စာပေအနုသုခုမလက်ရာများနှင့်သက်ဆိုင်သည့် ပစ္စည်းများလှူဒါန်းနိုင်ပါကြောင်း

စာပေအနုသုခုမလက်ရာများနှင့်သက်ဆိုင်သည့် ပစ္စည်းများလှူဒါန်းနိုင်ပါကြောင်း

ပြန်ကြားရေးဝန်ကြီးဌာန၊ ပုံနှိပ်ရေးနှင့်ထုတ်ဝေရေးဦးစီးဌာနက တာဝန်ယူဆောင်ရွက်လျက်ရှိသည့် မြန်မာနိုင်ငံ၏ တစ်ခုတည်းသော စာပေလောက၏ဂုဏ်ကို ညွှန်းဆိုနိုင်မည့် စာဆိုဗိမာန်တစ်ခု အောင်မြင်စွာပေါ်ပေါက်ဖြစ်ထွန်းလာစေရေးအတွက် စာဆိုဗိမာန် သုံးထပ်(RC) အဆောက်အအုံတည်ဆောက်လျက်ရှိရာ မကြာခင်ကာလတွင် ပြီးစီးမည်ဖြစ်သဖြင့် ယင်းအဆောက်အအုံတွင် ခေတ်ကာလအဆက်ဆက် စာဆိုတော်ကြီးတို့၏ စာပေအနုသုခုမလက်ရာများနှင့် ဒြပ်ရှိ၊ ဒြပ်မဲ့အသုံးအဆောင်ပစ္စည်းများ ခင်းကျင်းပြသနိုင်ရေး လျာထားဆောင်ရွက်လျက်ရှိပါသည်။

သို့ဖြစ်ပါ၍ မြန်မာစာပေသမိုင်းတစ်လျှောက် ခေတ်အဆက်ဆက်အသုံးပြုခဲ့သော ပေ၊ ပုရပိုက်များနှင့် ဆက်စပ်ပစ္စည်းများ၊ ထင်ရှားကျော်ကြားခဲ့သော စာဆိုတော်ကြီးများနှင့် စာရေးဆရာကြီးတို့၏ ရုပ်တု၊ ဓာတ်ပုံ၊ လက်ရေးမူ၊ အတ္ထုပ္ပတ္တိ၊ ရေးသားခဲ့ကြသည့် စာအုပ်စာစောင်များနှင့် ဆုရရှိခဲ့ကြသည့် စာအုပ်စာစောင်များ၊ ခေတ်ကာလအလိုက် ချီးမြှင့်ပေးခဲ့ကြသည့် စာပေနှင့်သက်ဆိုင်သည့် ဘွဲ့၊ ဆုတံဆိပ်များ၊ စာပေဆုပေးပွဲများ၏ သမိုင်းဝင်မှတ်တမ်းဓာတ်ပုံများ၊ စာပေဖွံ့ဖြိုးရေးဆောင်ရွက်ခဲ့မှု သမိုင်းဝင်မှတ်တမ်းဓာတ်ပုံများ မိမိတို့စုဆောင်းသိမ်းဆည်းထားသော စာပေဆိုင်ရာ အမွေအနှစ်ရှေးဟောင်းပစ္စည်းတို့ကို အောက်ဖော်ပြပါလိပ်စာများသို့ ဆက်သွယ်လှူဒါန်းနိုင်ပါသည်-

(၁) စာကြည့်တိုက်မှူး စာပေဗိမာန်ပြည်သူ့စာကြည့်တိုက် (ရန်ကုန်)အမှတ် (၅၂၉/၅၃၁)၊ ကုန်သည်လမ်းနှင့် ၃၇ လမ်းထောင့်၊ ကျောက်တံတားမြို့နယ်၊ ရန်ကုန်တိုင်းဒေသကြီး၊ ဖုန်း၊ ၀၁၈-၃၈၁၄၄၇

(၂) စာကြည့်တိုက်မှူး စာပေဗိမာန်ပြည်သူ့စာကြည့်တိုက် (မန္တလေး) အမှတ်(၁၅၉)၊ ၈၆ လမ်း၊ ၂၁ x ၂၂ လမ်းကြား၊ ပုလဲငွေရောင်ရပ်ကွက်၊ အောင်မြေသာဇံမြို့နယ်၊ မန္တလေးတိုင်းဒေသကြီး၊ ဖုန်း၊ ၀၉-၇၉၅၂၇၉၀၂၅

(၃) စာတည်း စာပေဗိမာန်ရုံးခွဲ၊ နေပြည်တော်ရုံးချုပ်ရုံးအမှတ် (၇)၊ နေပြည်တော်၊ ဖုန်း၊ ၀၆၇-၃၄၁၂၄၁၀