ဧရာဝတီတိုင်းဒေသကြီးဝန်ကြီးချုပ် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ဒုတိယနေ့နှင့် တတိယနေ့ပြိုင်ပွဲများအားကြည့်ရှုအားပေး

ဧရာဝတီတိုင်းဒေသကြီးဝန်ကြီးချုပ် (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ဒုတိယနေ့နှင့် တတိယနေ့ပြိုင်ပွဲများအားကြည့်ရှုအားပေး

ပုသိမ်      စက်တင်ဘာ         ၅ 

ဧရာဝတီတိုင်းဒေသကြီး၊ (၂၅)ကြိမ်မြောက်ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲအား ပုသိမ်မြို့၊ မြို့တော်ခန်းမ၌ ဆက်လက်ကျင်းပလျက်ရှိရာ တိုင်းဒေသကြီးဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ  ဒုတိယနေ့နှင့် တတိယနေ့ ပြိုင်ပွဲများအား သွားရောက်ကြည့်ရှုအားပေးခဲ့သည်။

ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ဧရာဝတီတိုင်းဒေသကြီး၊ (၂၅) ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲဒုတိယနေ့ ညနေပိုင်းပွဲစဉ်များဖြစ်သည့် ဝါသနာရှင်ပထမတန်း(အမျိုးသား) တယေါ၊ ဝါသနာရှင်ပထမတန်း (အမျိုးသား)(အမျိုးသမီး) မယ်ဒလင်၊ ဝါသနာရှင်ပထမတန်း (အမျိုးသမီး) ဒုံမင်း၊ ဝါသနာရှင် ပထတန်း(အမျိုးသား)ပလွေ၊ ဝါသနာရှင်ပထမတန်း(အမျိုးသား)(အမျိုးသမီး) ဆိုင်းတစ်ဦးချင်း၊ ဝါသနာရှင်ပထမတန်း(အမျိုးသား) ဆိုင်းဝိုင်းကြီးအဖွဲ့လိုက်ပြိုင်ပွဲများကို ကြည့်ရှုအားပေးခဲ့သည်။

ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် (၂၅) ကြိမ်မြောက်ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲ တတိယနေ့ပွဲစဉ်များဖြစ်သည့် ဝါသနာရှင် ဒုတိယတန်း (အမျိုးသား/အမျိုးသမီး)စောင်း၊ ဝါသနာရှင်ဒုတိယတန်း(အမျိုးသား) စန္ဒယား၊ (ဝါသနာရှင် ဒုတိယတန်း)(အမျိုးသား) မယ်ဒလင်၊ (ဝါသနာရှင် ဒုတိယတန်း)(အမျိုးသား) ဒုံမင်း၊ (ဝါသနာရှင် ဒုတိယတန်း)(အမျိုးသား) နှဲ၊ (ဝါသနာရှင် ဒုတိယတန်း)(အမျိုးသား) ပလွေ၊ (အဆင့်မြင့်ပညာ)(အမျိုးသား/အမျိုးသမီး) စောင်း၊ (အဆင့်မြင့်ပညာ)(အမျိုးသား/အမျိုးသမီး) စန္ဒယား၊ (အဆင့်မြင့်ပညာ)(အမျိုးသား/အမျိုးသမီး) ပတ္တလား၊ (အဆင့်မြင့်ပညာ)(အမျိုးသား/အမျိုးသမီး) တယောတို့၏ ယှဉ်ပြိုင်နေမှုများကိုကြည့်ရှုအားပေးခဲ့ ကြောင်းသိရသည်။