မန္တလေးတိုင်းဒေသကြီး၊ မြစ်သားမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

မန္တလေးတိုင်းဒေသကြီး၊ မြစ်သားမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ မေ ၂၄ ရက်က မန္တလေးတိုင်းဒေသကြီး၊ မြစ်သားမြို့နယ်တွင် ယာဉ်တိုက်မှု ဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။
    ဖြစ်စဉ်မှာ မေ ၂၄ ရက် ည ၁၁ နာရီ ၅၀ မိနစ်တွင် မန္တလေးတိုင်းဒေသကြီး၊ မြစ်သားမြို့နယ်၊ ရန်ကုန်-မန္တလေးကားလမ်း မိုင်တိုင်အမှတ် ၃၅၉ မိုင် ၆ ဖာလုံနှင့် ၇ ဖာလုံကြားရှိ “ရွှေအုန်းပင်” ထမင်းဆိုင်ရှေ့၌ ယာဉ်တိုက်မှုဖြစ်ပွားကြောင်း သတင်းအရ မြစ်သားမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါလမ်းအတိုင်း မန္တလေးမြို့မှ ရန်ကုန်မြို့ဘက်သို့ ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်နေ ဦးလင်းဇော်ဖြိုး(၄၀)နှစ် မောင်းနှင်လာသော MDY-18/8F-XXXX FORLAND မော်တော်ယာဉ်သည် ထမင်းဆိုင်ရှေ့တွင် ရပ်တန့်ထားသည့် စစ်ကိုင်းတိုင်းဒေသကြီး၊ ဒီပဲယင်းမြို့နယ်နေ ဦးဘိုဘိုနိုင်(၃၀)နှစ်၏ SGG-28/1N-XXXX SCANIA R CR19 ၂၂ ဘီး တွဲမော်တော်ယာဉ်နောက်ပိုင်းအား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ဦးလင်းဇော်ဖြိုးတွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သောကြောင့် လင်းဇော်ဖြိုး အား မြစ်သားမြို့မရဲစခန်း ယာဉ်(ပ)၃/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။