မွန်ပြည်နယ်၊ မော်လမြိုင်မြို့နယ်၊ မော်လမြိုင်တက္ကသိုလ်၌ ဝန်ထမ်းများ၊ မိသားစုဝင်များနှင့် ကျောင်းသား၊ ကျောင်းသူများ သက်သာချောင်ချိရေးအတွက် အခြေခံစားသောက်ကုန်များ ရောင်းချပေးနေမှုအား ကြည့်ရှုအားပေး

မွန်ပြည်နယ်၊ မော်လမြိုင်မြို့နယ်၊ မော်လမြိုင်တက္ကသိုလ်၌ ဝန်ထမ်းများ၊ မိသားစုဝင်များနှင့် ကျောင်းသား၊ ကျောင်းသူများ သက်သာချောင်ချိရေးအတွက် အခြေခံစားသောက်ကုန်များ ရောင်းချပေးနေမှုအား ကြည့်ရှုအားပေး

    ၂၀၂၆ ခုနှစ်၊ ဇွန် ၂ ရက် နံနက် ၇ နာရီ ၃၀ မိနစ်တွင် မွန်ပြည်နယ်၊ မော်လမြိုင်မြို့နယ်၊ မော်လမြိုင်တက္ကသိုလ်၌ ဝန်ထမ်းများ၊ မိသားစုဝင်များနှင့် ကျောင်းသား၊ ကျောင်းသူများ သက်သာချောင်ချိရေးအတွက် ပြည်နယ်အစိုးရအဖွဲ့၏ စီမံဆောင်ရွက်မှုဖြင့် ဆန်၊ ဆီ၊ ဆား၊ ကြက်ဥ၊ ဘဲဥ၊ အသား၊ ငါးနှင့် ဟင်းသီးဟင်းရွက်များကို ဈေးနှုန်းသက်သာစွာ ရောင်းချပေးနေမှုအား မွန်ပြည်နယ်အစိုးရအဖွဲ့ ဝန်ကြီးချုပ် ဦးအောင်ဝင်းသန်း၊ ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်အစိုးရအဖွဲ့ အတွင်းရေးမှူး ပြည်နယ်အုပ်ချုပ်ရေးမှူး ဦးဉာဏ်လင်းထွေး၊ ခရိုင်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌနှင့် အဖွဲ့ဝင်များ၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများမှ တာဝန်ရှိသူများနှင့်အတူ ကြည့်ရှုအားပေးခဲ့ပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိပါသည်။