ဧရာဝတီတိုင်းဒေသကြီး၊ မြောင်းမြမြို့နယ်၌ “Golden Point KTV” မီးလောင်မှု

ဧရာဝတီတိုင်းဒေသကြီး၊ မြောင်းမြမြို့နယ်၌ “Golden Point KTV” မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၂၈ ရက် နံနက် ၁၁ နာရီက ဧရာဝတီတိုင်းဒေသကြီး၊ မြောင်းမြမြို့နယ်၊ ကံ့ကော်မြိုင်ရပ်ကွက်ရှိ ပိုင်ရှင် ဦးထွန်းသိုက်(၄၇)နှစ်၏ ၂၀ x ၄၀ ပေ၊ သွပ်မိုး၊ အုတ်ညှပ်၊ ကွန်ကရစ်ခင်း တစ်ထပ် “Golden Point KTV” အဆောက်အအုံတွင် ၈ x ၁၀ ပေ အခန်းအတွင်း Air-Con Safeguard အပူလွန်ကဲရာမှ အနီးရှိ နံရံတွင်ကပ်ထားသော အသံလုံဖော့များသို့ မီးကူးစက်လောင်ကျွမ်းမှု ဖြစ်ပွားကြောင်း သတင်းရရှိသဖြင့် မြောင်းမြမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် လေးစီးဖြင့် မီးငြှိမ်းသတ်ခဲ့ရာ နံနက် ၁၁ နာရီ ၂၀ မိနစ်တွင် မီးငြိမ်းခဲ့ပါသည်။ 
     အဆိုပါမီးလောင်မှုကြောင့် ၈ x ၁၀ ပေ၊ အခန်းအတွင်းရှိ အမိုးမျက်နှာကြက်များ၊ KTV စက် သုံးလုံး၊ ဆိုဖာခုံ သုံးလုံး မီးလောင်ဆုံးရှုံးခဲ့ကြောင်းနှင့် ဦးထွန်းသိုက် အား မြောင်းမြမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။