ကမ္ဘာ့မီဒီယာနှင့် သတင်းအချက်အလက် သိနားလည်မှုဆိုင်ရာ ရက်သတ္တပတ်လှုပ်ရှားမှုတွင် ပါဝင်ဆောင်ရွက်ကြသည့် ကျောင်းသား ကျောင်းသူများ ​နေပြည်​​တော်ရှိ ပြန်ကြား​ရေးလုပ်ငန်းဆိုင်ရာများ ကြည့်ရှုလေ့လာ

ကမ္ဘာ့မီဒီယာနှင့် သတင်းအချက်အလက် သိနားလည်မှုဆိုင်ရာ ရက်သတ္တပတ်လှုပ်ရှားမှုတွင် ပါဝင်ဆောင်ရွက်ကြသည့် ကျောင်းသား ကျောင်းသူများ ​နေပြည်​​တော်ရှိ ပြန်ကြား​ရေးလုပ်ငန်းဆိုင်ရာများ ကြည့်ရှုလေ့လာ

နေပြည်တော် အောက်တိုဘာ ၂၅

ပြန်ကြားရေးဝန်ကြီးဌာန မီဒီယာဖွံ့ဖြိုးတိုးတက်ရေးဦးစီးဌာနက စီစဉ်ကျင်းပသည့် ကမ္ဘာ့မီဒီယာနှင့် သတင်းအချက်အလက်သိနားလည်မှုဆိုင်ရာ ရက်သတ္တပတ်လှုပ်ရှားမှုတွင် ပါဝင်ဆောင်ရွက်ကြသည့် အုပ်ချုပ်သူဆရာ ဆရာမများနှင့် ကျောင်းသား ကျောင်းသူများသည် ယနေ့နံနက်ပိုင်းတွင် နေပြည်တော် တပ်ကုန်းမြို့ရှိ မြန်မာ့အသံနှင့်ရုပ်မြင်သံကြားသို့ ရောက်ရှိပြီး ကပြဖျော်ဖြေတင်ဆက်မှုများ၊ သတင်းထုတ်လွှင့်မှုများ၊ စိန်ရတုပြတိုက်အတွင်း ခင်းကျင်းပြသထားမှုများကို လှည့်လည်ကြည့်ရှု​လေ့လာကြသည်။

မွန်းလွဲပိုင်းတွင် လေ့လာရေးအဖွဲ့သည် နေပြည်တော် ဇေယျာသီရိမြို့နယ် ခရေပင်လမ်းခွဲရှိ သတင်းစာတိုက်များနှင့်​ နေပြည်​​တော်ပုံနှိပ်စက်ရုံတို့ကို သွား​ရောက်ကြည့်ရှုလေ့လာကြသည်။

ကမ္ဘာတစ်ဝန်းရှိ သက်ဆိုင်သူများအားလုံးအတွက် မီဒီယာနှင့် သတင်းအချက်အလက် သိနားလည်မှုဆိုင်ရာ တိုးတက်မှုကို ပြန်လည်သုံးသပ်ရန်၊ သတင်းရယူမှုအခြေအနေ တိုးမြှင့်လာစေရန်နှင့် မီဒီယာနှင့် သတင်းအချက်အလက် သိနားလည်မှုဆိုင်ရာ တိုးတက်မှုကို ဂုဏ်ပြုနိုင်ရန်၊ ကမ္ဘာတစ်ဝန်းရှိ ပြည်သူလူထု အသိပညာများမြှင့်တင်ရေး စည်းရုံးနှိုးဆော်မှုများ ဆောင်ရွက်နိုင်ရန် ရည်ရွယ်ပြီး ကမ္ဘာ့မီဒီယာနှင့် သတင်းအချက်အလက် သိနားလည်မှုဆိုင်ရာ ရက်သတ္တပတ်အဖြစ် UNESCO က ဦးဆောင်၍ ၂၀၁၂ ခုနှစ်မှ စတင်ကာ ကမ္ဘာတစ်ဝန်းတွင် ကျင်းပလာခဲ့ရာ မြန်မာနိုင်ငံအနေဖြင့် ၂၀၁၈ ခုနှစ်မှ စတင်၍ ပါဝင်ဆောင်ရွက်ခြင်းဖြစ်ကြောင်း သိရသည်။

သတင်းစဉ်