နိုင်ငံတစ်ခုဖွံ့ဖြိုးတိုးတက်ဖို့အတွက် လူငယ်တွေက အဓိကနေရာတစ်ခုက ပါဝင်ပါတယ်။ ဘာဖြစ်လို့လဲဆိုရင် မငြိမ်းချမ်းမှုဖြစ်စဉ်တွေမှာ လူငယ်တွေလည်း ပါဝင်နေတာဖြစ်ပါတယ်။ လူငယ်တွေဟာ နိုင်ငံအတွက် မှန်ကန်တဲ့လမ်းကြောင်းကို ရွေးချယ်တတ်ဖို့ လိုအပ်ပါတယ်။ (မအလိမ္မာစုဇော် (Naypyitaw State Polytechnic University လူငယ်ကိုယ်စားလှယ်))

နိုင်ငံတစ်ခုဖွံ့ဖြိုးတိုးတက်ဖို့အတွက် လူငယ်တွေက အဓိကနေရာတစ်ခုက ပါဝင်ပါတယ်။ ဘာဖြစ်လို့လဲဆိုရင် မငြိမ်းချမ်းမှုဖြစ်စဉ်တွေမှာ လူငယ်တွေလည်း ပါဝင်နေတာဖြစ်ပါတယ်။ လူငယ်တွေဟာ နိုင်ငံအတွက် မှန်ကန်တဲ့လမ်းကြောင်းကို ရွေးချယ်တတ်ဖို့ လိုအပ်ပါတယ်။ (မအလိမ္မာစုဇော် (Naypyitaw State Polytechnic University လူငယ်ကိုယ်စားလှယ်))

အနာဂတ်နိုင်ငံတော်ဖွံ့ဖြိုးတိုးတက်အောင် တည်ဆောက်ရာတွင် ငြိမ်းချမ်းရေးသည် မဖြစ်မနေလိုအပ်သည့်အရာဖြစ်သည်။ ငြိမ်းချမ်းရေးဖော်ဆောင်ရာတွင် နိုင်ငံ့လူဦးရေ၏ သုံးပုံတစ်ပုံကျော်၊ ခန့်မှန်းအားဖြင့် ၁၈ ဒသမ ၃ သန်းကျော်ရှိသည့် လူငယ်လူ့စွမ်းအားအရင်းအမြစ်ကို မေ့ထား၍မရပေ။ နိုင်ငံ့အနာဂတ်တာဝန်များကို ပခုံးပြောင်းတာဝန် ထမ်းဆောင်ရမည်မှာလည်း လူငယ်များပင်ဖြစ်သည်။

ထို့ကြောင့် နိုင်ငံတော်အစိုးရအနေဖြင့် ငြိမ်းချမ်းရေးအပါအဝင် နိုင်ငံတော်ဖွံ့ဖြိုးရေးဆိုင်ရာကဏ္ဍစုံတွင် လူငယ်များ၏ သဘောထား၊ ဆန္ဒများဖြင့် ပါဝင်ဆောင်ရွက်နိုင်ရေးကို အလေးထားဖော်ဆောင်လျက်ရှိသည်။ ထိုသို့ ဆောင်ရွက်ရာတွင် လူငယ်များ၏ သဘောထား၊ ဆန္ဒများစွာထင်ဟပ်စေမည့် “လူငယ်ငြိမ်းချမ်းရေးဖိုရမ် ၂၀၂၆” ကို နေပြည်တော်၌ သုံးရက်တာကျင်းပလျက်ရှိရာနိုင်ငံတစ်ဝန်းမှ ပါဝင်တက်ရောက်ကြသည့် လူငယ်တိုင်းရင်းသားညီအစ်ကို၊ မောင်နှမများ၏ ရင်တွင်းစကားသံများကို စုစည်းဖော်ပြလိုက်ပါသည်။

မောင်ဝေယံစိုး

မွန်ပြည်နယ် ကိုယ်စားပြု လူငယ်ကိုယ်စားလှယ်

ငြိမ်းချမ်းရေးနဲ့ နိုင်ငံတော်တည်ဆောက်ရေးမှာ လူငယ်တွေက အခန်းကဏ္ဍတစ်ခုကနေ ပါဝင်ဆောင်ရွက်ရင်း မတူညီတဲ့၊ ဆန့်ကျင်ဘက်ဖြစ်နေတဲ့ ကွဲပြားမှုတွေကို လျော့ကျသွားအောင် ကြိုးပမ်းပေးရမှာဖြစ်ပါတယ်၊၊ နိုင်ငံဖွံ့ဖြိုးတိုးတက်ဖို့အတွက် ငြိမ်းချမ်းရေးရမှဖြစ်မှာပါ။ ဘာဖြစ်လို့လဲဆိုတော့ ငြိမ်းချမ်းမှ ပညာရေး၊ ကျန်းမာရေး၊ စီးပွားရေးကဏ္ဍတွေ ဖွံ့ဖြိုးအောင် လုပ်ဆောင်လို့ရမှာဖြစ်ပါတယ်၊၊ ဒါကိုအားလုံးကလက်ခံကြပါတယ်။ ဒါကြောင့် ငြိမ်းချမ်းရေးအတွက် လက်တွေ့မြေပြင်မှာ လူငယ်တွေပါဝင်ရင်း ရှေ့ဆက်သွားနိုင်မယ့်ခြေလှမ်းတွေလိုနေတာပါ။ ဒီနေ့လို နိုင်ငံတော်က ငြိမ်းချမ်းရေးပွဲတွေ ဆောင်ရွက်ပေးတာဟာ ကျွန်တော်တို့ လူငယ်တွေအတွက် မျှော်လင့်ချက်တွေအများကြီးရှိလာစေပါတယ်၊၊ အခုလိုပွဲတွေစီစဉ်ကျင်းပပေးတာ အင်မတန်ကောင်းမွန်ပါတယ်၊၊ ရှေ့ဆက်သွားနိုင်မှ ငြိမ်းချမ်းရေးပန်းတိုင်ကို ရောက်မှာပါ။ ဒါကြောင့် လူငယ်တစ်ဦးအနေနဲ့ နိုင်ငံအတွက် ရှေ့ဆက်မယ့်ခြေလှမ်းတိုင်းမှာ ပါဝင်နိုင်ဖို့ ဆောင်ရွက်သွားမှာပါ။ ဖိုရမ်တက်ရောက်ပြီး ကိုယ့်ပြည်နယ်ပြန်ရောက်တဲ့အခါမှာလည်း ဆွေးနွေးပွဲကနေရရှိလာမယ့် အတွေ့အကြုံတွေ၊ အမြင်သဘောထားတွေကို ပြန်လည်ဝေမျှသွားမှာ ဖြစ်ပါတယ်၊၊

မနိုဖူးသေး

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ လေရှီးမြို့နယ် လူငယ်ကိုယ်စားလှယ်

ရန်ကုန်မှာ ကျင်းပခဲ့တဲ့ လူငယ်နဲ့ ငြိမ်းချမ်းဖိုရမ်မှာလည်း တက်ရောက်ခွင့်ရခဲ့ပြီးတော့ အခုက ဒုတိယအကြိမ် ထပ်မံပါဝင်တက်ရောက်ခွင့်ရတာဖြစ်ပါတယ်။ ဒီလိုတက်ရောက်ခွင့်ရတဲ့အတွက် အင်မတန်ပျော်ရွှင်မိပါတယ်၊၊ နိုင်ငံတော်ဖွံ့ဖြိုးတိုးတက်ရေးနဲ့ ငြိမ်းချမ်းရေးအခန်းကဏ္ဍတွေမှာ လူငယ်တွေက အရေးကြီးတဲ့အခန်းကဏ္ဍမှာ ရှိနေတယ်ဆိုတာကို နိုင်ငံတော်အကြီးအကဲတွေက ဒီလိုဖိုရမ်ကနေ လူငယ်တွေကို သိရှိစေတယ်လို့ မြင်ပါတယ်။ လူငယ်တွေအနေနဲ့လည်း နိုင်ငံတော်တိုးတက်ရေးအတွက် ပါဝင်ဆောင်ရွက်ပေးကြဖို့ ဆန္ဒရှိကြတယ်လို့ထင်ပါတယ်။ ပြီးတော့ နိုင်ငံတော်အဆင့် ကျင်းပတဲ့ပွဲတွေမှာ လူငယ်တွေအနေနဲ့ လူကြီးတွေရဲ့ လုပ်ဆောင်မှုတွေကို တွေ့မြင်ရတယ်၊ အတုယူရပါတယ်။ နိုင်ငံအတွက် တကယ်အလုပ်လုပ်ကြတဲ့အခါ လူကြီးတွေရဲ့ လမ်းပြမှုနဲ့ အတွေ့အကြုံတွေလည်းလိုပါတယ်။ ဒီလိုလမ်းပြမှုတွေနဲ့အတူ လူငယ်တွေရဲ့ အင်အားနဲ့ ရှေ့ဆက်ကြမယ်ဆိုရင် ကျွန်မတို့နိုင်ငံတိုးတက်မယ်ဆိုတာ အသေအချာပါပဲ။

မောင်မောင်လတ်

မုန်းဝန်းဗမာတိုင်းရင်းသားယဉ်ကျေးမှုအဖွဲ့ချုပ် လူငယ်ကိုယ်စားလှယ်

ငြိမ်းချမ်းရေးကနိုင်ငံအတွက် အင်မတန်အရေးကြီးပါတယ်။ ဒီလိုအရေးကြီးတဲ့ ငြိမ်းချမ်းရေးလုပ်ငန်းစဉ်မှာ လူငယ်တွေအနေနဲ့ များများပါဝင်ဆောင်ရွက်ဖို့လိုပါတယ်။ လူငယ်တစ်ဦးအနေနဲ့ ခံယူမိတာက နိုင်ငံအတွက် အားလုံးတိုးတက်စေချင်တဲ့ စေတနာရှိကြတယ်။ ဒါကြောင့် မတူတာတွေအတွက် ငြင်းခုံနေမယ့်အစား တူညီတာတွေနဲ့ ရှေ့ဆက်နိုင်ဖို့ ကြိုးစားကြရမယ်လို့ ထင်ပါတယ်။ ဒါကြောင့် လူငယ်တစ်ဦးအနေနဲ့ ကိုယ့်နိုင်ငံအတွက် အကျိုးပြုနိုင်တာတွေကို တတ်စွမ်းသမျှ ပါဝင်ကြိုးစားပေးသွားမှာပါ။ ဖိုရမ်မှာ ငြိမ်းချမ်းရေးနဲ့ ဆက်စပ်ပြီး နည်းပညာဆိုင်ရာ အကြောင်းအရာတွေကို ဆွေးနွေးကြမယ်လို့ သိရပါတယ်။ ငြိမ်းချမ်းရေးနဲ့ လူမှုပတ်ဝန်းကျင်အသိုက်အဝန်းမှာ AI နဲ့ Cyber Security နဲ့ ပတ်သက်ပြီး ပါဝင်ဆွေးနွေးသွားမှာဖြစ်တယ်။

မအလိမ္မာစုဇော်

Naypyitaw State Polytechnic University  လူငယ်ကိုယ်စားလှယ်

နိုင်ငံတော်အဆင့် ကျင်းပတဲ့ဖိုရမ်ဖြစ်တဲ့အတွက် လူငယ်တွေအတွက် ပညာတွေ၊ လေ့လာစရာတွေ များစွာရရှိစေမယ်လို့ထင်ပါတယ်။ နိုင်ငံအတွက် လက်ရှိမှာ နိုင်ငံတော်အကြီးအကဲတွေက ဘာတွေဆောင်ရွက်နေသလဲဆိုတာကို လူငယ်တွေက မျက်စိဖွင့်၊ နားစွင့်ရမယ်လို့ ထင်ပါတယ်။ ပြီးတော့ နိုင်ငံတော်အစိုးရရဲ့ ငြိမ်းချမ်းရေးနဲ့ဖွံ့ဖြိုးရေးလုပ်ငန်းစဉ်တွေမှာ လူငယ်တွေ ပိုမိုပါဝင်လာအောင် နှိုးဆော်ပေးဖို့လည်း လိုအပ်ပါတယ်။ နိုင်ငံတစ်ခုဖွံ့ဖြိုးတိုးတက်ဖို့အတွက် လူငယ်တွေက အဓိကနေရာတစ်ခုက ပါဝင်ပါတယ်။ ဘာဖြစ်လို့လဲဆိုရင် မငြိမ်းချမ်းမှုဖြစ်စဉ်တွေမှာ လူငယ်တွေလည်း ပါဝင်နေတာဖြစ်ပါတယ်။ လူငယ်တွေဟာနိုင်ငံအတွက် မှန်ကန်တဲ့လမ်းကြောင်းကို ရွေးချယ်တတ်ဖို့လိုအပ်ပါတယ်။ ဒီဖိုရမ်တွေကတစ်ဆင့် လူငယ်တွေဟာ အချင်းချင်းနားလည်မှု၊ ယုံကြည်မှုတွေဝေမျှခံစားပြီး ခံယူချက်မှန်မှန်ကန်ကန်နဲ့ နိုင်ငံ့တာဝန်တွေကို ပါဝင်ထမ်းဆောင်ပေးကြမယ်ဆိုရင် မကြာခင်မှာ ငြိမ်းချမ်းပြီး ဖွံ့ဖြိုးတိုးတက်တဲ့ နိုင်ငံတစ်နိုင်ငံဖြစ်လာမှာ သေချာပါတယ်။ လူငယ်တစ်ယောက်အနေနဲ့ အခုလို နိုင်ငံတော်အဆင့်ဖိုရမ်မှာ ပါဝင်တက်ရောက်ခွင့်ရတဲ့အတွက် နိုင်ငံအတွက် အကျိုးပြုချင်တဲ့စိတ်၊ တာဝန်ထမ်းဆောင် ချင်တဲ့စိတ်တွေခံစားဖြစ်ပေါ်ပါတယ်။ ဒါကြောင့် လူငယ်တွေအတွက် နိုင်ငံတော်အဆင့် တွေ့ဆုံဆွေးနွေးဖလှယ်မှုတွေပါဝင်တဲ့ ဒီလိုဖိုရမ်တွေကို များများကျင်းပပေးဖို့ ဆန္ဒပြုပါတယ်။

မောင်ညီလင်းထက်

သစ်တောနှင့် ပတ်ဝန်းကျင်ဆိုင်ရာတက္ကသိုလ်-နေပြည်တော် လူငယ်ကိုယ်စားလှယ်

နိုင်ငံအတွက် လူငယ်တွေဟာ အရင်းအမြစ်တစ်ခုပါ။ နိုင်ငံအတွက် အရင်းအမြစ်ဖြစ်တဲ့ လူငယ်တွေရဲ့အားနဲ့ တည်ဆောက်နိုင်ဖို့ ကြိုးစားသွားကြရမှာပါ။ ကျွန်တော်ကိုယ်တိုင် ဒီနိုင်ငံရဲ့ လူငယ်တစ်ယောက်ဖြစ်တဲ့အတွက် ငြိမ်းချမ်းရေးလုပ်ငန်းစဉ်တွေမှာ ပါဝင်သင့်တယ်လို့ခံယူပြီး ဒီဖိုရမ်ကိုတက်ရောက်တာဖြစ်ပါတယ်။ ကျွန်တော်က သစ်တောနဲ့ ပတ်ဝန်းကျင်ဆိုင်ရာတက္ကသိုလ်က ကျောင်းသားတစ်ယောက်ဖြစ်တဲ့အတွက် ဖိုရမ်မှာ သယံဇာတနဲ့ သဘာဝပတ်ဝန်းကျင်ဆိုင်ရာကိစ္စရပ်တွေကို ပါဝင်ဆွေးနွေးသွားမှာဖြစ်ပါတယ်။ ဒီလို လူငယ်တွေအတွက် နိုင်ငံတော်အဆင့် ဖိုရမ်ကျင်းပပြီး လူငယ်တွေအသံကို ဖော်ထုတ်ပေးလို့ ကျေးဇူးတင်ပါတယ်။ ပါဝင်တက်ရောက်ခွင့်ရတဲ့အတွက် ဂုဏ်ယူဝမ်းသာပါတယ်။ ဒီလိုဖိုရမ်တွေကနေတစ်ဆင့် တိုင်းဒေသကြီးနဲ့ ပြည်နယ်တွေက လူငယ်တွေစုဆုံခွင့်ရရှိပြီးတော့ အချင်းချင်းအသိပညာဗဟုသုတတွေ ဖလှယ်ခွင့်ရတယ်။ လူငယ်တွေအတွက် အဖိုးမဖြတ်နိုင်တဲ့ အတွေ့အကြုံသစ်တွေရပါတယ်။ ဒါကြောင့် လူငယ်တွေနဲ့ဆိုင်တဲ့ ဖိုရမ်တွေများများကျင်းပပေးဖို့ မျှော်လင့်ပါတယ်။

မောင်လင်းထက်

Naypyitaw State Polytechnic University လူငယ်ကိုယ်စားလှယ်

နိုင်ငံတော်ကနေ အခုလိုမျိုးလူငယ်တွေကို ဦးစားပေးပြီး ဖိုရမ်ကျင်းပပေးတဲ့အခါ နယ်မြေမတူ၊ ဒေသမတူတဲ့ တစ်နိုင်ငံလုံးက တိုင်းရင်းသားညီအစ်ကိုတွေနဲ့ တစ်စုတစ်စည်းတည်း ဆုံတွေ့ခွင့်ရတဲ့ အပေါ် အင်မတန်ဝမ်းသာမိပါတယ်၊၊ ကျွန်တော်က မြို့ပြအင်ဂျင်နီယာ ဘာသာရပ်တွေကို လက်ရှိ သင်ကြားသင်ယူနေတာဖြစ်တဲ့အတွက် ဘာသာရပ်တွေ သင်ကြားသင်ယူလို့ပြီးဆုံးတဲ့အခါ အခြေခံအဆောက်အအုံတွေကို တည်ဆောက်တဲ့ အင်ဂျင်နီယာတစ်ဦးအနေနဲ့ နိုင်ငံဖွံ့ဖြိုးရေးမှာ ပါဝင်လုပ်ဆောင်သွားချင်တယ်။ “ယနေ့လူငယ် နောင်ဝယ်လူကြီး” ဆိုတဲ့အတိုင်း အနာဂတ်နိုင်ငံကို တည်ဆောက်ကြရာမှာ လူငယ်တွေက ကဏ္ဍစုံမှာပါဝင်ကြရမှာပါ။

ဒါကြောင့် နိုင်ငံတစ်ဝန်းလုံးက လူငယ်တွေအနေနဲ့အခုကတည်းက စည်းစည်းလုံးလုံး ခင်ခင်မင်မင်ရှိနေကြဖို့ အရေးကြီးပါတယ်၊၊ လူငယ်တွေကို ဦးစားပေးပြီး လူငယ်နဲ့ ငြိမ်းချမ်းရေးဖိုရမ်ကို နိုင်ငံတော်က ခမ်းခမ်းနားနား ကျင်းပပေးတယ်။ ကျွန်တော်တို့ လူငယ်တွေရဲ့ အသိအမြင်တွေကို ထုတ်ဖော်ခွင့်ပေးတယ်။ ဒီကနေကျွန်တော်တို့ လူငယ်တိုင်းရင်းသားညီအစ်ကိုမောင်နှမအချင်းချင်း ရင်းရင်းနှီးနှီးတွေ့ဆုံဆွေးနွေးပြီး နိုင်ငံတော်တည်ဆောက်ရေးအတွက် အင်နဲ့အားနဲ့ ဆောင်ရွက်ခွင့်ရရှိမယ်လို့ ထင်မြင်မိပါတယ်၊၊

ဗိုလ်မှူးကြီး ဝဏ္ဏအောင်

အဖွဲ့ဝင်၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီ

လူငယ်ငြိမ်းချမ်းရေးဖိုရမ်ဆွေးနွေးပွဲမှာ သီးခြားရွေးချယ်ထားတဲ့ ဝန်ကြီးဌာနတွေက ကိုယ်စားလှယ်တွေနဲ့ နယ်ပယ်အသီးသီးက ကျွမ်းကျင်ပညာရှင်တွေ၊ တိုင်းဒေသကြီးနဲ့ ပြည်နယ်တွေက အလွှာအသီးသီးက လူငယ်ကိုယ်စားလှယ်တွေ၊ လူထုအခြေပြုအဖွဲ့အစည်းတွေက စေတနာ့ဝန်ထမ်းလူငယ်တွေ၊ ပရဟိတအသင်းအဖွဲ့တွေနဲ့ NGO လူငယ်ကွန်ရက်အဖွဲ့တွေက လူငယ်တွေ၊ တိုင်းရင်းသားယဉ်ကျေးမှုနဲ့ ဘာသာရေးဆိုင်ရာ ယုံကြည်ကိုးကွယ်မှုအမျိုးမျိုးက လူငယ်ကိုယ်စားလှယ်တွေ၊ NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့အစည်းတွေက လူငယ်ကိုယ်စားလှယ်တွေ၊ JMC က လူငယ်ကိုယ်စားလှယ်တွေ၊ နယ်စပ်ဒေသတွေက တိုင်းရင်းသားလူငယ်တွေနဲ့ စာပေနဲ့ဂီတအနုပညာရှင် လူငယ်ကိုယ်စားလှယ်တွေ တက်ရောက်ကြပါတယ်။

ဖိုရမ်မှာ လူငယ်တွေက “ငြိမ်းချမ်းရေးအသိပညာများ၊ အတွေ့အကြုံများ လက်ဆင့်ကမ်းခြင်း”၊ “လက်နက်ကိုင်ပဋိပက္ခရပ်တန့်ရေး၊ ပြန်လည်ထူထောင်ရေးနဲ့ တည်ဆောက်ရေး”၊ “လူမှုရေး၊ ပညာရေး၊ ယဉ်ကျေးမှုဆိုင်ရာမြှင့်တင်ခြင်းနဲ့ အားကစားအစီအစဉ်များ”၊ “စီးပွားရေး၊ အလုပ်အကိုင်အခွင့်အလမ်းများနဲ့ နည်းပညာအခြေပြုစီးပွားရေးဆိုင်ရာများ”၊ “မူးယစ်ဆေးဝါးတိုက်ဖျက်ရေး” ၊ “လူငယ်နဲ့ နည်းပညာသက်ရောက်မှုများ” စတာတွေကို ဆွေးနွေးကြမယ်။ ဆွေးနွေးပွဲတွေအပြင် လျှပ်တစ်ပြက်ပြိုင်ပွဲတွေနဲ့ ဆုချီးမြှင့်ခြင်းတွေ၊ လူငယ်ထုအတွက် လျှပ်တစ်ပြက်စစ်တမ်း၊ ဆန္ဒကောက်ယူခြင်းတွေ ဒါတွေကိုလည်း ဆောင်ရွက်သွားကြမှာဖြစ်ပါတယ်။

ဖိုရမ်ကနေ လူငယ်တွေရဲ့ အမြင်သဘောထား၊ အကြံပြုချက်တွေ၊ ဘက်ပေါင်းစုံက ချဉ်းကပ်နိုင်မယ့်အခြေအနေတွေကို သိရှိပြီး လူငယ်တွေရဲ့ စိတ်ဓာတ်နဲ့စွမ်းအားတွေကို အကောင်းဆုံးသောပုံစံတွေနဲ့ နိုင်ငံရဲ့ငြိမ်းချမ်းရေးတည်ဆောက်မှုလုပ်ငန်းစဉ်တွေမှာ ပေါင်းစပ်ထည့်သွင်းသွားနိုင်မယ်လို့ ယုံကြည်ပါတယ်။

တွေ့ဆုံမေးမြန်း - မျိုးဆက်သစ်

ဓာတ်ပုံ - အောင်ပြည့်စုံ