ရှမ်းပြည်နယ်၊ မိုင်းပျဉ်းမြို့နယ်၌ ကုန်တင်မော်တော်ယာဉ်မှ အရှိန်မထိန်းနိုင်ဘဲ လမ်းဘေးရှိ နေအိမ်အား ဝင်ရောက်တိုက်မိကာ ရေမြောင်းအတွင်း ထိုးကျတိမ်းမှောက်ခဲ့မှုကြောင့် အမျိုးသား တစ်ဦး ထိခိုက်ဒဏ်ရာရရှိ

ရှမ်းပြည်နယ်၊ မိုင်းပျဉ်းမြို့နယ်၌ ကုန်တင်မော်တော်ယာဉ်မှ အရှိန်မထိန်းနိုင်ဘဲ လမ်းဘေးရှိ နေအိမ်အား ဝင်ရောက်တိုက်မိကာ ရေမြောင်းအတွင်း ထိုးကျတိမ်းမှောက်ခဲ့မှုကြောင့် အမျိုးသား တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဖေဖော်ဝါရီ ၆ ရက်က ရှမ်းပြည်နယ်၊ မိုင်းပျဉ်းမြို့နယ်၌ ကုန်တင်မော်တော်ယာဉ်မှ အရှိန်မထိန်းနိုင်ဘဲ လမ်းဘေးရှိ နေအိမ်အား ဝင်ရောက်တိုက်မိကာ ရေမြောင်းအတွင်း ထိုးကျ တိမ်းမှောက်ခဲ့မှုကြောင့် အမျိုးသား တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၆ ရက် ည ၁၀ နာရီ ၃၀ မိနစ်တွင် ရှမ်းပြည်နယ်၊ မိုင်းပျဉ်းမြို့နယ်၊ အောက်ဈေးတန်းရပ်ကွက်၊ တောင်ကြီး-တာချီလိတ် ပြည်ထောင်စုလမ်းမကြီး မိုင်တိုင်အမှတ် 528 KM အနီး၌ ယာဉ်တိုက်မှုဖြစ်ပွားကြောင်း သတင်းအရ မိုင်းပျဉ်းမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ မန္တလေးတိုင်းဒေသကြီး၊ မိတ္ထီလာမြို့နယ်၊ သရက်ပင်ကျေးရွာနေ အောင်ဟိန်း(၂၈)နှစ် မောင်းနှင်ပြီး အမရပူရမြို့နယ်၊ ဖျောက်ဆိပ်ကုန်းရပ်ကွက်နေ ဦးအောင်ရွှေ (၅၁)နှစ် လိုက်ပါလာသည့် MDY-15/6B-XXXX NISSAN ခြောက်ဘီး ကုန်တင်မော်တော်ယာဉ်သည် တောင်ကြီးမြို့မှ တာချီလိတ်မြို့ဘက်သို့ မောင်းနှင်လာစဉ် အခင်းဖြစ်နေရာအရောက်၌ အရှိန် မထိန်းနိုင်ဘဲ လမ်း၏ဝဲဘက်ခြမ်းရှိ ဦးစိုင်းစံပ(၄၅)နှစ် ပိုင်ဆိုင်သည့် အလျား ၂၀ ပေ၊ အနံ ၃၀ ပေ သွပ်မိုး၊ ပျဉ်/ထရံကာ နေအိမ်အား ဝင်ရောက်တိုက်မိကာ အဆိုပါနေအိမ် အနောက်ဘက်ရှိ ရေမြောင်းအတွင်း ထိုးကျတိမ်းမှောက်ခဲ့သဖြင့် ယာဉ်မောင်း အောင်ဟိန်းတွင် ထိခိုက်ဒဏ်ရာများ ရရှိခဲ့ပြီး ဦးစိုင်းစံပ၏ နေအိမ်နှင့် မော်တော်ယာဉ်တို့ ပျက်စီးဆုံးရှုံးခဲ့သောကြောင့် အောင်ဟိန်း အား မိုင်းပျဉ်းမြို့မရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၃၃၇/ ၂၇၉ ဖြင့် အမှုဖွင့်အရေးယူ ထားကြောင်း သတင်းရရှိပါသည်။