မန္တလေးတိုင်းဒေသကြီး၊ အမရပူရမြို့နယ်၌ ဆိုင်ကယ်နှင့် လက်ကိုင်ဖုန်း ခိုးယူသူ မသင်္ကာဖွယ် အမျိုးသား တစ်ဦးအား ဖမ်းဆီးအရေးယူ

မန္တလေးတိုင်းဒေသကြီး၊ အမရပူရမြို့နယ်၌ ဆိုင်ကယ်နှင့် လက်ကိုင်ဖုန်း ခိုးယူသူ မသင်္ကာဖွယ် အမျိုးသား တစ်ဦးအား ဖမ်းဆီးအရေးယူ

     ၂၀၂၅ ခုနှစ်၊ ဖေဖော်ဝါရီ ၁၃ ရက်က မန္တလေးတိုင်းဒေသကြီး၊ အမရပူရမြို့နယ်၌ ဆိုင်ကယ်နှင့် လက်ကိုင်ဖုန်းခိုးယူသူ မသင်္ကာဖွယ် အမျိုးသား တစ်ဦးအား ဖမ်းဆီးအရေးယူထားကြောင်း သိရသည်။
     ဖြစ်စဉ်မှာ ၂၀၂၅ ခုနှစ်၊ ဖေဖော်ဝါရီ ၁၃ ရက် နံနက် ၈ နာရီ ၃၀ မိနစ်က မန္တလေးတိုင်းဒေသကြီး ရဲတပ်ဖွဲ့မှူးရုံးမှ တပ်ဖွဲ့ဝင်များက နယ်မြေအတွင်းလှည့်ကင်းဆောင်ရွက်နေစဉ် အမရပူရမြို့နယ်၊ စွယ်တော်ကားကွင်းအနီး ၁၄၆ လမ်း၊ ၆၇ လမ်းပေါ်တွင် ပြည်ကြီးတံခွန်မြို့နယ်၊ တံခွန်တိုင်ရပ်ကွက်နေ ရွှေဘုန်းညီ(ခ)ဘုန်းဘုန်း(၂၃)နှစ်အား CANDA WAVE 110 ဆိုင်ကယ်နှင့်အတူ မသင်္ကာဖွယ်တွေ့ရှိသဖြင့် ရပ်တန့်စစ်ဆေးခဲ့ရာ ၎င်းထံမှ Redmi လက်ကိုင်ဖုန်း တစ်လုံးအား တွေ့ရှိပြီး အဆိုပါဆိုင်ကယ်နှင့် လက်ကိုင်ဖုန်းတို့အား ပိုင်ဆိုင်ကြောင်း အထောက်အထားတစ်စုံတစ်ရာ ပြသနိုင်ခြင်းမရှိဘဲ ပြည်ကြီးတံခွန်မြို့နယ်၊ တံခွန်တိုင်ရပ်ကွက်ရှိ နေအိမ် တစ်အိမ်အတွင်းမှ ခိုးယူလာခဲ့ခြင်းဖြစ်ကြောင်း စစ်ဆေးသိရှိရသဖြင့် ရွှေဘုန်းညီ(ခ)ဘုန်းဘုန်းအား ပြည်ကြီးတံခွန်မြို့မရဲစခန်း၌ ဥပဒေနှင့်အညီ အမှုဖွင့်အရေးယူထားကြောင်း သတင်းရရှိသည်။