မကွေးတိုင်းဒေသကြီး၊ အောင်လံမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး နှစ်ဦး သေဆုံးကာ အမျိုးသား တစ်ဦးနှင့် ကလေး တစ်ဦး ထိခိုက်ဒဏ်ရာရရှိ

မကွေးတိုင်းဒေသကြီး၊ အောင်လံမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး နှစ်ဦး သေဆုံးကာ အမျိုးသား တစ်ဦးနှင့် ကလေး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဖေဖော်ဝါရီ ၃ ရက်က မကွေးတိုင်းဒေသကြီး၊ အောင်လံမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး နှစ်ဦး သေဆုံးကာ အမျိုးသား တစ်ဦးနှင့် က လေး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၃ ရက် ညနေ ၄ နာရီ ၃၀ မိနစ်တွင် မကွေးတိုင်းဒေသကြီး၊ အောင်လံမြို့နယ်၊ ကွမ်းလောင်းကျေးရွာလမ်းနှင့် ငါ့ပြင်းကျေးရွာလမ်းကြား အောင် လံ-ပြည်လမ်း၌ ယာဉ်တိုက်မှုဖြစ်ပွားကြောင်း သတင်းအရ ဒုရင်္ဂဗိုလ်နယ်မြေရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ အောင်လံမြို့မှ ပြည်မြို့ဘက်သို့ အောင်လံမြို့နယ်၊ မိုးကောင်းကျေးရွာနေ ဦးညီသိန်း (၄၃)နှစ် မောင်းနှင်ပြီး တစ်ရွာတည်းနေ ဒေါ်ယဉ်မေ(၅၆)နှစ်၊ ဒေါ်ခင်သီတာမိုးအောင်(၃၈)နှစ်နှင့် မောင်ခေတ်ဘုန်းခ (၅)နှစ်တို့ သုံးဦး လိုက်ပါလာသော အိုးဝေ သုံးဘီးဆိုင်ကယ်သည် အခင်းဖြစ်နေရာ အရောက်၌ အရှိန်မထိန်းနိုင်ဘဲ တိမ်းမှောက်ခဲ့သဖြင့် ဒေါ်ယဉ်မေနှင့် ဒေါ်ခင်သီတာမိုးအောင်တို့တွင် ထိခိုက်ဒဏ်ရာများရရှိကာ သေဆုံးသွားခဲ့ပြီး ဦးညီသိန်းနှင့် မောင်ခေတ်ဘုန်းခတို့တွင် ထိခိုက် ဒဏ်ရာများ အသီးသီးရရှိခဲ့သောကြောင့် ညီသိန်း အား ဒုရင်္ဂဗိုလ်နယ်မြေရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၃၀၄-က/၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။