ပြည်ထောင်စုဝန်ကြီး ဒေါက်တာသက်ခိုင်ဝင်း နေပြည်တော်ကလေးရောဂါအထူးကုဆေးရုံကြီးနှင့် သားဖွားမီးယပ်အထူးကုဆေးရုံကြီးများ ကုသရေးလုပ်ငန်းများဆောင်ရွက်မှု လှည့်လည်ကြည့်ရှု

ပြည်ထောင်စုဝန်ကြီး ဒေါက်တာသက်ခိုင်ဝင်း နေပြည်တော်ကလေးရောဂါအထူးကုဆေးရုံကြီးနှင့် သားဖွားမီးယပ်အထူးကုဆေးရုံကြီးများ ကုသရေးလုပ်ငန်းများဆောင်ရွက်မှု လှည့်လည်ကြည့်ရှု

နေပြည်တော် အောက်တိုဘာ  ၃၁ 

ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းသည် ယနေ့ညနေပိုင်းတွင် မန္တလေးငလျင်ကြီးကြောင့် ဆေးရုံအဆောက်အအုံများ ထိခိုက်ပျက်စီးမှုရှိသဖြင့် ယာယီပြောင်းရွှေ့ ဖွင့်လှစ်ခဲ့ရသော ကလေးရောဂါအထူးကုဆေးရုံကြီး-နေပြည်တော်နှင့်သားဖွားမီးယပ်ရောဂါအထူးကုဆေးရုံကြီး-နေပြည်တော်တို့ မူလဆေးရုံနေရာများ၌ ပြန်လည်ပြောင်းရွှေ့ဖွင့်လှစ်ကာကုသရေးလုပ်ငန်း များ   ဆောင်ရွက်နေမှုအခြေအနေကို လှည့်လည်ကြည့်ရှုသည်။

အားပေးစကားပြောကြား

ဦးစွာ ပြည်ထောင်စုဝန်ကြီးနှင့်အဖွဲ့သည် ကလေးရောဂါအထူးကုဆေးရုံကြီး-နေပြည်တော်သို့ရောက်ရှိပြီး ဆေးကုသဆောင် (၁)၊ ဆေးကုသဆောင် (၂)နှင့် မွေးကင်းစကလေးကုသဆောင်တို့တွင် ကုသရေးလုပ်ငန်းများဆောင်ရွက်နေမှုကိုကြည့်ရှုပြီး ဆေးရုံတက်ရောက်နေသည့် လူနာများနှင့်မိသားစုဝင်များ၊ အထူးကုဆရာဝန်ကြီးများ၊ သူနာပြုများ၊ ကျန်းမာရေးဝန်ထမ်းများကို  တွေ့ဆုံ၍အားပေးစကားပြောကြားပြီး လူနာများဘေးကင်းလုံခြုံရေး အလေးထားရန်၊ ပြင်ဆင်ရန်ကျန်ရှိသော၊ ပြင်ဆင်ရာတွင် အရည်အသွေးကောင်းမွန်သော အဆောက်အအုံများဖြစ်ပြီး လူနာများနှင့်ကျန်းမာရေးဝန်ထမ်းများ စိတ်အေးချမ်းစွာကုသမှုဆောင်ရွက်နိုင်ရေးအလေးထားရန် မှာကြားသည်။

ဆက်လက်၍ ပြည်ထောင်စုဝန်ကြီးနှင့်အဖွဲ့သည် သားဖွားမီးယပ်ရောဂါအထူးကုဆေးရုံကြီး-နေပြည်တော်သို့ ရောက်ရှိပြီး ပြင်ပလူနာဌာန၊ သားဖွားဆောင်၊ မီးယပ်ဆောင်၊ ခွဲစိတ်ခန်းများနှင့်မွေးကင်းစ ကလေးကုသဆောင်တို့တွင် လူနာများလက်ခံကုသမှုအခြေအနေ၊  ခွဲစိတ်ကုသမှုများဆောင်ရွက်မှုအခြေ အနေနှင့်မွေးကင်းစကလေးများ အထူးကြပ်မတ်ကုသမှုအခြေအနေများ ကြည့်ရှု၍လူနာများ၊ လူနာ မိသားစုများ၊ အထူးကုဆရာဝန်ကြီးများ၊ သူနာပြုများနှင့်ကျန်းမာရေးဝန်ထမ်းများအား တွေ့ဆုံအားပေး စကားပြောကြားခဲ့ကာ ကျန်ရှိသောပျက်စီးအဆောက်အအုံများအားပြင်ဆင်မှု အမြန်ပြီးစီးရေး၊ ပြင်ဆင် သည့်အဆောက်အအုံများ အရည်အသွေးကောင်းမွန်စေရေးနှင့် ကုသရေးလုပ်ငန်းများနှင့်ပတ်သက်၍ လိုအပ်သည်များ မှာကြားခဲ့ကြောင်းသိရသည်။

သတင်းစဉ်