ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ အမှတ်(၂၃)အခြေခံပညာမူလတန်းကျောင်း၌ စာသင်ခန်း မီးလောင်မှု 

ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ အမှတ်(၂၃)အခြေခံပညာမူလတန်းကျောင်း၌ စာသင်ခန်း မီးလောင်မှု 

     ၂၀၂၆ ခုနှစ်၊ ဖေဖော်ဝါရီ ၁၆ ရက် မွန်းလွဲ ၁၂ နာရီ ၁၈ မိနစ်ခန့်က ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ အမှတ်(၂၃)အခြေခံပညာမူလတန်းကျောင်း၌ ၁၂၀ x ၂၅ ပေ၊ သွပ်မိုး၊ အုတ်ကာ၊ ကွန်ကရစ်ခင်း နှစ်ထပ် စာသင်ဆောင်အပေါ်ထပ်ရှိ ၃၀ x ၂၀ ပေ စာသင်ခန်းတွင် ကျောင်းစောင့် ဦးရဲမင်းအောင်(၃၀)နှစ်သည် လျှပ်စစ်ရေနွေးအိုးတည်ထားခဲ့ရာမှ အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် လှိုင်သာယာမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ၁၄ စီးဖြင့် မီးငြှိမ်းသတ်ခဲ့ရာ မွန်းလွဲ ၁၂ နာရီ ၄၃ မိနစ်တွင် မီးငြိမ်းခဲ့ပါသည်။ 
     အဆိုပါမီးလောင်မှုကြောင့် ၃၀ x ၂၀ ပေ စာသင်ခန်းရှိ အမိုးနှင့် မျက်နှာကြက်၊ ပလတ်စတစ် စာသင်ထိုင်ခုံ ၅၀ လုံး မီးလောင်ဆုံးရှုံးခဲ့ကြောင်းနှင့် ကျောင်းစောင့် ဦးရဲမင်းအောင် အား လှိုင်သာယာ (အနောက်ပိုင်း)မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။