ဧရာဝတီတိုင်းဒေသကြီးဝန်ကြီးချုပ်နှစ်(၈၀)ပြည့်တပ်မတော်နေ့ကို ကြိုဆိုဂုဏ်ပြုသောအားဖြင့်ဖွင့်လှစ်သည့် ပန်းတနော်မြို့နယ်၊ အိုးဘို-ချောင်းကလေးလမ်းပေါ်ရှိ ကျုံပတောချောင်းကူးတံတား ဖွင့်ပွဲအခမ်းအနားတက်ရောက် 

ဧရာဝတီတိုင်းဒေသကြီးဝန်ကြီးချုပ်နှစ်(၈၀)ပြည့်တပ်မတော်နေ့ကို ကြိုဆိုဂုဏ်ပြုသောအားဖြင့်ဖွင့်လှစ်သည့် ပန်းတနော်မြို့နယ်၊ အိုးဘို-ချောင်းကလေးလမ်းပေါ်ရှိ ကျုံပတောချောင်းကူးတံတား ဖွင့်ပွဲအခမ်းအနားတက်ရောက် 

ပုသိမ်      မတ်      ၂၄

နှစ်(၈၀)ပြည့်တပ်မတော်နေ့ကို ကြိုဆိုဂုဏ်ပြုသောအားဖြင့် မအူပင်ခရိုင်၊ ပန်းတနော် မြို့နယ်၊ အိုးဘို- ချောင်းကလေးလမ်းပေါ်ရှိ ကျုံပတောချောင်းကူးတံတားဖွင့်ပွဲ အခမ်းအနားကို ယမန်နေ့ညနေပိုင်းက အဆိုပါတံတားတွင် ကျင်းပခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ တက်ရောက်၍ ဖွင့်လှစ်ပေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် တာဝန်ရှိသူများနှင့်အတူ ပန်းတနော်မြို့နယ်၊ အိုးဘို-ချောင်းကလေးလမ်းပေါ်ရှိ ကျုံပတောချောင်းကူးတံတားအား ဖဲကြိုးဖြတ်ဖွင့်လှစ်ပေးပြီး ကျုံပတောချောင်းကူးတံတား မင်္ဂလာမော်ကွန်းတင်ကမ္ဗည်းကျောက်စာတိုင်အား အမွှေးနံ့သာ ရည်ဖြင့် ပက်ဖျန်းပေးခဲ့သည်။ ယင်းနောက် တိုင်းဒေသကြီးဝန်ကြီးချုပ်နှင့် တာဝန်ရှိသူများအား တိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာန၊ ညွှန်ကြားရေးမှူးက တံတားသစ်ဖွင့်ပွဲ အထိမ်းအမှတ် ပစ္စည်းများ ပေးအပ်ခဲ့ပြီးနောက် စုပေါင်းမှတ်တမ်းတင် ဓာတ်ပုံများရိုက်ကူးကာ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ကွန်ကရစ်တံတားသစ်အား လှည့်လည် ကြည့်ရှု စစ်ဆေးခဲ့ပြီး ဖျော်ဖြေရေးအဖွဲ့များအား ဂုဏ်ပြုဆုငွေများချီးမြှင့်ခဲ့သည်။ အဆိုပါတံတားသည် ၂၀၂၄- ၂၀၂၅ ဘဏ္ဍာရေးနှစ်တွင် ပန်းတနော်မြို့နယ် ကျေးလက် လမ်းဖွံ့ဖြိုးရေးဦးစီးဌာနမှ တိုင်းဒေသကြီးငွေလုံးငွေရင်း ရန်ပုံငွေဖြင့် ဆောင်ရွက်သော တံတား ဖြစ်ပြီး တံတားအရှည် ၁၈၀ ပေနှင့် အကျယ် ၂၀ ပေရှိကြောင်းသိရှိရကာ ကျုံပတောတံတား တည်ဆောက်ဖွင့်လှစ် ပေးနိုင်ခဲ့ခြင်းအားဖြင့် ပန်းတနော်မြို့နယ်အတွင်းရှိ ကျေးရွာ (၁၆) ရွာမှ စိုက်ပျိုးထွက်ကုန်များအား မြို့ပေါ်ဈေးကွက်သို့ အချိန်တိုအတွင်း ကုန်ကျစရိတ်သက်သာစွာဖြင့် ပို့ဆောင်နိုင်မည်ဖြစ်ကြောင်းသိရသည်။