ရေဖြူမြို့နယ် ဝဇွမ်းတောကျေးရွာ၌ ကွန်ကရစ်တံတားကြမ်းခင်း Slab ခင်းခြင်းနှင့် လက်ရန်း တပ်ဆင်ခြင်းလုပ်ငန်း ဆောင်ရွက်ပြီးစီးမှုစစ်ဆေး

ရေဖြူမြို့နယ် ဝဇွမ်းတောကျေးရွာ၌ ကွန်ကရစ်တံတားကြမ်းခင်း Slab ခင်းခြင်းနှင့် လက်ရန်း တပ်ဆင်ခြင်းလုပ်ငန်း ဆောင်ရွက်ပြီးစီးမှုစစ်ဆေး

ရေဖြူမြို့နယ် ဝဇွမ်းတောကျေးရွာ၌ ကွန်ကရစ်တံတားကြမ်းခင်း Slab ခင်းခြင်းနှင့် လက်ရန်း တပ်ဆင်ခြင်းလုပ်ငန်း ဆောင်ရွက်ပြီးစီးမှုစစ်ဆေး

‎*****************************************************

‎ရေဖြူ    စက်တင်ဘာ    ၁၈

‎‎တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီး ဌာနက ဝဇွမ်းတောကျေးရွာ၌ မြစိမ်းရောင်စီမံကိန်းအတိုးရငွေဖြင့် ကွန်ကရစ်တံတားကြမ်းခင်း Slab ခင်းခြင်းနှင့် လက်ရန်းတပ်ဆင်ခြင်းလုပ်ငန်း ဆောင်ရွက်ပြီးစီးမှုကို တာဝန်ရှိသူများက ယနေ့ နံနက် ပိုင်းက ကွင်းဆင်းစစ်ဆေးခဲ့ကြောင်း သိရသည်။

‎‎ထိုသို့ကွင်းဆင်းစစ်ဆေးရာတွင် ရေဖြူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးအရာရှိ ဦးမြင့်ဦးအောင်နှင့် တာဝန်ရှိသူများသည် မြစိမ်းရောင်စီမံကိန်းလုပ်ငန်းအဖွဲ့ဝင်များနှင့်အတူ ဝဇွမ်းတောကျေးရွာ၌ အလျား ပေ ၄၀ အနံ ၁၃ ပေ ရှိသော ကွန်ကရစ်တံတားအား ၇ လက်မထု ကြမ်းခင်း Slab ခင်းခြင်းနှင့် လက်ရန်းတပ်ဆင်ခြင်းလုပ်ငန်း‌များ ဆောင်ရွက်ပြီးစီးမှုအခြေအနေကို ကြည့်ရှုစစ်ဆေးပြီး ဦးစီးအရာရှိက မြစိမ်းရောင်စီမံကိန်းလုပ်ငန်းအဖွဲ့ဝင်များအား ဆောင်ရွက်ပြီး လုပ်ငန်းများ ရေရှည်အသုံးပြုနိုင်ရေး ဝိုင်းဝန်းထိန်းသိမ်းကြရန်မှာကြားပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ခဲ့ကြောင်း သိရသည်။

‎‎အဆိုပါကျေးရွာရှိ စိုက်ပျိုးရေး၊ မွေးမြူရေးနှင့် အရောင်းအဝယ်လုပ်ငန်း လုပ်ကိုင်သူ ၅၈ ဦးအား မြစိမ်းရောင်စီမံကိန်းအရင်းမပျောက်လည်ပတ်ရန်ပုံငွေကျပ် ၅၄ ဒသမ ၇ သန်းကို အတိုးနှုန်းသက်သာ စွာ ထုတ်ချေးပေးထားပြီး အဆိုပါစီမံကိန်းအတိုးရငွေမှ ကျေးရွာဖွံ့ဖြိုးရေးအတွက် သုံးစွဲခွင့်ရရှိသော ငွေကျပ် ၁၅ သန်းဖြင့် ကွန်ကရစ်တံတားကြမ်းခင်း Slab ခင်းခြင်းနှင့် လက်ရန်းတပ်ဆင်ခြင်းလုပ်ငန်းကို ဌာနဝန်ထမ်းများ၏ နည်းပညာပံ့ပိုးမှုဖြင့် ဩဂုတ်လ ၁၄ ရက်နေ့က စတင်ဆောင်ရွက်ခဲ့ရာ ယနေ့တွင် ရာနှုန်းပြည့်ပြီးစီးနေပြီဖြစ်၍ အဆိုပါကျေးရွာနေပြည်သူများ၏ စီပွားရေး၊ ပညာရေး၊ ကျန်းမာရေးနှင့် အခြားလူမှုရေးကိစ္စများအား ရာသီမရွေး လွယ်ကူစွာ သွားလာဆောင်ရွက်နိုင်ပြီဖြစ်ကြောင်း ရေဖြူ မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။