘာ ၂၆ ရက် ညနေ ၅ နာရီတွင် မွန်ပြည်နယ်၊ မော်လမြိုင်မြို့နယ်၊ လှိုင်ရပ်ကွက်ရှိ သဘာဝဓမ္မဘုန်းကြီးကျောင်းဝင်းအတွင်းနှင့် ဆန်းရှိုင်းဟိုတယ်ဝင်းအတွင်းသို့ PDF အမည်ခံ အကြမ်းဖက်သမားများက အများပြည်သူ ထိခိုက်စေရန် ရည်ရွယ်၍ လွှတ်တင်လိုက်သည့် လက်လုပ်ကာမီကာဇေ Fixed Wing Drone များ အသီးသီးကျရောက်ပေါက်ကွဲခဲ့မှုကြောင့် လူနှင့်အဆောက်အအုံ ထိခိုက်ပျက်စီးမှု မရှိကြောင်း သိရသည်။

     အလားတူ ဒီဇင်ဘာ ၂၇ ရက် မွန်းလွဲ ၂ နာရီ ၅ မိနစ်တွင် စစ်ကိုင်းတိုင်းဒေသကြီး၊ တမူးမြို့နယ်၊ ဈေးတန်းရပ်ကွက်နေ ဒေါ်ပြုံး(၇၃)နှစ်၏ နေအိမ်ပေါ်သို့ PDF အမည်ခံ အကြမ်းဖက်သမားများက အများပြည်သူ ထိခိုက်စေရန် ရည်ရွယ်ကာ Drone အသုံးပြု၍ ပစ်ချလိုက်သည့် Drop Bomb တစ်လုံး ကျရောက်ပေါက်ကွဲခဲ့မှုကြောင့် နေအိမ်အမိုးသွပ် နှစ်ပေပတ်လည်ခန့် ပေါက်ပြဲပျက်စီးဆုံးရှုံးခဲ့ပြီး လူထိခိုက်ဒဏ်ရာရရှိမှု မရှိကြောင်း သိရသည်။

     အလားတူ ညနေ ၆ နာရီတွင် မြောင်မြို့နယ်၊ မြောက်ရပ်ကွက်ရှိ ကတ္တရာလမ်းမပေါ်သို့ PDF အမည်ခံ အကြမ်းဖက်သမားများက အများပြည်သူထိခိုက်စေရန် ရည်ရွယ်၍ ပစ်ခတ်လိုက်သည့် ၄၀ မမ ဗုံးသီး တစ်လုံး ကျရောက်ပေါက်ကွဲခဲ့မှုကြောင့် လူနှင့်အဆောက်အအုံ ထိခိုက်ပျက်စီးမှု မရှိကြောင်း သိရသည်။

     ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်၊ ကျေးရွာများအတွင်းသို့ လက်နက်ကြီးများ၊ Drone အသုံးပြု၍ Drop Bomb များ၊ Fixed Wing Drone များဖြင့် ပစ်ခတ်တိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်နေမှုများကြောင့် လူနေအိမ်များ ပျက်စီးဆုံးရှုံးခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့် ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။