ရှမ်းပြည်နယ်၊ ကလောမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦးသေဆုံးကာ တစ်ဦး ဒဏ်ရာရရှိ

ရှမ်းပြည်နယ်၊ ကလောမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦးသေဆုံးကာ တစ်ဦး ဒဏ်ရာရရှိ

     ရှမ်းပြည်နယ်၊ ကလောမြို့နယ်၌ ၂၀၂၅ ခုနှစ်၊ နိုဝင်ဘာ ၂၈ ရက်က ယာဉ်တိုက်မှု ဖြစ်ပွား၍ အမျိုးသားသုံးဦးသေဆုံးကာ တစ်ဦး ဒဏ်ရာရှိခဲ့ကြောင်း သိရသည်။

     ဖြစ်စဉ်မှာ နိုဝင်ဘာ ၂၈ ရက် ည ၈ နာရီတွင် အောင်ပန်းမြို့၊ မင်္ဂလာရပ်ကွက် အောင်ပန်း-ဟဲဟိုးကားလမ်း မိုင်တိုင်အမှတ် ၇၉ မိုင် ၅ ဖာလုံနှင့် ၆ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁၀၇) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အောင်ပန်းမြို့၊ ရွာမကျေးရွာနေ ဦးအောင်နိုင်ဦး(၃၅)နှစ်မောင်းနှင်ပြီး တစ်ရွာတည်း နေကြသူများ ဖြစ်ကြသည့် ဦးရွှေအိုး(၃၅)နှစ်၊ ဦးလှဆောင်(၅၀)နှစ်နှင့် ဦးရွှေစိုး(၄၀)နှစ်တို့ လိုက်ပါလာသည့် SHN-38 5J-XXXX TOYOTA MARK X မော်တော်ယာဉ်သည် ဟဲဟိုးမြို့ဘက်မှ အောင်ပန်းမြို့ဘက်သို့ မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်း၏ယာဘက်ဘေးရှိအုတ်ခုံအား ဝင်ရောက်တိုက်မိပြီး အဆိုပါနေရာအနီး ရပ်တန့်ထားသည့် MDY 6R-XXXX DONGFENG ၆ ဘီး ယာဉ်အား ထပ်မံဝင်ရောက်တိုက်မိခဲ့သဖြင့် ဦးအောင်နိုင်ဦး၊ ဦးရွှေအိုးနှင့် ဦးလှဆောင်တို့တွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး ဦးရွှေစိုးတွင် ဒဏ်ရာများရရှိခဲ့သောကြောင့် အောင်နိုင်ဦးအား အောင်ပန်းနယ်မြေရဲစခန်း ယာဉ်(ပ)၁၇/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့် အမှုဖွင့် အရေးယူထားကြောင်း သတင်းရရှိသည်။