အကျဉ်းထောင်/ စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာ စောင့်ရှောက်ပေးမှုများ ပြုလုပ်

အကျဉ်းထောင်/ စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာ စောင့်ရှောက်ပေးမှုများ ပြုလုပ်

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/ စခန်းအသီးသီး၌ ကျန်းမာရေးဦးစီးဌာန၊ သက်ဆိုင်ရာခရိုင်၊ မြို့နယ်များရှိ ပြင်ပကျန်းမာရေးအဖွဲ့များနှင့်ပူးပေါင်း၍ လစဉ်ကျန်းမာရေးစောင့်ရှောက် ပေးမှုလုပ်ငန်းများ ဆောင်ရွက်ပေးလျက်ရှိရာ ၂၀၂၆ ခုနှစ်၊ မတ် ၁၀ ရက်တွင် တနင်္သာရီတိုင်းဒေသကြီး၊ ထားဝယ်ပြည်သူ့ဆေးရုံကြီးမှ ဒေါက်တာ ဖြိုးဝေလင်းသည် ထားဝယ်အကျဉ်းထောင်မှ အကျဉ်းသူ ၁၅ ဦးအား လည်းကောင်း၊ အလားတူ ကော့သောင်းပြည်သူ့ဆေးရုံကြီးမှ ဒေါက်တာ စစ်နိုင်အောင်သည် ကော့သောင်း အကျဉ်းထောင်မှ အကျဉ်းသား၊ အကျဉ်းသူ ၂၀ ဦးအား လည်းကောင်း။

     အလားတူ မတ် ၁၃ ရက်တွင်  ဧရာဝတီတိုင်းဒေသကြီး၊ ပုသိမ်ပြည်သူ့ဆေးရုံကြီးမှ အထူးကု ဆရာဝန်(မျက်စိ) ဒေါက်တာ နီနီဝင်း၊ လက်ထောက်အထူးကုဆရာဝန်(သွားနှင့် ခံတွင်း)ဒေါက်တာ ထွန်းထွန်းစိုး ဦးဆောင်သော အဖွဲ့ဝင် ၁၅ ဦးတို့သည် ပုသိမ်အကျဉ်းထောင်မှ အကျဉ်းသား၊ အကျဉ်းသူ ၂၃၇ ဦးနှင့် အချုပ်သား၊ အချုပ်သူ ၁၅ ဦးတို့အား လည်းကောင်း အသီးသီးကျန်းမာရေး စစ်ဆေးစောင့်ရှောက်ကုသမှုများ ဆောင်ရွက်ပေးခဲ့ကြောင်း သတင်းရရှိပါသည်။