ရန်ကုန်တိုင်းဒေသကြီး၊ သုံးခွမြို့နယ်၌ မော်တော်ယာဉ် တစ်စီးမှ အရှိန်မထိန်းနိုင်ဘဲ တစ်ဖက်ယာဉ်ကြောမှ မော်တော်ယာဉ်အား မျက်နှာချင်းဆိုင် ဝင်ရောက်တိုက်မိမှုကြောင့် အမျိုးသမီး တစ်ဦး သေဆုံးကာ အမျိုးသား လေးဦးနှင့် အမျိုးသမီး နှစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ သုံးခွမြို့နယ်၌ မော်တော်ယာဉ် တစ်စီးမှ အရှိန်မထိန်းနိုင်ဘဲ တစ်ဖက်ယာဉ်ကြောမှ မော်တော်ယာဉ်အား မျက်နှာချင်းဆိုင် ဝင်ရောက်တိုက်မိမှုကြောင့် အမျိုးသမီး တစ်ဦး သေဆုံးကာ အမျိုးသား လေးဦးနှင့် အမျိုးသမီး နှစ်ဦး ထိခိုက်ဒဏ်ရာရရှိ

    ၂၀၂၅ ခုနှစ်၊ ဇွန် ၁ ရက်က ရန်ကုန်တိုင်းဒေသကြီး၊ သုံးခွမြို့နယ်၌ မော်တော်ယာဉ် တစ်စီးမှ အရှိန်မထိန်းနိုင်ဘဲ တစ်ဖက်ယာဉ်ကြောမှ မော်တော်ယာဉ်အား မျက်နှာချင်းဆိုင် ဝင်ရောက်တိုက်မိမှုကြောင့် အမျိုးသမီး တစ်ဦး သေဆုံးကာ အမျိုးသား လေးဦးနှင့် အမျိုးသမီး နှစ်ဦး ထိခိုက်ဒဏ်ရာရရှိခဲ့ကြောင်း သိရသည်။
      ဖြစ်စဉ်မှာ ဇွန် ၁ ရက် ည ၈ နာရီ ၂၀ မိနစ်တွင် ရန်ကုန်တိုင်းဒေသကြီး၊ သုံးခွမြို့နယ်၊ သိုက်တူးကန်ကျေးရွာအနီး၌ ရန်ကုန်-ခရမ်းကားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ သုံးခွမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ အဆိုပါ လမ်းအတိုင်း သန်လျင်မှ သုံးခွသို့ ရန်ကုန်တိုင်းဒေသကြီး၊ ခရမ်းမြို့နယ်၊ ကင်မွန်းခြုံကျေးရွာနေ ဝေယံဖြိုး(၃၃)နှစ် မောင်းနှင်လာသော MDY-17/CC-XXXX TOYOTA PROBOX အဖြူရောင် မော်တော်ယာဉ်သည် မိုင်တိုင်အမှတ် ၅၆ မိုင် ၁ ဖာလုံနှင့် ၂ ဖာလုံကြားအရောက်၌ အရှိန်မထိန်းနိုင်ဘဲ တစ်ဖက်ယာဉ်ကြောသို့ ရောက်ရှိကာ မျက်နှာချင်းဆိုင်မှ ရန်ကုန်တိုင်းဒေသကြီး၊ ဒလမြို့နယ်၊ ရာဇသင်္ကြန်ရပ်ကွက်နေ ဦးသောင်းငွေ မောင်းနှင်သော YGN-41/1E-XXXX TOYOTA RAV4 အဖြူရောင် မော်တော်ယာဉ်အား ဝင်ရောက်တိုက်မိမှုကြောင့် PROBOX မော်တော်ယာဉ်ပေါ်ပါ ဒေါ်တင်မာခိုင် (၃၀)နှစ်တွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး ဝေယံဖြိုးပါ အမျိုးသား လေးဦးနှင့် အမျိုးသမီး နှစ်ဦးတို့တွင်  ထိခိုက်ဒဏ်ရာများရရှိခဲ့သဖြင့် ဝေယံဖြိုး အား သုံးခွမြို့မရဲစခန်း ယာဉ်(ပ)၉/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။