မကွေးတိုင်းဒေသကြီး၊ ရေစကြိုမြို့နယ်၌ PDF အမည်ခံ အကြမ်းဖက်သမားများက အမျိုးသား တစ်ဦးအား သေနတ်၊ ဓားများဖြင့် ပစ်ခတ်ထိုးခုတ်သတ်ဖြတ်၍ အမျိုးသမီး တစ်ဦးနှင့် ကလေးငယ် တစ်ဦးတို့အား အကြမ်းဖက်ဖမ်းဆီးခေါ်ဆောင်

မကွေးတိုင်းဒေသကြီး၊ ရေစကြိုမြို့နယ်၌ PDF အမည်ခံ အကြမ်းဖက်သမားများက အမျိုးသား တစ်ဦးအား သေနတ်၊ ဓားများဖြင့် ပစ်ခတ်ထိုးခုတ်သတ်ဖြတ်၍ အမျိုးသမီး တစ်ဦးနှင့် ကလေးငယ် တစ်ဦးတို့အား အကြမ်းဖက်ဖမ်းဆီးခေါ်ဆောင်

     အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့ စည်း၍ အချို့သော ဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများ၊ အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။

     ထိုသို့လုပ်ဆောင်လျက်ရှိရာ ၂၀၂၆ ခုနှစ်၊ ဇန်နဝါရီ ၂၅ ရက် နံနက် ၇ နာရီ ၃၀ မိနစ်တွင် မကွေးတိုင်းဒေသကြီး၊ ရေစကြိုမြို့နယ်၊ အမှတ်(၈)ရပ်ကွက်နေ ကိုဟန်ဝင်းရွှေ(၂၅)နှစ်သည် ဇနီးဖြစ်သူ မခိုင်ဖြိုးဝေ(၂၄)နှစ်၊ သမီးဖြစ်သူ မသင်းမြတ်ခိုင်(၁)လ တို့နှင့်အတူ ပေကုန်းကျေးရွာမှ အမှတ်(၈)ရပ်ကွက်ရှိ ၎င်းတို့၏နေအိမ်သို့ ဘက်ထ ရီစက်ဘီးဖြင့် ရေစကြို-ပခုက္ကူသွား ကားလမ်းအတိုင်း ပြန်လာစဉ် အမှတ်(၇)ရပ်ကွက်ရှိ ဘက်စုံစိုက်ပျိုးရေးပန်းခြံအနီးအရောက်၌ PDF အမည်ခံ အကြမ်းဖက်သ မားများ(စိစစ်ဆဲ)က တားဆီးကာ ကိုဟန်ဝင်းရွှေအား သေနတ်၊ ဓားများဖြင့် ပစ်ခတ်ထိုးခုတ်သတ်ဖြတ်၍ မခိုင်ဖြိုးဝေနှင့် မသင်းမြတ်ခိုင်တို့အား အကြမ်းဖက်ဖမ်းဆီးခေါ်ဆောင်သွားခဲ့သဖြင့် ကိုဟန်ဝင်းရွှေတွင် ကျည်ထိမှန်ဒဏ်ရာ၊ ဓားဒဏ်ရာများရရှိကာ သေဆုံးသွားခဲ့ကြောင်း သိရသည်။

     အထက်ပါဖြစ်စဉ်တွင် PDF အမည်ခံ အကြမ်းဖက်သမားများသည် ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူများအား ဆင်ခြင်တုံတရားကင်းမဲ့စွာ သေနတ်၊ ဓားများဖြင့် ပစ်ခတ်ထိုးခုတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိပြီး လုံခြုံ ရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ PDF အမည်ခံ အကြမ်းဖက်သမားများအား အမြန်ဆုံးဖမ်းဆီးဖော်ထုတ်ရမိရေးနှင့် ဖမ်းဆီးခံ ထားရသူများအား ပြန်လည်ကယ်တင်နိုင်ရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။