ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ သံဖြူဇရပ်မြို့နယ်တို့၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ သံဖြူဇရပ်မြို့နယ်တို့၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

     ၂၀၂၆ ခုနှစ်၊ ဇန်နဝါရီ ၂ ရက်က ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ သံဖြူဇရပ်မြို့နယ်တို့၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူ များအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဖေဖော်ဝါရီ ၂ ရက် မွန်းလွဲ ၂ နာရီ ၅၀ မိနစ်တွင် ရှမ်းပြည်နယ်၊ ညောင်ရွှေမြို့မ ရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က ညောင်ရွှေမြို့နယ်၊ သာ ယာကုန်းကျေးရွာ၊ ညောင်ရွှေ-အေးသာယာလမ်းပေါ်၌ ယာဉ်စစ်ဆေးခြင်းများ ဆောင်ရွက်နေစဉ် အေးသာယာမြို့မှ ညောင်ရွှေမြို့ဘက်သို့ ချစ်ကိုကို(ခ)ချစ်ကို(၂၆) နှစ် မောင်းနှင်လာသည့် 49W-XXXX CIRCULAR CLICK 125 မော်တော်ဆိုင်ကယ်အား ရပ်တန့်စစ်ဆေးခဲ့ရာ အဆိုပါမော်တော်ဆိုင်ကယ်နှင့် ပတ်သက်သည့် အထောက် အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ဆိုင်ကယ် ဖြစ်ကြောင်း စစ်ဆေးတွေ့ရှိရသဖြင့် ချစ်ကိုကို(ခ)ချစ်ကို အား ညောင်ရွှေမြို့မရဲစခန်း (ပ)၁၂/ ၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ မွန်းလွဲ ၃ နာရီ ၃၀ မိနစ်တွင် မွန်ပြည်နယ်၊ သံဖြူဇရပ်မြို့မရဲစခန်းမှ တပ်ဖွဲ့ဝင် များက နယ်မြေလှည့်ကင်း ဆောင်ရွက်နေစဉ် သံဖြူဇရပ်မြို့နယ်၊ အစင်ကျေးရွာနေ သန့်ဇင်အောင် (ခ)အောင်ကြီး(၄၁)နှစ် မောင်းနှင်လာသည့် HONDA WAVE 125 မော်တော်ဆိုင်ကယ်နှင့် ရေးမြို့နယ်၊ အောင်မေတ္တာရပ်ကွက်၊ ဒုံဝန်းလမ်းနေ ပြည့်စုံ(၂၇)နှစ် မောင်းနှင်လာသည့် HONDA CLICK 160 မော်တော်ဆိုင်ကယ်တို့အား ရပ်တန့်စစ်ဆေးခဲ့ရာ အဆိုပါမော်တော်ဆိုင်ကယ်များနှင့်ပတ်သက်သည့် အ ထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ဆိုင်ကယ်များဖြစ်ကြောင်း စစ်ဆေးတွေ့ရှိရသဖြင့် သန့်ဇင်အောင်(ခ)အောင်ကြီး အား သံဖြူဇ ရပ်မြို့မရဲစခန်း (ပ)၁၈/၂၀၂၆ ဖြင့် လည်းကောင်း၊ ပြည့်စုံ အား သံဖြူဇရပ်မြို့မရဲစခန်း (ပ)၁၉/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီးအမှုဖွင့်အရေးယူထားကြောင်း သတင်းရရှိပါသည်။