ကရင်ပြည်နယ်၊ ဘားအံမြို့နယ်နှင့် မွန်ပြည်နယ်၊ မော်လမြိုင်မြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

ကရင်ပြည်နယ်၊ ဘားအံမြို့နယ်နှင့် မွန်ပြည်နယ်၊ မော်လမြိုင်မြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

   ၂၀၂၆ ခုနှစ်၊ ဖေဖော်ဝါရီ ၂၂ ရက်နှင့် ၂၃ ရက်က ကရင်ပြည်နယ်၊ ဘားအံမြို့နယ်နှင့် မွန်ပြည်နယ်၊ မော်လမြိုင်မြို့နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဖေဖော်ဝါရီ ၂၂ ရက် မွန်းလွဲ ၃ နာရီ ၃၀ မိနစ်တွင် ကရင်ပြည်နယ်၊ ဘားအံမြို့နယ်၊ သံလွင်တံတားပူးပေါင်းစစ်ဆေးရေးဂိတ်၌ ဘားအံမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် ဧရာဝတီတိုင်းဒေသကြီး၊ ပန်းတနော်မြို့နယ်၊ ဘဝိုင်းကျေးရွာနေ ချစ်ကိုကို(၃၆)နှစ် မောင်းနှင်လာသည့် YGN-40/3F-XXXX VIGO မော်တော်ယာဉ်၊ မအူပင်မြို့နယ်၊ လက်ပံကျွန်းကျေးရွာနေ တင်ကိုလင်း(၃၁)နှစ် မောင်းနှင်လာသည့် KYN-4/9P-XXXX TOYOTA ALPHARD မော်တော်ယာဉ်၊ ကန်ကြီးထောင့်မြို့နယ်၊ အစုကြီးကျေးရွာနေ ဝင်းကိုအောင်(၂၉)နှစ် မောင်းနှင်လာသည့် KYN-7/9K-XXXX NISSAN VANETTE မော်တော်ယာဉ်၊ ပဲခူးတိုင်းဒေသကြီး၊ သနပ်ပင်မြို့နယ်၊ မိုးခိုင်ကြီးကျေးရွာနေ တင်မောင်ထွန်း(၂၈)နှစ် မောင်းနှင်လာသည့် YGN-7/7L-XXXX HONDA FIT SHUTTLE မော်တော်ယာဉ်နှင့် ကရင်ပြည်နယ်၊ ဘားအံမြို့၊ အမှတ်(၉)ရပ်ကွက်နေ ဇေယျာနိုင်(၂၂)နှစ် မောင်းနှင်လာသည့် YGN-8/4K-XXXX NISSAN X-TRAIL မော်တော်ယာဉ်တို့အား ရပ်တန့်စစ်ဆေးခဲ့ရာ အဆိုပါမော်တော်ယာဉ်များနှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်များဖြစ်ကြောင်း စစ်ဆေးတွေ့ရှိရသဖြင့် ချစ်ကိုကို အား ဘားအံမြို့မရဲစခန်း (ပ)၄၂/၂၀၂၆၊ တင်ကိုလင်း အား ဘားအံမြို့မရဲစခန်း (ပ)၄၃/၂၀၂၆၊ ဝင်းကိုအောင် အား ဘားအံမြို့မရဲစခန်း (ပ)၄၄/၂၀၂၆၊  ဇေယျာနိုင် အား ဘားအံမြို့မရဲစခန်း (ပ)၄၆/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

    အလားတူ ဖေဖော်ဝါရီ ၂၃ ရက် ည ၇ နာရီတွင် မွန်ပြည်နယ်၊ မော်လမြိုင်မြို့နယ်၊ ဖားအောက်ရဲကင်းစခန်းမှ တပ်ဖွဲ့ဝင်များက ကြာအင်းကျေးရွာ “စွမ်းမြန်မာ” စက်သုံးဆီဆိုင်ရှေ့၌ ယာဉ်စစ်ဆေးခြင်းများ ဆောင်ရွက်နေစဉ် မုဒုံမြို့မှ မော်လမြိုင်မြို့ဘက်သို့ ရေးမြို့နယ်၊ ရန်မျိုးအောင်ရပ်ကွက်နေ ဖြိုးဝေလင်း(၄၅)နှစ် မောင်းနှင်လာသည့် MON-10/4S-XXXX MG EXTENDER မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ဖြိုးဝေလင်း အား မုပွန်နယ်မြေရဲစခန်း (ပ)၃၄/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီးအမှုဖွင့်အရေးယူထားကြောင်း သတင်းရရှိပါသည်။