မန္တလေးမြို့တော်စည်ပင်သာယာရေးကော်မတီမှ ပန်းဥယျာဉ်နှင့်ကစားကွင်းများဌာန၏ဝန်ဆောင်မှုလုပ်ငန်းများ
မန္တလေးမြို့တော်စည်ပင်သာယာရေးကော်မတီမှ ပန်းဥယျာဉ်နှင့်ကစားကွင်းများဌာန၏ဝန်ဆောင်မှုလုပ်ငန်းများ
ကော်မရှင်နှင့်ကော်မတီများ / February 04, 2021
ဌာနမှဆောင်ရွက်ပေးလျက်ရှိသည့် ဝန်ဆောင်မှုများ
ပန်းဥယျာဉ်နှင့်ကစားကွင်းများဌာနအနေဖြင့် အောက်ပါဝန်ဆောင်မှုများကို ဆောင်ရွက်ပေး လျက်ရှိပါသည် -
- သစ်ပင်/သစ်ကိုင်းများ ခုတ်ခွင့်လျှောက်ထားခြင်း
- ပျိုးပင်လိုင်စင်သစ်လျှောက်ထားခြင်း
ဝန်ဆောင်မှုများရယူရာတွင် ဆောင်ရွက်ရမည့်လုပ်ငန်းစဉ်များနှင့် ပါဝင်ရမည့်အချက်အလက် များမှာ အောက်ပါအတိုင်းဖြစ်ပါသည် -
- သစ်ပင်/သစ်ကိုင်း ခုတ်ခွင့်လျှောက်ထားခြင်း ဝန်ဆောင်မှုလျှောက်ထားရာတွင် ဆောင်ရွက်ရမည့် လုပ်ငန်းစဉ်များ
- ပူးတွဲတင်ပြရမည့်စာရွက်စာတမ်းများ၊ထောက်ခံချက်များ
- ရပ်ကွက်ထောက်ခံချက်
- အိမ်ထောင်စုဇယား(ပုံစံ-၁၀)မိတ္တူ
- မှတ်ပုံတင်မိတ္တူ
- ခုတ်မည့်အပင်၏ဓါတ်ပုံ
- စစ်ဆေးဆောင်ရွက်ပုံအဆင့်ဆင့်
- သစ်ပင်/သစ်ကိုင်းခုတ်ခွင့်လျှောက်ထားလိုသောသူသည် လျှောက်ထားတင်ပြစာကို လုပ်ငန်းဌာနခွဲစာဝင်/စာထွက်တွင် လျှောက် ထားတင်ပြခြင်း(၁)ရက်
- စာဝင်/စာထွက်ဌာနစိတ်မှ ဌာနခွဲမှူးသို့တင်ပြ၍ ဌာနခွဲမှူးမှ တဆင့် မြို့နယ်တာဝန်ခံသို့ ချထားပေးခြင်း(၁)ရက်
- သက်ဆိုင်ရာမြို့နယ်တာဝန်ခံမှ ကွင်းဆင်းစစ်ဆေးပြီးနောက် ဌာနခွဲမှူးထံတင်ပြ၍ ဌာနခွဲမှူးမှတဆင့် ဌာနမှူးထံ ဆက်လက် တင်ပြခြင်း(၂)ရက်
- ဌာနမှူးမှ ကော်မတီဝင်ထံ တင်ပြခွင့်ပြုချက်ရယူခြင်း(၃)ရက်
- မြို့နယ်တာဝန်ခံမှ သစ်ပင်/သစ်ကိုင်းခုတ်ခွင့်လျှောက်ထားသူသို့ အကြောင်းကြားခြင်း (၁)ရက်
- သစ်ပင်ခုတ်လျှောက်ထားသူအား ဝန်ဆောင်မှုစရိတ်ငွေပေးသွင်း၍ ခုတ်ခွင့်ပြုခြင်း (၁)ရက်
- ခွင့်ပြုချက်ထုတ်ပေးသည်အထိ ကြာမြင့်နိုင်သည့်အချိန်ကာလသတ်မှတ်ချက် သစ်ပင် /သစ်ကိုင်းခုတ်လိုသောသူမှ လျှောက်ထားပြီးနောက်(၉)ရက်
- ပေးသွင်းရမည့်အခွန်အခသတ်မှတ်ချက်များ
- သစ်ပင်/သစ်ကိုင်းခုတ်ခွင့်လျှောက်ထားခြင်း
- ပျိုးပင်လိုင်စင်သစ်လျှောက်ထားခြင်း ဝန်ဆောင်မှုများ လျှောက်ထားရာတွင် ဆောင်ရွက် ရမည့်လုပ်ငန်းစဉ်များ
- ပူးတွဲတင်ပြရမည့်စာရွက်စာတမ်းများ၊ထောက်ခံချက်များ
- ရပ်ကွက်ထောက်ခံချက်
- အိမ်ထောင်စုဇယား(ပုံစံ-၁၀)မိတ္တူ
- မှတ်ပုံတင်မိတ္တူ
- မြေပိုင်ဆိုင်ကြောင်း အထောက်အထားမိတ္တူ
- လျှောက်ထားသူ၏လိုင်စင်ဓါတ်ပုံ(၂)ပုံ
- စစ်ဆေးဆောင်ရွက်ပုံအဆင့်ဆင့်
- ပျိုးပင်လိုင်စင်လျှောက်ထားလိုသောသူသည် လျှောက်ထားတင်ပြစာကို ပန်းဥယျာဉ်နှင့် ကစားကွင်းများဌာန စာဝင်/စာထွက်တွင် လျှောက်ထား၍ ဌာနမှူးသို့တင်ပြပြီး ဌာနမှူးမှတဆင့် ဌာနခွဲမှူးသို့ ချထားပေးခြင်း(၁)ရက်
- ဌာနခွဲမှူးမှတဆင့် သက်ဆိုင်ရာမြို့နယ်တာဝန်ခံသို့ ချထားပေးခြင်းနှင့် သက်ဆိုင်ရာ မြို့နယ်တာဝန်ခံမှ ကွင်းဆင်းစစ်ဆေးပြီး နောက် ဌာနခွဲမှူးထံတင်ပြခြင်း(၂)ရက်
- ဌာနခွဲမှူးမှ ဌာနမှူးထံတင်ပြခြင်းနှင့် ဌာနမှူးမှ ကော်မတီဝင်ထံ တင်ပြခွင့်ပြုချက်ရ ယူခြင်း(၃)ရက်
- လိုင်စင်စာရေးမှ ပျိုးပင်လိုင်စင်အတွက် ငွေသွင်းရန်အကြောင်းကြားခြင်းနှင့် လိုင်စင် ထုတ်ပေးခြင်း(၂)ရက်
- ခွင့်ပြုချက်ထုတ်ပေးသည်အထိ ကြာမြင့်နိုင်သည့် အချိန်ကာလသတ်မှတ်ချက် - ပျိုးပင်လိုင်စင်သစ်ထုတ်ယူလိုသောသူမှ လျှောက်ထားပြီးနောက်(၈)ရက်
မေးလေ့ရှိသောမေးခွန်းများ
ပုဂ္ဂလိကအဖွဲ့အစည်းများနှင့် ပြည်သူများမှ သစ်ပင်များစိုက်ပျိုးလိုပါသဖြင့် ပျိုးပင်များ အခမဲ့ရရှိနိုင်ရန် မည်သို့လျှောက်ထားရပါသလဲ။
သက်ဆိုင်ရာမန္တလေးမြို့တော်စည်ပင်သာယာရေးကော်မတီ၏ မြို့နယ်အုပ်ချုပ်ရေးမှူး ရုံး၊ ပန်းဥယျာဉ်နှင့်ကစားကွင်းများဌာနသို့ တင်ပြလာပါက ကော်မတီသို့ ဆက်လက်တင်ပြ ခွင့်ပြုချက်ရယူ၍ ကော်မတီအစည်းအဝေး(EC)ဆုံးဖြတ်ချက်အရ ပျိုးပင်များ အား အခမဲ့ ထုတ်ပေးပါသည်။
လမ်းလယ်ကျွန်းများတွင် အပင်နှင့်ပန်းအိုးများ ကားတိုက်မှုဖြစ်ပါက မည်သို့ဆောင်ရွက်ပေးပါသလဲ။
လမ်းလယ်ကျွန်းရှိ အပင်နှင့် ပန်းအိုးများ ကားတိုက်မှုဖြစ်ပါက သတ်မှတ်ဒဏ်ကြေး အပါ အဝင် အပင်၏ အရွယ်အစားနှင့် ကျောက်ပန်းအိုးအတိုင်း အစားထိုးပေးလျော်ပြီးမှသာ ကြေအေးကြောင်း ဆောင်ရွက်ပေးပါသည်။
လျှပ်စစ်မီးကြိုးများနှင့်မလွတ်ကင်းသော သစ်ပင်/သစ်ကိုင်းများအား ပန်းဥယျာဉ်နှင့် ကစားကွင်းများဌာနမှ မည်သို့ရှင်းလင်းပေးပါသလဲ။
လျှပ်စစ်မီးကြိုးနှင့်မလွတ်ကင်းသောသစ်ပင်/သစ်ကိုင်းများအား E.P.C နှင့်ဆက်သွယ်၍ ခေတ္တလျှပ်စစ်လိုင်းပိတ်ပြီး ပန်းဥယျာဉ်နှင့်ကစားကွင်းများဌာနမှ ခုတ်ထွင်ရှင်းလင်းပေး ပါသည်။
အပင်ကြီးများအား သစ်ပင်ခုတ်လှဲခွင့်ရရှိပြီးသည့်နောက် မန္တလေးမြို့တော်စည်ပင်သာယာ ရေးကော်မတီမှ ကရိန်းကားဖြင့် မည်သို့ဆောင်ရွက်ပေးပါသလဲ။
ကရိန်းကားများအား ငှားရမ်းလိုပါက စက်ရုံနှင့်မော်တော်ယာဉ်ဌာနနှင့်ဆက်သွယ် ဆောင်ရွက်သွားရန်ဖြစ်ပါသည်။
အန္တရာယ်ရှိ သစ်ပင်များအား မည်သို့ဆောင်ရွက်ပေးပါသလဲ။
မြို့တော်ဝန် Page တွင် တင်ပြလာသော သစ်ပင်များ၊ မြို့နယ်အုပ်ချုပ်ရေးမှူးများသို့ တင်ပြ လာသောသစ်ပင်များ၊ ကော်မတီသို့တင်ပြသောအန္တရာယ်ရှိသစ်ပင်များ၊ သဘာဝဘေး အန္တရာယ်ကြောင့်ပြိုလဲသည့်သစ်ပင်များအား ပန်းဥယျာဉ်နှင့်ကစားကွင်းများဌာန၏လုပ်ငန်း တစ်ရပ်အနေဖြင့် ရှင်းလင်းဆောင်ရွက်ပေးပါသည်။
ဝန်ဆောင်မှု (အွန်လိုင်း) -
၇၇
ခု
ဆက်လက်ကြည့်ရှုရန်
ရန်ကုန်တိုင်းဒေသကြီးအတွင်းရှိ တည်းခိုခန်းများ Online စာရင်းပေးသွင်းခြင်း
ရန်ကုန်တိုင်းဒေသကြီးအစိုးရအဖွဲ့ / September 29, 2021
အစားအသောက်လုပ်ငန်းလိုင်စင်၊ တည်းခိုခန်းလိုင်စင်၊ အငှားအိမ်ငှားပိုင်ခွင့် လိုင်စင်၊ အသားရောင်း လုပ်ငန်းလိုင်စင် ၊အခြားလုပ်ငန်းလိုင်စင်များကို လိုင်စင်အသစ်၊ မိတ္တူ၊ပြောင်း၊ ပိတ်သိမ်း၊ ဆက်လက်ခံယူခွင့် လျှောက်ထားခြင်း
မန္တလေးမြို့တော်စည်ပင်သာယာရေးကော်မတီ / September 29, 2021
မြေကွက်ခွဲစိတ် / ပေါင်းစည်း လျှောက်ထားခြင်း
ရန်ကုန်မြို့တော်စည်ပင်သာယာရေးကော်မတီ / September 29, 2021